Apocalipsis 12:17 - Biblia Mixe de Quetzaltepec

¹⁷ Jëtu'un ja mëj tsa'any tukjoot'anpëjky ja to'oxytyëjk ets tnipëtë'ky, tää ojts tninëjkxy näjyëtu'un ja to'oxytyëjk ja y'u'unk y'ok mëti'ipë mëët tsyiptuunyën, tëkokyë ja ja'ayëty mëti'ipë ja Tios ja y'ënä'ämën pyatuunëtëpën ets ëmuumtu'ukjot nyäyaj'itëtë mëët ja Jesukristë.

Biblia Dc en Mixe de Quetzaltepec

¹⁷ Jëtu'un ja mëj tsa'any tukjoot'anpëjky ja to'oxytyëjk ets tnipëtë'ky, tää ojts tninëjkxy näjyëtu'un ja to'oxytyëjk ja y'u'unk y'ok mëti'ipë mëët tsyiptuunyën, tëkokyë ja ja'ayëty mëti'ipë ja Dios ja y'ënä'ämën pyatuunëtëpën ets ëmuumtu'ukjot nyäyaj'itëtë mëët ja Jesukristë.

Apocalipsis 12:17 ပူးပေါင်းရင်းမြစ်များ

Apocalipsis 14:12

Paaty ja mëpëjkpëtëjk, mëti'ipë ja Tios ja y'ënä'ämën pyatuunëtëpën ets mëti'ipë ja Jesús mëët tu'ukyë y'itën, pyëjktaktëp ja mëjaaw.

Génesis 3:15

Mijts ets to'oxytyëjk xëmë mnämyëtsip'atëtëty. Ets jëtu'un y'itëty ma m'u'unk m'okën ets ma to'oxytyëjk näjyëtu'un yë y'u'unk y'okën. Mkutä'änë'ëkëtëp yë y'u'unk y'ok ma nkëpajkën. Ets mijts nëjkxëp xytyekymyëtsu'utsë ma tyeky'ixpo'kxën.

Apocalipsis 19:10

Täätsës nnäkyoxtënaaytyakë tsajpjotmëtë kukäjpxy wyintum ets nwintsë'ëkëja'anyës e yë'ë je'eyës xynyëmaay: Këtii jëtu'un m'ëtë'ëtsy. Tiosës näjyëtu'un xytyuunpë'ajtp, ijxtëm mijtsën ets ijxtëm ja mmëku'uktëjkën mëti'ipë pyanëjkxtëpën ja aaw ayuk mëtëypyë, mëti'ipë ja Jesús kyajpxwa'kxën. Winjawë wintsë'ëkë ja Tios y'itëty. Ets jyaak'ënany: Ya'atë tëyajtën, yë'ë ja Tios ja kyäjpxynyajxpëtëjk winma'anymyooyë.

Apocalipsis 11:7

Ko ja Tios ja jyä'ä ënäty të tkajpxwa'kxta'atë, ënät ja mëj jëyujk pyëtsëma'any mëti'ipë tso'onpën ëyoowtaknjoty, yë'ë yaj'ookëtëp.

Apocalipsis 6:9

Ko ja Kupixyny U'unk tyaj'ëwatsy ja mëmëkoxkpë ja tsa'ayën, ënätës n'ijxy jap wintsë'këntyakn pa'tkë'p nimay ja anëmëtëjkëty mëti'ipë të tku'ookëtën ko ja Tios ja y'aaw y'ayuk të tkajpxwa'kxëtë.

Apocalipsis 1:2

ets të tnikäjpxy tëkokyë mëti'ipë të t'ixyën, ets ko yë'ë wa'ats nyija'ap ja Tios ja y'aaw y'ayuk mëti'ipë ja Jesukristë nyimëtyakën.

Apocalipsis 13:7

Näyjyëtu'un yaj'ëwatsy ja tyu'u ets tmëtsiptunëty ja Tios ja jyä'äy koonëm tmëmëta'akëty. Jëtu'un ja kutujkën yajmooy ets t'ënä'ämëty ni'ëmukë ja naaxwiinyëtë ja'ay, mëti'ipë yajpatëpën maajaty ja naaxwiinyëtën ets maajaty ja naax kajpnën mëti'ipë tëkatyëty ja aaw ayuk kyajpxtëpën.

Juan 8:44

Ja mëjku'u miits mteety'ajtëp, yë'ë miits mtuuntëp mëti'ipë yë'ë tsyojkpyën. Tëëyëp yë mëjku'u tyajtso'ontä'äky ko je'eyë yajja'ay'ooky. Nijëna'a tëypyë jaantypë tkatuny ets nijëna'a mëtëypyë tkakäjpxy. Ko wyin'ëëny, kyë'ëm jä'ä kyäjpxyp, jä'ä ko win'ë'ënpë yë'ë ets yë'ë yajtso'ontak ja win'ë'ënën.

Apocalipsis 17:14

Tääts mëët tsyiptuna'antë mëti'ipë yajtijpën Kupixyny U'unk; nëjkxëp myëmëta'akëtë ja mëti'ipë yajtijpën Kupixyn U'unk, jä'ä ko wintsëntëjk Wintsën ja y'ity, ets yajkutujkpëtëjk Yajkutujkpë; mëët nëjkx y'ity mëti'ipë ja Tios të wyinwitsëtën ets mëti'ipë wintëy wiinkujk mëët ja Tios y'itën.

