Apocalipsis 18:14 - Biblia Mixe de Quetzaltepec

¹⁴ Ënät ja ajuuy ato'kpë tnëëmëja'antë ja kajpn: Tëë wyintëkooytyä'äy tu'kë'ëyë mëti'ipë ijty ni'ik mtsojkpyën. Tëë tyëkooytyä'äy ja mtsuj'ajtën ets ja mkumeenyajtën, nijëna'a jatëkok xykya'ëkpatnëty jëtu'unpë.

Biblia Dc en Mixe de Quetzaltepec

¹⁴ Ënet ja ajuuy ato'kpë tnëëmëja'antë ja kajpn: Tëë wyintëkooytyä'äy tu'kë'ëyë mëti'ipë ijty ni'ik mtsojkpyën. Tëë tyëkooytyä'äy ja mtsuj'ajtën ets ja mkumeenyajtën, nijëna'a jatëkok xykya'ëkpatnëty jëtu'unpë.

Apocalipsis 18:14 ပူးပေါင်းရင်းမြစ်များ

1 Corintios 10:6

Tu'kë'ëyë ya'atë, paaty ojts jëtu'un tyunyë jyätyë ets ja ijxpät wyë'ëmëty ets ka'ap n'atsojkmëty ja ka'apë y'oyëtyën, ijxtëm yë'ëty t'atsojktën.

Santiago 4:2

M'atsojktëp mëti'ipë ja mmëku'uk myëët'ajtëpën ets ko xykyapaatë ënät ja tsip pyëti'iky ets myajja'ay ooktë. Ka'ap akujk jotkujk m'itë jä'äkyëjxm ko Tios xykya''amëtowtë mëti'ipë mtsojktëpën.

Lucas 16:25

Tääts ja Abraham y'ënëmaayë: U'unk, yë'ë mja'amyätsëp ko mijts akujk jotkujk të mjuuky'äty naaxwiiny; yë Lázaro, tëë y'ëyoy; e tyam, tëë tpaaty ja jotkujk'ajtën; mijts tyam mtuka'ajëp ets mëk m'ëyowëty.

Lucas 12:20

Tyam ënäty jëtu'un y'ënä'äny ko ja Tios y'ënëmaayë: Winma'anytyuk, tyam koots ënät m'o'knëty, ets mëti'ipë jap të xypyëjke'ekyën, ¿pën jyä'ä'atëp?

Salmos 106:14

Jam apaktum, të'ëts'itjotm, je'eyë ojts yë Tios twinma'any'ixtë, ets tuknä'ämtë tunëty mëti'ipë ënäty tsyojkën'ajtëpën.

Números 11:4

Ma Israel ja'ayëtyën tam ënäty yajpaatë jaaypyaat jaaypyo'kxyëty, mëti'ipë yi'iyë myëmaay myëët'ajtëpën yë ka'ayën ukën. E ja Israel ja'ayëty näjyëtu'un ja tpa'ëtëtstë. Ojts tyëkëtë kuma'ay kutajëpë ets jëëpyë yaxpë y'ëna'antë: Tsu'utsyës yajxon njajantsyu'utsäämpy.

Salmos 78:18

Ojts ja Tios tjawinma'any'ixa'antë ko ja jyi'kxy pyiky tsoktë jëtu'un tä ja tyimjot tyimwinma'anyëtyën.

Números 11:34

Ja it naaxwiinyëtë jä'ä txëëwmooytyë Quibrot-hataavá. Jä'ä ko jam ojts nyaaxtëkëtë ja ja'ayëty, mëti'ipë ënäty yi'iyë myëmaay myëët'ajtëpën ja ka'ayën ukën.

Mateo 11:8

Ets pën ka'ap, ¿tii ojts xynyinëjkxtë ets tii ojts xy'ixtë? ¿Tu'uk ja ja'ay janty tsujpë xyoxyëtyënë? Mnija'awëtëp miits mëti'ipë janty tsuj näxyojxëtëpën, jam ja y'itë ma ja yajkutujkpë tsyëënëtën.

Apocalipsis 18:13

canela, tojkx tsooy, poom, mirra, wiink pa'akxu'kxpë nëë, tsatsym nyëë, olivë on, tsajpmokway, tsajpmokpajk, tsajpkaa, kupixyny, kwaay, kepy wintëkäämpë, mëtuunpë, jaaypyaat nëjkx tooktë.

Apocalipsis 18:15

Ets ja ajuuy ato'kpë mëti'ipë ënäty të kyumeenytya'aktën ma jampë kajpnën, jëkäm nëjkx wyë'ëmtë mëët ja tsë'ëkë këtiipë y'ëyo'onpaatëty näjyëtu'un, nyijë'ë nyiya'axtëp je'eyë,