Apocalipsis 14:2 - Biblia Mixe de Quetzaltepec

² Ënätës nmëtooy mëk y'ënä'äny tsajpjotm ijxtëm ja nëë tax y'iitsy kyomyën ets ijxtëm ja ënääw y'ënä'änyën, jëtu'un yajmëtoy tä yë ja'ay kyowtën.

Biblia Dc en Mixe de Quetzaltepec

² Ënätës nmëtooy mëk y'ënä'äny tsajpjotm ijxtëm ja nëë tax y'iitsy kyomyën ets ijxtëm ja ënääw y'ënä'änyën, jëtu'un yajmëtoy tä yë ja'ay kyowtën.

Apocalipsis 14:2 ပူးပေါင်းရင်းမြစ်များ

2 Samuel 6:5

E ja David ets tëkokyë ja Israel ja'ayëty äjtstëp xoontaktëp nyëjkxtë amëjaaw Wintsën wintum, jam ix'am mëët ja xuxpë wojpë.

2 Crónicas 20:28

Ko jyajtë jam Jerusalén, aakjam nyëjkxtaaytyë ma tsajptëjkën ëëwpë yaxpë mëët ja xuxpë wojpë.

Salmos 147:7

Win'ëw winya'axtë yë Wintsën mëët yë kukajpxën ja'awëkyëtakën, tukwin'ëwtë yë nTios'ajtëm yë ëy yä'äxy mëët yë kow.

Salmos 149:3

Mmëjpëjkta'aktë yë xyëëw mëët yë ety tëki'ixy, ëwtë ya'axtë yë ëy, tukpa'ëna'antë yë xijn ets kow,

Salmos 33:2

Mo'otë yë Wintsën yë jya'awëkyëtakën ets win'ëw winya'axtë mëët yë kepykyow,

Salmos 43:4

Etsës nja'tëty ma ja mwintsë'këntyaknën, jam nwin'ëwa'any nwinya'axa'any mijts Tios mëët yë kow, jä'ä ko mijts Tios, mëti'ipës nTios'ajtypyën, akujk jotkujkës xyajjuuky'äty.

Salmos 57:8

Mijts jot anëmë, mëti'ipës njot'ajtyp n'anëmë'ajtypyën, juukym xëmë m'itëty; ëjts ntsojkpyës ets xuxpë koopë xyu'uxtëty kyowtëty, ets xoontä'äky nkuxëënytya'ak nkujajta'akëtyës.

Salmos 92:3

mëët yë kow xuxn.

Salmos 93:4

e mijts Wintsën, ko m'ity ets myajpaaty jam këjxm ni'ik yë mëk'ajtën xymyëëtëty këtiinëm jyëtu'unëty yë mëjnëë ko jyä'tsminy jyä'tsxëpy ets ko nëkooyë pyëtë'knë nëë o'pky.

Salmos 98:5

Win'ëwtë yë Wintsën mëët yë kow, tukpa'ëna'antë tëkokyë oymyëti'ipë kowëty.

Éxodo 19:16

Ko tyëkëëkxëëwpejty, ënät ojts yajmëtoy y'ënaantä'äky y'ëtëtstä'äky yë ënääw wëtsuk ets nyäkyo'ktaayë jam kopkkëjxm yë yoots nëma'a, je'eyë yaj'ijxnë koots pëmiinë, e ko yajmëtoowpaty, jëtu'un tä ja'ay yë pujxnxuxn mëk tukxu'uxyën, ënät ojts yë tsë'ëkë tyuktëjkëtya'ajëtë ja ja'ayëty.

Éxodo 20:18

Nitëkokyë yë Israel ja'ayëty y'ijxtaaytyë ko ojts ja ënääw wëtsuk y'ëti'itsy y'ënä'äny, ko ja pujxnxuxn mëk jyänty xyuxy ets ko ja jëënjok tyajnitujktaay ja tun kopk. Ojts ja ja'ayëty may tsyë'ëkëtë ets ka'ap ojts nëkooyë wyinkontë ma kopkën.

Isaías 17:13

Ko ja Wintsën y'ojëtë, ënätyë kyääkjoktë ets jëkäm nyëjkxtë, jëtu'un tä pu'uxm wyimpapojyën tunkëjxm, jëtu'un tä äpnytyë'ëts pyojë'ëkyën ko mëktuupoj myiny.

Ezequiel 43:2

etsës të n'ixy ko myiny ja Wintsën ja myëj'ajt y'oyajtën xëëwpëtsëmtsyow. Jëtu'un yajmëtoy tä nëë y'iitsy kyomyën ets ja naaxwiinyëtë të kyujajtä'äky.

