Apocalipsis 13:18 - Biblia Mixe de Quetzaltepec

¹⁸ Yaa ja wijyajtën tsyokyë. Pën jyä'äkyujkëp, wä'än tnimaaytyu'uty mëti'ipë ja mëj jëyujk myëtyo'owën'ajtypyën. Yë mëtsyo'owën, yë'ë ja tëtujk mëko'px ja tëkë'px tëtujkpë.

Biblia Dc en Mixe de Quetzaltepec

¹⁸ Yaa ja wijyajtën tsyokyë. Pën jyä'äkyujkëp, wä'än tnimaaytyu'uty mëti'ipë ja mëj jëyujk myëtyo'owën'ajtypyën. Yë mëtsyo'owën, yë'ë ja tëtujk mëko'px ja tëkë'px tëtujkpë.

Apocalipsis 13:18 ပူးပေါင်းရင်းမြစ်များ

Salmos 107:43

Mëti'ipë ja'ay wijyën jyä'äkyujkëp yë jëtu'unpë ets wyinja'ap wi'ix yë Wintsën yë tsyojkën jya'awën myëjëtyën.

Daniel 12:10

May ja ja'ay y'ëyowa'any jyotëkoyä'äny mëët ja ëyo'on mëti'ipë yam të yajnikäjpxyën ets nëjkx wya'atstë ets nitii ëxëëkajtën tkamëët'ata'antë. Yë ëxëëkja'aytyëjk je'eyëm tuna'any tkajpxa'antë winë ëxëëkjaty ets ka'ap tja'akyukëja'antë tii tuunëp jajtëp, e yë wijyjyä'äytyëjkëty jyä'äkyujkëtya'ajantëp winë wa'ats.

Oseas 14:9

Mëti'ipë ja'ay wijyën ets këpetyën wyinja'ap ya'atë aaw ayuk: Mëti'ipë yë Wintsën tyu'u'ajtypyën tëy yë'ë, yë wa'ats ja'aytyëjkëty yë'ë jëtu'unpë pyanëjkxtëp; e yë pokyjä'äytyëjkëty ko jää jyaye'eya'antë pojën y'anäpëtë.

Marcos 13:14

Ko xy'ixtëty ja ëxëëkpë ma ka'ap pyaat'atyën. Pën ya'atë noky kyäjpxypën wä'än tja'akyukë, wä'än ja ja'ay tkä'äktë mëti'ipë tsënaaytyëpën jam Judea nyaaxjotm ets nyëjkxtëty tunjot kopkjotm.

Romanos 3:5

E pën ëxëëk ëëts winë të ntu'unëmë ets tyajnikëxë'ëky ko mëtëy yë Tios winë tuny, ¿Wi'ix na'ëna'anmëty? ¿Ko Tios ka'ap tii oy tuny ko xytyukkëpäjtëm ja mpoky'ajtëmë? Jëtu'unës yam nkäjpxy ijxtëm ja naaxwiinyëtë ja'ay myäy tyäjyën.

Deuteronomio 3:11

Yë yajkutujkpë Og, yi'iyë ënäty tu'uk jaakwë'ëmp ma Refa ja'ayëtyën. Yë myaapäjn aak juunpujxn ënäty mëët y'oytyunyëty ets jä'ä y'ayenyëty mäjtsk xajpk ja mäjtsk kë'ënux ets myëjwiinëty tu'kxajpk. Tyampaat jaakyaj'ijxp yë jëtu'unpë ma Amón ja'ayëtyën jam Rabá.

Apocalipsis 1:3

Akujk jotkujk ja ja'ay yajpaatë mëti'ipë kyajpxtëpën ets pyatuuntëpën ja aaw ayuk mëti'ipë yap jaaypyety miinpën ma ya'atë nokyën, jä'ä ko wiinkoonp ja xëëw jëmëjt.

Apocalipsis 15:2

Ets n'ijxyës näjyëtu'un ja mejy mëti'ipë këxë'kpën ijxnën ets jëënyä'änkën xëpiny. Jamts mejy ëkë'ëm tyänëtë ni'ëmukë mëti'ipë ka'ap të twintsë'ëkëtën ja mëj jëyujk ets ja awinax, ets mëti'ipë ja jëyujk xëëw mëtsyo'owën të tkakupëktën. Jam ja kyow tmëët'atë mëti'ipë ja Tios ënäty të myo'ojëtën.

Apocalipsis 17:9

Yaa yaj'ixa'any pën myëët'ajtypyën ja wijy'ajt kejyajtën. Ja wëxtujkpë këpajk, jä'ä nyiwijy: yë wëxtujkpë kopk ma to'oxytyëjk y'u'unyën.

Apocalipsis 21:17

Ënät näjyëtu'un ojts tkijpxy ja potsy. Tëkë'px mëkoxk metro kyëjxmëty. Jëtu'un ja tsajpjotmëtë kukäjpxy tkijpxy ijxtëm ja ja'ay kyijpxtën.