Apocalipsis 1:9

Ëjts Juan, miits yë mmëku'ukëty, ets koos tu'ukyë nyajpaaty mëët yë Jesús, xypaat'ajtpës mëët miitsëty ja Tios ja kyutujkën, ma n'ëyo'onpatëmën ets ma akujky jotkujk n'ijtëmën ets tu'ukyë jotmëk nyajpatmëty. Jä'äkyëjxm koos ja Tios ja y'aaw y'ayuk të nimëtyakë mëti'ipë ja Jesús ojts nimëtyä'äkyën, jamës ënäty nyajpaaty Patmos, ma tu'kkëëyi'ikpyën ja naax jam mejyjyotm.

1 Juan 5:10

Pën myëpëjkpy ja Tios U'unk, jyotjoy wyinma'anyjoty ja y'ity ko ja Jesús Tyios y'U'unk'atyë. Pën ka'ap tmëpëky, jëtu'un ja Tios tyajnaxy ijxtëm jeexyë wyin'ëënyën; jä'ä ko ka'ap ja y'aaw y'ayuk tmëpëjkë ijxtëm ja y'U'unk tnimëtyä'äkyën.

1 Juan 5:2

Ko ntsojkmëty ja Tios ets ntu'unmëty mëti'ipë yë'ë tsyojkpyën, jëtu'un nija'awëmëty ko ënäty ntsojkëm näjyëtu'un ja y'u'unk y'ëna'k.

1 Juan 2:3

Pën nmëmëto'owëm ja Tios ja y'ënä'ämën tyiyajtën, jyëkyejpy akujk jotkujk n'ëna'anmëty ko Tios n'ixy'ajtëmë.

Apocalipsis 22:14

Akujk jotkujk mëti'ipë ja jyot wyinma'any yajwa'ats'ijtëpën, yë'ë tëkëjantëp ma ja jempyë Jerusalén kajpnën ets ja tëyajtën tmëët'atëty ets tjë'kxtëty ja ujtstëëm mëti'ipë yajjuuky'ajtpën xëmëkyëjxm.

Apocalipsis 20:4

Ets n'ijxyës kanaak ja kutujktakn, yë'ë jam u'unyääytyëp mëti'ipë ënäty të t'ëxajëtën ja kutujkën ets pyaye'eytyëty; ets n'ijxyës näjyëtu'un ja y'anëmëty mëti'ipë të yajkupuxtën mëët ko të tkajpxwa'kxtë ja Wintsën Jesús ja jyä'ä ets ja Tios ja y'aaw y'ayuk ets mëti'ipë ënäty ka'ap të twintsë'ëkëtën ja mëj jëyujk ets ni të tkakupëktë ets yajtsa'atëty wyimpokëjxm ëkë kyë'ëkëjxm; ets n'ijxyës ko jyuukpyëktë jatëkok ets yajkutuka'antë mëët ja Kristë tu'uk mil jëmëjt.

Apocalipsis 19:19

Tääts n'ijxyës ja mëj jëyujk ets ja naaxwiinyëtë yajkutujkpëtëjk mëët ja tsyiptuunpëtëjkëty, tëë nyämyujkta'ajëtë ets mëët tsyiptuna'antë ja ja'ay mëti'ipë ja poop kwaay tyuk'u'unyääpyën ets ja tsyiptuunpëtëjkëty.

Apocalipsis 18:20

Mijts, tsajpjotmëpë yajpaatën, xoonta'aktë mëët ko jëtu'un të jyäty tääpë kajpn; ets miitsëty wa'ats kajpnëty, ayuk kajpxnajxpëty, käjpxynyajxpëtëjkëty xoonta'aktë jä'ä ko tëë ja Tios tuny ja paye'eyën ko të tyajkutëkoy tääpë kajpn.

Apocalipsis 17:6

Ënätës n'ijxy ko ja to'oxytyëjk myu'ukyë, yë'ë mukëp ja mëpëjkpëtëjk ja nye'pyny ets ja ja'ayëty mëti'ipë të tkajpxwa'kxtën ja Jesús ja jyä'ä. Mëkës ni'ik nja'awëy ko jëtu'un n'ijxyës.

1 Corintios 2:1

Mëku'uktëjkëty, koos ojts jam n'otsy ma miitsëtyën ets ntukmëmëtyaktë ja Tios mëti'ipë ijty ka'ap yajnijawën, ka'apës ojts nyajtuny ja aaw ayuk tsipëtypë.

Daniel 11:36

Ja yajkutujkpë ja anëkëjxytsyowpë. Mëj këjxm nëjkx ni'ik nyäyajnaxyë këtiinëm ja tiostëjkëty ets nëjkx nëkooyë tni'ojënë ja Tios mëtëypyë; ets aak'oy nëjkx winë wyimpëtsë'ëmxëty, koonëm nëjkx ja Tios tyuknikexyë ja tëytyu'unën; jä'ä ko mëti'ipë yë Tios të tuknipëjktaakën tyunäämpy yë'ë.

1 Pedro 5:8

Näy'ijx'itëtë ets wijy kejy näyaj'itëtë. Jëtu'un miits ja mëjku'u ix'am mpajëtitëtë ijxtëm ja kaa muup ni'tsp ja jyi'kxy t'ixta'ayën.

Mateo 28:20

ets xytyuk'ijxpëktëty wi'ix tpatuntëtyën tu'kë'ëyë mëti'ipë miitsëty të ntuk'ënä'ämtën. E ëjts jëtu'unës n'ëna'any ko yajpaataanpës xëmë ma miitsëtyën mapaat yë naaxwiinyëtë jyää'atyën.

Apocalipsis 12:16

e ja to'oxytyëjk naax ojts yajtso'okyë, jä'ä ko ja naax t'uktëtstaay ja nëë mëti'ipë ja mëj tsa'any yajpëtsëëmën y'aawjoty.