Apocalipsis 14:10 - Biblia Mixe de Quetzaltepec

¹⁰ yë'ë ja ëyo'on yajmo'ojaanp jä'äkyëjxm ko ja Tios të tyajjotma'aty; jëtu'unts y'ëyowëty ma ja jëënyä'änk tyoyën mëët ja azufre, Tios y'anklëstëjk wyintum ets mëti'ipë yajtijpën Kupixyn U'unk wyintum.

Biblia Dc en Mixe de Quetzaltepec

¹⁰ yë'ë ja ëyo'on yajmo'ojaanp jä'äkyëjxm ko ja Dios të tyajjotma'aty; jëtu'unts y'ëyowëty ma ja jëënyä'änk tyoyën mëët ja azufre, Dios y'anklëstëjk wyintum ets mëti'ipë yajtijpën Kupixyn U'unk wyintum.

Apocalipsis 14:10 ပူးပေါင်းရင်းမြစ်များ

Isaías 51:17

Ëkma'aypyëtë'ëk, ëkma'aypyëtë'ëk, Jerusalén pëtë'ëk; Jëtu'un yë Wintsën yë tsyip y'äkë të xykyu'ëyowë tä ja'ay xa'k nëë t'uukyën ets ko t'ukëtä'äky tääts myukpëkyë.

Apocalipsis 16:19

Ënät ja mëj kajpn tëkëëkpëky nyäwya'kxë ets ja jëën tëjk kyëtaawtaay maajëty ja kajpnën naaxwiiny ets ja Tios tja'amyejtsy ja mëj kajpn Babilonyë ko tuk'uuka'any ja tsatsym nyëë, jä'ä jëtu'un tyijpy ko tmo'oja'any ja ëyo'on mëët ja tsip äkë.

Salmos 75:8

Ko yë Tios jyoot'anpëky, jëtu'un tpaaty tä jeexyë a'ukën tmëët'atyën kyë'ëjotm mëët yë nëë mëti'ipë xunën. Ko ënäty yë'ë tnaaxkutämë yë tsatym nyëë, tëkokyë yë ëxëëkja'aytyëjk jënu'un yajpaatën naaxwiiny, nëjkxëp t'ukmujkta'atë ya'atë tsatym nyëë, ets ni tu'ktsuny nëjkx tkayajwë'ëmtë.

Salmos 11:6

Yë'ë yajtu'ujäämpy jëënpajk jëënyä'änk ma ëxëëkja'aytyëjkën ets tyajmina'any yë jëënpoj mëti'ipë winë yajtëtsta'ajäämpyën. Yë Wintsën yë'ë tukumëtowanëtëp nyëë pyokyëty.

Apocalipsis 20:10

Ets ja mëjku'u mëti'ipë ënäty të twin'ëënyën ja mayjyä'äy, nän jap ja yajkujëpijpëy ma ja mejy tyoyën mëët ja azufre, ma ënäty të yajkupipëtën ja mëj jëyujk mëët ja mëti'ipë ja Tios kyäjpxynyajxpë nätyijëpën. Japts y'ëyowëty xëmëkyëjxm, xëënaxy tsuunaxy.

Apocalipsis 19:20

E yajmajts ja mëj jëyujk mëët ja käjpxynyajxpë win'ë'ëmpë, mëti'ipë ënäty ja mëj jëyujk ja myëj'ajtën të tyaj'ijxën yë'ë wyintuuy, ijxtëm ja Tios ja jyä'äjën ets tukwin'ëëny mëti'ipë ënäty të tkupëktën ja mëj jëyujk ja tsya'a ets të twintsë'ëkëtë ja awinax. Ënät ajuukyë nimäjtsk yajkujëpijpëtyë ma ja mejy tyoyën mëët ja azufre.

Apocalipsis 18:6

Tuunwinpijtëtë näjyëtu'un ijxtëm yë'ë të t'ëxëëktuntën ja wiinkëtypë, tukëpätë wäänëni'ik ja y'ëxëëktu'unën mëti'ipë të tuntën.

