Apocalipsis 15:8 - Biblia Mixe de Quetzaltepec

⁸ Ets y'ujtstaay ja Tios ja tyëjk mëët ja jok, jä'ä ja Tios ja myëj'ajtën jyääntyajtën ets ja kyutujkën; ni pën mëpaat jap kyatëkë, koonëm jyëjpkëxëty ja ëyo'on mëti'ipë ja wëxtujkpë tsajpjotmëtë kukäjpxy myëët'ajtëpën.

Biblia Dc en Mixe de Quetzaltepec

⁸ Ets y'ujtstaay ja Dios ja tyëjk mëët ja jok, jä'ä ja Dios ja myëj'ajtën jyääntyajtën ets ja kyutujkën; ni pën mëpaat jap kyatëkë, koonëm jyëjpkëxëty ja ëyo'on mëti'ipë ja wëxtujkpë tsajpjotmëtë kukäjpxy myëët'ajtëpën.

Apocalipsis 15:8 ပူးပေါင်းရင်းမြစ်များ

Isaías 6:4

Ko ja mëto'owën jëtu'un të yajmëtoowpaaty, ënät ja tsajptëjk të tyëkë yu'kxypyë ets të tyuktujkta'ay mëët ja jok.

Apocalipsis 15:1

Ets n'ijxyës wiinkpë mëj ijxpäjtën atsë'ëk ajawëpë: niwëxtujk ja tsajpjotmëtë kukäjpxy mëti'ipë myëët'ajtëpën wëxtujkpëky ja ëyo'on, ets ko tyunëtëty jyatëtëty ja wëxtujk pëkpyë ëyo'on, ënät nyaxëty ja Tios ja y'äkë.

2 Tesalonicenses 1:9

Yajtëytyunantëp xëmëkyëjxm ets jëkäm yajpëjkta'aka'antë ma ja Wintsën ka'ap y'ixëtëty, ma ka'ap tpaatëtyën ja Wintsën ja myëj'ajtën jyääntyajtën ets myëk'ajtën.

Salmos 29:9

Yë Wintsën yë y'aaw y'ayuk xyijt yu'kxp yë xoj kepy ëyätyëtypë, ets yukjot jëtu'unyë tyajwë'ëmy winwa'ats naax. Ma tsyajptëjkën, tëkokyë ja'ayëty aakyë'ë wintsë'këyëp.

Romanos 11:33

Ni'ik ja Tios ja myëj'ajt jyääntyajtën kyëjääjëty ets näjyëtu'un ja wyijy'ajt kyejyajtën. Ni pën kyamayë tkajpxtë'kxëty mëti'ipë të tuknipëjktaakën ets ka'ap pën myäyëtëty twinjawëty ja nyë'ë tyu'u.

Lamentaciones 3:44

Je'eyë të mnäyu'utsyë yootsjoty këtiipë xymyëtowëty ëëts ja nnu'kxtakënëty.

Jeremias 15:1

Jëtu'unës yë Wintsën të xy'ënëëmë: Oyxyëp yë Moisés ets Samuel yë'ë yaa xyjyatimnyimiintëpës, ëjts ka'apës tääpë kajpn npa'ëyowa'any. Ënëëmë wä'än xywyinwa'ktu'utës, wä'än tnëjkxtë.

Éxodo 19:18

Jam ma ja kopkën jok jam yaj'ijxp pyëtsimy, mëët ko ënäty ja Tios jam të kyëtä'äky jëënjoty. Ja jëënjok jam jantypëtsëëmp kopkkëjxm tä jëëntooytyaknjoty yë jëënjok pyëtsimyën ets ja kopk janty yu'kxtsënääpy.

Levitico 16:2

ets t'ënëmaay: Ënëëmë yë m'ajty Aarón ets këtii oy jëna'a tyëkëty jap ma tsajptëjkën, jëxkë'p ma wit atëëytyuk yajpaatyën, ma jap y'ityën yë Tios yë kyaaxë, këtiipë y'ookëty; jä'ä ko ëjts näynyikëxë'ëkanëpës yootsjoty ma ja kaaxë yajpaatyën.

Apocalipsis 21:11

Janty ajajp janty atë'kxp mëët ja Tios ja myëj'ajtën jyääntyajtën, jëtu'un y'ajajy y'atsëmämy ijxtëm ja tsaa janty oypyën, ijxtëm tu'uk ja poop tsaajën mëti'ipë yajtuk'ijxnajxpën, ijxtëm ja ijxn yajtuk'ijxnaxyën.