Apocalipsis 10:6 - Biblia Mixe de Quetzaltepec

⁶ ets ja Tios ojts tyajkäjpxy, mëti'ipë xëmëkyëjxm juukyajtpën ets mëti'ipë yajkojën ja naax, ja tsajp, ja mejy ets winëjaty ets y'ënäny: Tëë ja xëëw jëmëjt tpaaty.

Biblia Dc en Mixe de Quetzaltepec

⁶ ets ja Dios ojts tyajkäjpxy, mëti'ipë xëmëkyëjxm juukyajtpën ets mëti'ipë yajkojën ja naax, ja tsajp, ja mejy ets winëjaty ets y'ënäny: Tëë ja xëëw jëmëjt tpaaty.

Apocalipsis 10:6 ပူးပေါင်းရင်းမြစ်များ

Apocalipsis 4:11

Wintsën, mijts mpatëp xy'ëxajëty tu'kë'ëyë ja mëj'ajtën jaanty'ajtën, ja wintsë'kën ets ja mëk'ajtën, jä'ä ko mijts të xyajkojy tu'kë'ëyë oytyiijëty ets mijts mtsojkënkyëjxm të xyajkojy ets jyää'atëty.

Apocalipsis 16:17

Tääts ja mëwëxtujkpë ja tsajpjotmëtë kukäjpxy tyajtukwatsy ja y'a'ukën po'ojotm ets yajmëtooy ja ayuk mëk mëti'ipë tso'onpën ma Tios ja tyëjkën, ma ja kutujktaknën ets y'ënä'äny: Tëë tyunyë jyätyë.

Apocalipsis 4:9

Ko ja nimajktaxkpë ja juuky'ajtpë tmëjjaw tjaantyjawëtë, twintsë'ëkëtë ets tkukajpxëtë ja mëti'ipë u'unyääpyën jam kutujktaknjotm ets mëti'ipë juukyajtpën xëmëkyëjxm,

Génesis 14:22

Tyaa Abram y'ëtsooy: Tëës yë Tios nwinwanë, yë Tios Ni'ik Këjxmëpë, mëti'ipë tsajp ets naaxwiinyëtë yajkojën,

Éxodo 6:8

Jamës yë naax kajpn nyajnëjkxa'any maas ojts yë Abraham, Isaac ets Jacob të ntukwinwanëtën ets yë'ë tjä'ä'atëty. Ëjts jëtu'un Wintsën.

Éxodo 20:11

Jä'ä ko yë Tios tëtujk xëëw ojts t'oytyuny yë tsajp ets naaxwiinyëtë, yë nëëmejy ets tëkokyë mëti'ipë yajpatpën ma yë'ëjëtyën ets ojts pyo'kxy kom wëxtujk xëëw. Jëtu'un'äämpy ojts ja Tios tkënu'kxy yë po'kxënxëëw ets ojts tnikäjpxy ko wya'atsëty.

Números 14:30

Yi'iyë yë Josué ets Caleb jam nëjkx jya'të ets miitsëty nitu'uk nëjkx jam nkatëkëtë ma ja itjotmën mëti'ipë ntukwinwa'anëtyën mëët ja oyajtën xoontakën.

Ezequiel 20:5

Jëtu'un xy'ënëëmëty: Jëtu'un yë Wintsën y'ënä'äny: Koos ojts nwin'ixy yë Israel kajpn, ojtsës mëët yë käjpxytyu'unën ntuny yë y'u'unk y'ok ets ojtsës jap Egiptë nnänyikëxë'ëkyë. Mëët tu'uk ja mëj winma'any n'ënëmaaytyës: Ëjts jëtu'un Wintsënajtp, mëti'ipë miits m'ëwtajtëpën.

Daniel 12:7

Ja ja'ay mëti'ipë linë wit wyit'ajtypyën ënät ja kyë'ë të tyujkxajy jam tsajpjotm ets ja Tios juukpyë të tukajpxpety ets të y'ënä'äny: Ma ënäty tëkëëk jëmëjt ja kujkm të nyäxyën, ma ënäty o'ktëy të yajtuunta'ayën ja kyutujkën ja Tios ja kyajpn, ënätnëm nëjkx ya'atë ëyo'on kyixy nyäxy.

Apocalipsis 1:18

Ëjts jëtu'un mëti'ipë juukyajtpën. Tëës n'ëk'o'kpë ets tëëjës jatëkok njuukpyiky. Xëmëkyëjxmës tyam njuuky'ajnë. Ëjts nmëët'ajtypës ja o'kën kutujkën ja nyi'ëwatsn.

Apocalipsis 4:10

Ënätyë ja i'px taxkpë ja mëjja'aytyëjk të nyäkyoxtënaaytya'akëtë ets ja kyujup të tkëëytya'aktë ma ja kutujktaknën ets y'ëna'antë:

Apocalipsis 6:11

Ënät yajmooytyë ja poop wit ets yaj'ënëmaaytyë ets jyaak po'kxtëty jawäänë, koonëm ja myëku'uk y'ooktëty mëti'ipë näjyëtu'un kyu'ookëjantëpën ja Kristë ja jyä'ä.

Apocalipsis 12:12

Itë akujk jotkujk, miitsëty mëti'ipë ijtëpën tsajpjotm. Je'eyëp ko miitsëty ja'ayëty mëti'ipë tsënaaytyëpën mejypyë'aay, mon tuk myajpaatë, jä'ä ko tëë ja ku'oypyë mniminëtë a'äkë, ko të tnijawë ko wäänë ja tiempo tjaakmëët'aty.

Apocalipsis 21:6

Ënät xynyëmaayës: Tëë tyuunta'ay jyajta'ayë winë. Ëjts ntuktso'ontäkpy ets ëjts ntukjëjpkëxyp. Ëjts tso'ontakp, ets ëjts jëjpkëjxp. Pën tëtsëp, namëyajtënës ntuk'uuka'any ja wa'ats nëë mëti'ipë yajjuuky'ajtpën xëmëkyëjxm.