Apocalipsis 21:8

E mëti'ipë ja mëpëjkën y'ëxmajtsypyën, mëti'ipë ka'ap kyäjpxyjä'äykyukën, ja ka'oyjyä'äyëty, yaja'ay'o'kpëtëjkëty, ka'apë nyiye'etyëjk nyito'oxytyëjk twinkutsë'ëkën, xëëwmääpyëtëjkëty, mëti'ipë awinax y'ëwtajtëpën, ets tëkokyë win'ë'ëmpëtëjkëty, jap nëjkx nyëjkxtë ma ja mejy tyoyën mëët ja azufre, ja mëmäjtskpë ja o'kën.

Mateo 25:41

Ënät ja yajkutujkpë t'ënëëmëja'any ja ja'ayëty mëti'ipë yajpatëpën anajnytsyow: Winwa'ktutëkës, miitsëty yë'ë mpat mnitëjkëyëtëp ets ëxëëk mjatëty, nëjkxtë jap jëënjoty ma jëën nijëna'a kyapi'itsyën, mëti'ipë të yajtuknipëjktaakën yë mëjku'u mëët yë y'anklëstëjk.

Job 21:20

Yë ja'ay mëti'ipë pokytyuunpën yë'ë mëpaat tyiytyunyë yë Wintsën mëti'ipë maaytyääyëpën winë.

Deuteronomio 29:23

Ets t'ixtëty ko ja naaxwiinyëtë je'eyë ënäty të y'awinpijnë naaxwayën, naaxtooyën ets kaanën. Ka'ap nëjkx tjëkyepy wi'ix pën nyi'ipëtyën ets nitii'aay nitii'ujts nëjkx kyayony, jëtu'un jyata'any tä jam Sodomë ets Gomorra jyäjty kyëpejtyën ets jam Admá ets Seboím mëti'ipë ja Wintsën yajkutëkooyën ko tukjoot'anpëjky.

Génesis 19:24

Tä yë Tios tyajjëëntu'uy atsë'ëk ajawë jam Sodomë ets Gomorra.

Judas 1:7

Ijxtëm ja anklëstëjk ja Tios tkamëmëtoowtën, tim näjyëtu'un ojts y'ëtëtstë ja Sodomë ets ja Gomorra ja'ayëty ets ja wiink kajpn mëti'ipë winkon yajpatën. Ni'ikyë këjää pyokytyuuntë, paatykyëjxm ja Tios yajkutëkooyëtë mëët ja jëën. Jëtu'unts ja Tios ja nija'awën të xymyo'oyëmë.

Isaías 30:33

Tëëyëp yë Asiria ja'ayëty ets kyutujkpëtëjkëty ojts yajtuknipëjktaakëtë yë ëyoowtakn mëjpë ets këkpë, tu'uk ja o'ktakn ma nyitoytyëtyën mëët ja ja'axy kepy. Yë Wintsën wyimpiixëjäämpy yë jëënmëët ja azufre.

Apocalipsis 18:3

Jä'äkyëjxm jëtu'un jyäty ko ja naaxwiinyëtë ja'ay të tuktuny ja y'ëxëëktu'unën, tëë ja yajkutujkpë tmëpokytyuny ets näjyëtu'un ko ja ajuuy ato'kpë ijty myeenypyaatë ko tooktë mëti'ipë yë Babilonyë yajtuuntëkoopyën mëj këjää.

Habacuc 2:16

Jëtu'un tä jeexyë mëj'äämpy mnaxyën, ni'ikyë nëjkx wintsëtyu'un jëjptsëtyu'un mjajnë, jä'ä ko yë Wintsën jëtu'un mtuna'anyë tä jeexyë tii ta'am myajtuk'uukyën ets ënät mwinma'any tyëkoyëty ets niwa'ats ëxwa'ats mjëtijnëty, jëtu'unts ja mmëj'ajt m'oyajtën nëjkx jaamteeny naaxteeny jyajnë.