Zacarías 9:14

Yë Tios yë'ë nänyikëxë'ëkanëp ma nyaax kyajpnën; jëtu'un ti'pxë'ëka'any yë tyi'pxn wëtsukën. Tios mëti'ipë Wintsën'ajtpën yë'ë tyukxu'uxäämpy yë xyuxn ets mëët yë mëkpoj tyu'uye'eyä'äny mëti'ipë ëpa'tkë'ëytsyow tso'onpën.

1 Corintios 13:1

Oyës njakäjpxy ja ayuk mëti'ipë ja naaxwiinyëtë ja'ay kyajpxtëpën, ëkë oyës njakäjpxy ja ayuk mëti'ipë ja tsajpjotmëtë kukäjpxy kyajpxtëpën, pën ka'apës ja njëëky nmëku'uk ntsoky njawë, jëtu'un tpaaty ijxtëm pujxn ja'ay twinwopyën ëkë ijxtëm pujxntexy je'eyë nëkoo nye'emyën.

Apocalipsis 1:10

Wintsën ënäty ja xyëëw ko ja Kënu'kxymyëkajtën ojts xynyikëtä'äkyës ets janty mëk nmëtooyës ja ayuk njëxkë'ëmës ijxtëm tu'uk yë pujxnxuxn y'ënä'änyën,

Apocalipsis 1:15

Janty ajajp atsëmaamp ja tyeky, ijxtëm ja jempyë pujxnën ets jëtu'un kyäjpxy ijxtëm ja mëjnëë y'iitsy kyomyën.

Apocalipsis 11:12

Ënät ja nimäjtskpë mëti'ipë tëyajtën yajktëpën, ojts ja ayuk tmëtowtë jam tsajpjotm ets y'ënëmaayëtë: Pätë yam. Ets pyäjtë yoots akujky. Ni'ëmukë ja myëtsip t'ijxtë.

Apocalipsis 11:15

Ko ja mëwëxtujkpë ja tsajpjotmëtë kukäjpxy tukxuxy ja pujxnxuxn, ënät kanaakpëky ja mëto'owën mëk yajmëtooy jam tsajpjotm ets y'ënä'äny: Tëë ja Wintsën ets ja Kristë tyajtso'onta'aktë ja kyutujkën naaxwiiny ets yajkutuka'antë xëmëkyëjxm.

Apocalipsis 15:2

Ets n'ijxyës näjyëtu'un ja mejy mëti'ipë këxë'kpën ijxnën ets jëënyä'änkën xëpiny. Jamts mejy ëkë'ëm tyänëtë ni'ëmukë mëti'ipë ka'ap të twintsë'ëkëtën ja mëj jëyujk ets ja awinax, ets mëti'ipë ja jëyujk xëëw mëtsyo'owën të tkakupëktën. Jam ja kyow tmëët'atë mëti'ipë ja Tios ënäty të myo'ojëtën.

Apocalipsis 18:22

Nijëna'a mkajpnjotm kya'ëkyajmëtoownëty ja xuxpë koopë, ni ma tii tka'ëktuunëtëty, nimaa kya'ëkyajmëtoownëty ja jëjtsën tu'unën.

Apocalipsis 5:8

Ko t'ëxajëy, ënät ja nimajktaxkpë ja juuky'ajtpë ets ja i'px taxkpë ja mëjja'aytyëjk nyäkyoxtënaaytyakëtë jam wyintum ma ja mëti'ipë yajtijpën Kupixynyën U'unk. Ja mëjja'aytyëjk, këëkjä'ä tmëët'atë ja kow, ets näjyëtu'un tmëët'atë ja poom ato'oyën aak pu'ts pujxnpë. Jä'ä jëtu'un nyiwijy ja Tios ja'amyäjtsën mëti'ipë tyuuntëpën ja mëpëjkpëtëjk.

Apocalipsis 6:1

N'ijxës ko ja Kupixyn U'unk tyaj'ëwatsy mëtu'uk ja wëxtujkpë ja tsa'ayën ets nmëtoowës ko tu'uk ja nimajktaxkpë juuky'ajtpë mëk y'ënäny ijxtëm ja ënääw nyokyën: Min.

Apocalipsis 8:7

Mëtu'ukpë ja tsajpjotmëtë kukäjpxy ojts tukxu'uxy ja pyujxn xuxn ets myiiny naaxwiiny ja tëtsn tuu ets ja jëën ne'pyny myëëtpë, jëtu'un tyooytyëkooy tu'kpëky ja naaxwiinyëtë ma ja tëkëëk pëkpyën mëët tu'kë'ëyë ja aay kepy ets ja aay ujts.