Apocalipsis 11:11 - Biblia Mixe de Quetzaltepec

¹¹ E ko mëtëkëëk xëëw ja kujkm ënäty të nyäxy, ënät ja Tios të yajjuukpyëkëtë ets jatëkok të pyëtë'ëktë e mëti'ipë të t'ixtën yajxon të tsyë'kënëtë.

Biblia Dc en Mixe de Quetzaltepec

¹¹ E ko mëtëkëëk xëëw ja kujkm ënety të nyäxy, ënät ja Dios të yajjuukpyëkëtë ets jatëkok të pyëtë'ëktë e mëti'ipë të t'ixtën yajxon të tsyë'kënëtë.

Apocalipsis 11:11 ပူးပေါင်းရင်းမြစ်များ

Génesis 2:7

Paaty yë Wintsën ojts tu'uk yë naaxwiinyëtë ja'ay tyajkojy. Naax ojts yi'iyë t'oytyuunkojy, tä tjëjpmëpixëy ets tmooy jëtu'un ja jyuukyajtën. Jëtu'un ja naaxwiinyëtë ja'ay ojts jyuukpyiky.

Romanos 8:11

Ets pën ijtp ja Tios ja Kyënu'kxymyëk'ajtën ma miitsëtyën, mëti'ipë ja Jesús ojts yajjuukpyikyën, yë'ë myo'ojäämpy ja juukyajtën ja mni'kx mkopkëty mëti'ipë o'kpën mëët ja Tios ja Myëjaaw myëk'ajtën, mëti'ipë juukyajtpën ma miitsëtyën.

Romanos 8:2

jä'ä ko ja Kënu'kxymyëkajtën ja y'ënä'ämën mëti'ipë ja Kristë Jesús yajjuuky'äjtypyën, tëë ja myajpëtsëmyë ma ja pokyën mëti'ipë yaj'o'kpën.

Apocalipsis 11:9

Ets tëkëëk xëëw ja kujkm, ja ja'ay nëjkx t'ixtë ja o'kpë, mëti'ipë tso'ontëpën wiink naax wiink kajpn, tëkokyë mëti'ipë wiink aaw wiink ayuk kyajpxtëpën. Ni pën tkakupëka'any ets ja o'kpë nyaaxtëkëtëty.

Hechos 5:5

Je'eyë ja Ananías jëtu'un tmëtooy, ooky tyimnakëtäky. Ets mëti'ipë y'ijxtën nyija'awëtën, ni'ëmukë tsyë'këtyë.

Hechos 5:11

Ënät ja mëpëjkpëtëjk tsyë'këtyääytyë, mëët ja ja'ayëty mëti'ipë y'ixtë nyija'awëtyën tii të tyuny të jyätyën.

Oseas 3:5

Ok jatëkok yë Israel ja'ayëty tniwinpita'antë yë Tios ets t'ixta'aja'antë, mëti'ipë Wyintsën'ajtëpën ets ja David mëti'ipë kyutujkpë'ajtëpën. Ko ënäty tpaaty ja xëëw jëmëjt winta'ak naaxkow nëjkx tnimintë yë Wintsën ets tkukajpxëja'antë ko ënäty jotkujk yajjuuky'atëtë.

Jeremias 33:9

Yë Jerusalén kajpn nëjkxëpës mëj këjää ntukxoontä'äky, nëjkxëp jam yaj'ixy ja nmëj'ajt n'oyajtënës ets nijawëtëty tu'kë'ëyë ja naax kajpn. Nëjkxëp tsyë'ëkëtë ko ënäty tnijawëtë wi'ix ja Jerusalén kajpn tpaatyën ja näypyutëkë maas ëjtsën ets wi'ix të jyotkujkta'aktën.

Apocalipsis 11:13

Ënätyë ja ujx myiiny mëk ets niwëxtujk mil ja ja'ay y'o'ktë ko tu'kpëky ja majk pëkpyë kajpn kyuja'awnajxy mëët ja ujx, e ja ja'ay mëti'ipë ka'ap y'o'ktën, yajxon tsyë'ëkëtë ets tmëja'awëtyë ja Tios ja tsajpjotmëpë.

Josue 2:9

Ëjts wa'atsës nijawë ko ya'atë naax kajpn tëë yë Wintsën mo'ojëtë, paatykyëjxm yë naax kajpn tëë tsë'ëkë tyuktëjkëtya'ajëtë mëët miitsëty. Tëkokyë jënu'un yaa yajpaatën yajxon tsyë'kënëtë mëët miitskyëjxmëty.