Ezequiel 20:48

Ets tëkokyë ja'ay tnija'awëtya'aja'any, ko ëjts Wintsën, ëjts të njëënmo'oy, ja jëën ka'ap pyitsa'any.

Jeremias 25:27

Ënät ojts yë Wintsën näjyëtu'un xy'ënëëmës: Ënëëmëtë ko ëjts Wintsën mëti'ipë maaytyääyëpën winë, mëti'ipë yë Israel ja'ay Tyios'ajtëpën, tyam ntuk'ënä'ämtë ets xy'ukta'atëty koonëm mukpëkëtëty ets mtëkëtëty ë'tspë, mkëtaw mkëpiptëty, ka'ap m'ëk maayënëtëty wi'ix mpëtë'ëktëty, mëët ko ënäty je'eyë ja tsip y'ijnë mëti'ipë ntuknikäxantëpën.

Isaías 34:9

Ja wokjot mëti'ipë jam ma Edom y'itjotmën, o'tsnën jyajta'aja'any ja naax, yë naaxway tsääpyëm toopyëm jyajta'aja'any; ja naax kam jëtu'un nëjkx jyajta'ay tëë yowë tyooynyë, jëtu'un nëjkx jyäty kyëpety tä jam Sodomë ets Gomorra jyäjtyën.

Isaías 29:9

Juuyky'atë jëtu'un mëët ja mtsuu winma'anyëty. Juuyky'atë jëtu'un wiints, ka'ap tii xy'ijxpaatëty. Juuyky'atë jëtu'un tä tu'uk amu'ukyë ja'ayën, oy ka'ap nitii mëkpë nëë xy'uuktë.

Mateo 26:39

Ënät ja Jesús ojts wäänë jyëkämke'eky ets nyäkyoxtënaaytyakë naaxkëjxy ets ja Tios nja'amyejtsy, jëtu'un y'ënäny: Tios Teety, pën mëpaat'ajtp etsës ka'ap n'ëyowëty, këtii xyajkutukëty ets ya'atë ta'amnëë n'uukëtyës; je'eyëp ko ka'ap jëtu'un tyunëtëty jyatëtëty winë tääjës ëjts ntsokyën, yë'ë tunëtëp jatëtëp mëti'ipë mits të xytyuknipëjktaakën.

Mateo 20:22

Tääts ja Jesús y'ëtsooy: Miitsëty ka'ap xynyijawëtë tii m'amëtoowtëpën. ¿Mëmëta'aktëp ja ëyo'on mëti'ipës nkupëkäämpyënë? Tääts y'ëtsoowtë: Nmëmëta'aktëpës yë'ë.

Lamentaciones 4:21

Xi'ik, xoonta'ak mijts Edom kajpn; mëti'ipë jam Us yajkutujkpën. Mtukëta'akanëp näjyëtu'un ja ëyo'on jotmay ets jëtu'un nëjkx mjaty tä ja'ay myu'ukyën ets tä ja'ay niwa'ats ëxwa'ats wyi'imyën.

Jeremias 51:57

Yë Yajkutujkpë, yë Wintsën mëti'ipë maaytyääyëpën winë, jëtu'un y'ënä'äny: Nyajmukpëkäämpyës yë wintsëntëjkëty mëti'ipë jam Babilonyë yajpatëpën, näjyëtu'un yë wyintsëntëjkëty, y'ënä'ämpëtëjkëty ets tsyiptuunpëtëjkëty; jëtu'un jyajta'aja'antë tä jeexyë myaanaxtën ets ka'ap y'ëkwijnëtëty.

Jeremias 49:12

Yë Wintsën jëtu'un y'ënä'äny: Ja ja'ayëty mëti'ipë ka'ap të jyapaatëtën jeexyë o'ktëy jyatë kyëpätë, ëxëëk të jyat të kyëpätë; jëtu'un mijts kopkpëky ko näjyëtu'un xykyëpety mëti'ipë mpatëpën.

Salmos 91:8

Mijts je'eyëmës ko mnajam'aty: ets nëjkx xy'ixy wi'ix yë ëxëëk ja'ay jyatën kyëpätën ets tkumëtowtën yë pyoky.

