Apocalipsis 16:21 - Biblia Mixe de Quetzaltepec

²¹ Ets ja tëtsn tuu ojts kyä'äy tsajpwinm, janty mëjjëty ma ja ja'ayëtyën, wëxtyikxy kilë naxy jye'emtyëty tu'ukpë ja tëstn ets wäänëni'ik ja ja'ay tmëtëkooytyë ja Tios, oy ja ëyo'on jya'ity ko ja tëtsn tuu kyä'äy.

Biblia Dc en Mixe de Quetzaltepec

²¹ Ets ja tëtsn tuu ojts kyä'äy tsajpwinm, janty mëjjëty ma ja ja'ayëtyën, wëxtyikxy kilë naxy jye'emtyëty tu'ukpë ja tëstn ets wäänëni'ik ja ja'ay tmëtëkooytyë ja Dios, oy ja ëyo'on jya'ity ko ja tëtsn tuu kyä'äy.

Apocalipsis 16:21 ပူးပေါင်းရင်းမြစ်များ

Apocalipsis 11:19

Ënät ja Tios ja tyëjk y'ëwatsy jam tsajpjotm ets n'ijxyës jap ja kaaxë mëti'ipë myë'ijtypyën ja käjpxytyu'unën, ënät ja wëtsuk të y'ëtëtstä'äky, ja aaw ayuk të yajmëtoy, ja ënääw të y'ënaantä'äky, të tyëkë ja naaxwiinyëtë yu'kxpë, të tsyëyuuypyiky ets të tyëkë mëk tëtsntuupë.

Apocalipsis 16:9

Jëtu'un ja ja'ay y'o'ktaaytyë mëët ja xëëw'an, je'eyëp ko oy jyajëtu'unënäty ka'ap ninu'un ja wyinma'any tyaj'o'oyëtë; ka'ap ja Tios tja'amyäjtstë mëti'ipë yäjkpyën ja ëyo'on, wäänëni'ik tjaaktimpyokytyuuntë.

Apocalipsis 16:11

ka'ap t'ëxmajtstë ja pyokytyu'unënëty, wäänëni'ik tmëtëkooy'ëtëtstë ja Tios, mëti'ipë tsajpjotmën, jä'äkyëjxm ko ja ëyo'on jëtu'un t'ixtë.

Apocalipsis 8:7

Mëtu'ukpë ja tsajpjotmëtë kukäjpxy ojts tukxu'uxy ja pyujxn xuxn ets myiiny naaxwiiny ja tëtsn tuu ets ja jëën ne'pyny myëëtpë, jëtu'un tyooytyëkooy tu'kpëky ja naaxwiinyëtë ma ja tëkëëk pëkpyën mëët tu'kë'ëyë ja aay kepy ets ja aay ujts.

Josue 10:11

Ko jam jyënajkë'ktë yë Amor ja'ayëty ma ja it naaxwiinyëtë txëëwatyën Bet-horón ets jä'ä tkukä'äktë ja Israel ja'ayëty. Ënät yë Wintsën jam tyajkutëjkëy yë mëktëtsn tuu tsajpjotm ets may yë Amor ja'ayëty y'o'ktë mëët ja tëtsn tuu këtiinëm jyëtu'unëty tä ënäty ja Israel ja'ayëty të tyaj'ooktën mëët ja tyiypyujxnëty.

Ezequiel 13:13

Paaty ëjts maas nWintsën'atyën n'ëna'any: Koos ënäty njoot'anpëky nyajminäämpyës yë mëktuupoj ets koos ënäty ja ntsip n'äkë myëjë nyajtëtsntu'ujäämpyës jëtu'un tä jeexyë tsyaatu'uyën etsës winë nyajkutëkoyä'äny mëët ja tsip äkë.

Ezequiel 13:11

Ënëëmëtë tääpë ja'ayëty mëti'ipë potsy poop nyikooytyëpën, ko këtawaanp tääpë potsy. Minaanp yë nëë tuu ets tëtsn tuu mëti'ipë tsaajën këxë'ëkaanpën ets mëkpoj tuupoj myina'any,

Isaías 8:21

Jëtu'unyë nëjkx ja'ay kyuye'ey kyunaxëtë, mëk nëjkx ja'ay yajtunëtë ets ayuu yajxëëwnaxëtëty, je'eyë nëjkx jyoot'anpëktë mëët ja yuu ets nëjkxëp tsyajp'ixtë ets tpoktë ja yajkutujkpë ets ja Tyiosëty.

Isaías 30:30

Yë Wintsën yajmëtowanëp ja y'aaw y'ayuk mëët ja mëj'ajtën kutujkën ets tyaj'ixa'anyë ja myëk'ajtën, atsë'ëk ajawë winë tuna'any; yë'ë yajtunäämpy jëën, ënääw, tuu ets tëtsn tuu.

Éxodo 9:18

E ka'ap wyi'ixëty, ko jyopy'atëty, ya'atpë xëëw, yajxonës mëk nyajtëtsntu'uja'any, kajëna'a jëtu'un yaa Egiptë kyatëtsntu'uynyëm, tä jopy xy'ixa'anyën.

Éxodo 9:22

Ënät ja Tios t'ënëmaay ja Moisés: Yujkxaj yë mkë'ë tsajpjotm ets wä'än tka'ay yë tëtsn tuu ma tëkokyë yë nyaax kyajpnën yë Egiptë ets näjyëtu'un ma ja'ayëtyën ets ma jëyujkëtyën.

Job 38:22

¿Tëë xy'ixy'ätyë maas npëjkë'ëkyën yë tsajp o'pky ets tëtsntuujë

Job 38:23

mëti'ipës nkejxypyën koos yë ëyo'on nyaj'ity ets ko yë tsip käjpxy y'ityë?