Apocalipsis 16:2 - Biblia Mixe de Quetzaltepec

² Ënät mëtu'uk ja tsajpjotmëtë kukäjpxy tyajtukwatsy ja y'a'ukën naaxwiiny ets ni'ëmukë ja ja'ay pyataayëtë ja ëxëëk pu'uts mëti'ipë ja mëj jëyujk ja nyi''ijxpät myëët'ajtëpën ets mëti'ipë wyintsë'këtëp ja awinax.

Biblia Dc en Mixe de Quetzaltepec

² Ënet mëtu'uk ja tsajpjotmëtë kukäjpxy tyajtukwatsy ja y'a'ukën naaxwiiny ets ni'ëmukë ja ja'ay pyataayëtë ja ëxëëk pu'uts mëti'ipë ja mëj jëyujk ja nyi''ijxpät myëët'ajtëpën ets mëti'ipë wyintsë'këtëp ja awinax.

Apocalipsis 16:2 ပူးပေါင်းရင်းမြစ်များ

Apocalipsis 8:7

Mëtu'ukpë ja tsajpjotmëtë kukäjpxy ojts tukxu'uxy ja pyujxn xuxn ets myiiny naaxwiiny ja tëtsn tuu ets ja jëën ne'pyny myëëtpë, jëtu'un tyooytyëkooy tu'kpëky ja naaxwiinyëtë ma ja tëkëëk pëkpyën mëët tu'kë'ëyë ja aay kepy ets ja aay ujts.

Apocalipsis 16:11

ka'ap t'ëxmajtstë ja pyokytyu'unënëty, wäänëni'ik tmëtëkooy'ëtëtstë ja Tios, mëti'ipë tsajpjotmën, jä'äkyëjxm ko ja ëyo'on jëtu'un t'ixtë.

Deuteronomio 28:27

Yë Wintsën nëjkxëp mëët myaj'ëyoyë yë pu'uts pa'am, jëtu'un tä jap Egiptë ja'ay jyajtë kyëpäjtën, nëjkxëp mpëkyë yë tsaamaxn, xi'ipyë pa'am ets tsajpnitooy; oy nëjkx mjanäyajtsooypyetyë ka'ap mtso'okëty.

Hechos 12:23

Ënät ajotkumonë ojts ja Wintsën ja y'anklës yajpa'ampetyë, jä'ä ko ka'ap tmëjja'aw tjaantyja'awëy ja Tios. Ënät tyënë'këy ets y'o'ky.

Isaías 3:17

yë'ëjës mëët ntëytyuna'any ja pa'am mëti'ipë yajkutë'kxëpën ets ja wyääy kya'ata'atëty ets niwa'ats ëxwa'ats wyë'ëmtëty.

2 Crónicas 21:18

Ko jëtu'un y'ëktuun y'ëkjajtë, ënät ja Joram ojts mëkjotpa'am pyäätyë, mëti'ipë ka'ap tsyooymyäyën.

2 Crónicas 21:15

Ma mijtsën minaanp ja yuu pa'am. Jotpa'am matsanëp mëkpë ets ka'ap tsyooymyäyä'äny, koonëm ja mjot mtiinty nya'tspëtsëmëty.

1 Samuel 5:9

E ko jam tyajtso'ontë, Tios mëk ojts jam ja ëyo'on tyajkëtä'äky ma ja naax kajpnën. Jä'ä ko wa'ats ja ja'ayëty ojts pya'ampäjta'atë mëët ja ki'ix pa'am ets ja pu'uts pa'am; ojts pya'ampäjta'atë mëjja'ay, mutskja'ay.

1 Samuel 5:6

Ok yë Wintsën mëk tëytyuuny yë ja'ayëty jampë tsyëënëtën Asdod ets mëti'ipë yajpatëpën ma jampë ja it naaxwiinyëtën, tääts tyukmiinëtë ja yuu pa'am mëkëtypë, tä yë pu'utspa'amën, xi'ikyë pa'amën ets tsaamaxnën.

Deuteronomio 7:15

Yë Wintsën jyëpëkäämpy yë pëjkën ato'onën ma miitsëtyën ets ja ëyo'on jotmay jëtu'unpë tä ja mëti'ipë jap këtakën Egiptë, e jä'ä tëy ja mëti'ipë mëtsip'ajtëtëpën, nëjkxëp ja mëk tyaj'ëyoy mëët ja ëyo'on jotmay.

Isaías 3:24

Je'eyë nëjkx tyokxu'knëtë ijxtëm jeexyë pya'akxuuktën, tejpxy nëjkx yajtukyo'ktsumtë tä jeexyë pyo'owëën yajkëxpëktën, ni'ikyë nëjkx wyääy yajnëkä'pta'atë ijxtëm jeexyë yenyjyäty tmëët'atën; tä jeexyë oywyit tuktëkëtën, këëts wit nëjkx tyajtuntë, tä jeexyë yaj'oytyuntën, anpujxn nëjkx yajtuktsa'atë.

Salmos 78:26

Ja poj mëti'ipë ëpa'tkë'ëytsyow ku'ujtpën ets mëti'ipë anëkëjxytsyow tso'onpën ojts jam pyojtë tsajpkëjxm; Tios ojts tyajminy mëët yë myëk'ajtën.

Apocalipsis 14:16

Tääts mëti'ipë u'unyääpyën jam yootsjotm tyajpëtë'ktaay ja pëjktä'äky naaxwiinyëtë apëtsëmy mëët ja tsujkn.

Deuteronomio 28:35

Yë Wintsën nëjkxëp yë pu'uts pa'am mtukpaatyë ma mtekykyoxën, ma mpuuyën ets ma tëkokyë mjot mnini'kxën. Oy nëjkx mja'ëna'any ets jeexyë mtsooypyety, kamaa tsooy xykyapaatëty ets mtso'okëty.

Apocalipsis 13:12

Ja mëjëwyiinpë ja mëj jëyujk ojts myo'oyë ja kutujkën ets t'ënä'ämëty ja naaxwiinyëtë ja'ay ets t'ëwtatëty ja mëjëwyiimpë ja mëj jëyujk, mëti'ipë ja myëj tsëtyut ënäty të tsyo'okyën.

Apocalipsis 14:9

Ets ja wiinkpë ja tsajpjotmëtë kukäjpxy mëtëkëëkpë pyamiinë mëti'ipë mëk ënaanpën: Pën kyupëjkpy ja nätsya'ajë wyimpokëjxm ets kyë'ëkëjxm, ets pën wyintsë'këp ja mëj jëyujk ets ja y'awinax,

Apocalipsis 16:1

Ets nmëtooyës ja ayuk mëk ma ja Tios ja tyëjkën ets yaj'ënëëmëtë ja niwëxtujkpë ja tsajpjotmëtë kukäjpxy: Nëjkxtë naaxwiiny ets xyajtukwa'atstëty yë a'ukën mëti'ipë myëët'ajtypyën yë ëyo'on mëët ja Tios ja tsyip y'äkë.