Salmos 60:3

Mijts të xyajkutuky ets mnaax mkajpn ëxëëk jyatëty kyëpätëty, jëtu'unës të tjatë tä ja'ay tsatym nyëë t'uukyën ets yajlokëjatyë.

Salmos 37:34

Mijts jämyë këx'ix ma Wintsënën, ets yi'iyë mëmëtow, yë'ë mkumayanëp ets mo'oja'anyë tu'uk yë naax kajpn tä tu'uk yë näkyumayën. Nëjkxëp kë'ëm xy'ixy wi'ix ënäty ja ëxëëkja'aytyëjk kyutëkoytyën.

Job 18:15

Mëjjëjaanp yë jëën ma tyëjkën; mëti'ipë myëët'ajtypyën yë'ë nëjkx yë azufre yajtuknitemy.

Salmos 73:10

Paaty yë ja'ay y'oyjyawëtë ets ka'ap nitii poky yajtuknipëktë.

Salmos 52:6

Pënjaty myëmëtoopyën yë Tios, y'ixantëp ets wyinkutsë'ëkëjantëp, tääts nëjkx je'eyë nëxi'ik tukxi'iktë ja jëtu'unpë ja ja'ay; ets y'ëna'ana'antë:

Marcos 8:38

Pën xytyuktsëtyuumpës ets pën ja n'aaw n'ayukës tyuktsëtyuumpy ma ya'atë pokyjyä'äyëtyën, näjyëtu'unës nëjkx ntuktsëtyuny koos jatëkok nminëty mëët ja nTeetyës ja myëj'ajt y'oyajtën ets ja y'anklëstëjk wa'atspë.

Hechos 10:22

Tää ja kukäjpxy y'ëtsoowtë: Ja tsiptuunpë wintsën Cornelio, yë'ëjës xykyäjxtëp. Oy ets mëtëy jyuuky'äty ets wyintsë'këp ja Tios, oyjya'awëyëp ets tsojkëtëp ja jutiis ja'ayëty. Tu'uk ja Tios ja y'anklës të nyë'ëmxëty ets mijts myajwowëty ets nja'amëty ma ja Cornelio ja tyëjkën ets xytyuk'ëwaanëty mëti'ipë mkajpxäämpyën.

2 Tesalonicenses 1:7

ets miits myajpo'kxëtëty ma tyam m'ëyowtën, näjyëtu'un tä ëëtsëtyën. Jää nëjkx jëtu'un jyäty kyëpety ko ënäty ja Jesús myiny mëët ja y'anklëstëjk kutujkënmëëtpë jam tsajpjotm.

Apocalipsis 15:7

Ënät tu'uk ja nimajktaxkpë ja juuky'ajtpë tmooy ja niwëxtujkpë ja tsajpjotmëtë kukäjpxy, këëktu'uk ja pu'ts pujxn a'ukën ujtsëty mëët ja ëyo'on mëti'ipë ja Tios yäjkpyën ets mëët ja tsyip y'äkë ja Tios, mëti'ipë xëmëkyëjxm juukyajtpën.

Apocalipsis 19:15

Y'aawjoty jëtu'un jap pyëtsimy të tu'uk ja tëypyujxn mëti'ipë jëjpën, ets yë'ë mëët tyajtsëtyuta'any ja naaxwiinyëtë ja'ay. Ënät ja Tios jää y'ënä'äma'any mëët ja kutujkën. Ets yë'ë kë'ëm wyintäänäämpy ja tsatsymtsya'am ets tsatym nyëë tyajpëtsëma'any ma ja Tios mëti'ipë maaytyääyëpën winë ja tsyip y'äkë.

Apocalipsis 20:14

Ënät jap yajkujëpijpëy jëënjoty, nëëmejyënpë kyëxë'ëkyën. Ya'atë jëën, nëë mejypyën kyëxë'ëkyën, yë'ë ja mëmäjtskpë ja o'kën.