Apocalipsis 16:16 - Biblia Mixe de Quetzaltepec

¹⁶ E ja yajkutujkpëtëjk ojts ja myuktë ma tu'uk ja it txëëwatyën hebreo ayuk'äämpy Armagedón.

Biblia Dc en Mixe de Quetzaltepec

¹⁶ E ja yajkutujkpëtëjk ojts ja myuktë ma tu'uk ja it txëëwatyën hebreo ayuk'äämpy Armagedón.

Apocalipsis 16:16 ပူးပေါင်းရင်းမြစ်များ

2 Crónicas 35:22

E yë Josías ka'ap kyäjpxyjyä'äykyujkëy, ni'ikyë ojts jyotmëktä'äky ets koonëm tsyiptuna'any oy jëtu'un jyayaj'ënëmaay, mëti'ipë ënäty ja Wintsën kë'ëm të kyexyën, tääts tyëjkëy mëët tsiptuunpë jam Meguido,

Zacarías 12:11

Mëj këjää nëjkx yajnimony yajnituky mëti'ipë ënäty të y'ookyën, jëtu'un tä mëj këjää yajnimony yajnitukyën yë tios Hadad-rimón, jampë Meguido joyjotm yajpaatyën.

Juan 19:13

Ko ja Pilato jëtu'un tmëtooy ënät ojts tni'ënä'ämë ets ja Jesús tyajpëtsëmtëty ets nyaaxwe'tsy ënyääypyäjnkëjxy ma pyaye'eyën, ma txëëwatyën hebreo ayuk Gabatá, jä'ä nyiwijy Tsaa Winwääpy.

Juan 19:17

Tääts ja Jesús tsyo'ony, tam ja kruuts tpakäpy, ets nyijkx ma txëëwatyën O'kpë Këpajk mëti'ipë hebreo ayuk yajtijpën Gólgota.

Juan 5:2

Jam ijty tu'uk ja tëjk'aaw mëti'ipë xyëëwajtypyën Kupixyny Tëjk Aaw ets jam tu'uk ja nëë apojtsë'ëky, Betesda yajtijy hebreo ayuk, mëkoxk ja nyitëjk'aaw.

Hechos 26:14

Täätsës ni'ëmukë nkëtaawtaaytyë ets ojts nmëtoyës ja hebreo ayuk y'ënä'äny: Saulo, Saulo, ¿tii ko xypyajëtityës? Kë'ëm mnäyajtsëtyutyë ijxtëm ja tsajpkaa tjëjpkunäpën ja kepy jëjpxu'uny.

Apocalipsis 17:14

Tääts mëët tsyiptuna'antë mëti'ipë yajtijpën Kupixyny U'unk; nëjkxëp myëmëta'akëtë ja mëti'ipë yajtijpën Kupixyn U'unk, jä'ä ko wintsëntëjk Wintsën ja y'ity, ets yajkutujkpëtëjk Yajkutujkpë; mëët nëjkx y'ity mëti'ipë ja Tios të wyinwitsëtën ets mëti'ipë wintëy wiinkujk mëët ja Tios y'itën.

Apocalipsis 9:11

Jam tu'uk ja tsajpjotmëtë kukäjpxy mëti'ipë tso'onpën ëyoowtaknjotm, yë'ë nyiwintsën'ajtyp ja maymyu'u. Abadón yajtijy ma hebreo ayukën ets ma griego ayukën, Apolion.

Jueces 4:7

Ëjtsës të ntuknipëjktaakë ets Jabín yë tsyiptuunpë wintsën mëti'ipë xyëëwajtypyën Sísara jam myinëty ma ja nëë wok jyënäkyën mëti'ipë yajtijpën Quisón ets tsyiptuna'any mëët mijts mëët tëkokyë ja pyujxnwintëkäämpë mëti'ipë myëtsiptuuntëpën ets ja tsyiptuunpëtëjk, e mijts këtii mtsë'ëkëty, jä'ä ko tëë ntukë'ëtëkë.

Jueces 5:19

Ënät ja yajkutujkpëtëjk jam myiintë Taanac, ma ja nëëjot txëëwatyën Meguido; yë yajkutujkpëtëjk mëti'ipë Canaán ja'ayëtyën ojts myintë tsiptuunpë, e ka'ap ojts tpaatë yë poop pujxn ets wit meeny.