Apocalipsis 17:11 - Biblia Mixe de Quetzaltepec

¹¹ E ja mëj jëyujk mëti'ipë të jyuuky'ätyën ets ka'ap tyam maanë: yë'ë ja mëtuktujkpë ja yajkutujkpë, yajmëtyoop näjyëtu'un ma ja niwëxtujkpë ja yajkutujkpëtyën. Ënät ja nyëjkxnëty ëyoowtaknjoty.

Biblia Dc en Mixe de Quetzaltepec

¹¹ E ja mëj jëyujk mëti'ipë të jyuuky'ätyën ets ka'ap tyam maanë: yë'ë ja mëtuktujkpë ja yajkutujkpë, yajmëtyoop näjyëtu'un ma ja niwëxtujkpë ja yajkutujkpëtyën. Ënet ja nyëjkxnëty ëyoowtaknjoty.

Apocalipsis 17:11 ပူးပေါင်းရင်းမြစ်များ

Apocalipsis 13:10

Mëti'ipë nitëjkëyëpën yajtsumëty, nëjkxëp ja yajtsumy; pën nitëjkëyëp yajkupuxëty, nëjkxëp ja yajkupuxy. Yaa yaj'ixa'any pën jotmëkën ets pën mëpëjkpën ma ja Tios ja nyaax kyajpnën.

Apocalipsis 13:12

Ja mëjëwyiinpë ja mëj jëyujk ojts myo'oyë ja kutujkën ets t'ënä'ämëty ja naaxwiinyëtë ja'ay ets t'ëwtatëty ja mëjëwyiimpë ja mëj jëyujk, mëti'ipë ja myëj tsëtyut ënäty të tsyo'okyën.

Apocalipsis 13:3

Ja mëj jëyujk tsëtyut tu'uk ja kyëpajk yaj'ixy yaj'ookanëp yowë; tsok ja tsyëtyut, ko ja naaxwiinyëtë ja'ay jëtu'un t'ijxtë wiinkuma'ayën ojts t'ixtë ets ojts tpanëjkxtë ja mëj jëyujk.

Apocalipsis 17:8

Yë mëj jëyujk mëti'ipë të xy'ixyën, yë'ë ja mëti'ipë të jyuuky'ätyën, ka'ap ja tyam maanë. Jäänëm ja pyëtsëma'any ëyoowtaknjoty ka'anëm ënäty nyijkx ma kyutëkoyä'änyën; ja ja'ayëty mëti'ipë ja xyëëw ka'ap kyuja'ayëtyën jap nokyjoty ma ja ja'ay ja xyëëw myintën mëti'ipë xëmëkyëjxm juuky'ajtëpën, yë'ë nëjkx mëk tjawëtë ko t'ixtëty jatëkok ja mëj jëyujk mëti'ipë të jyuuky'ätyën ets ka'ap tyam maanë, je'eyëp ko minaanp jatëkok.