Apocalipsis 10:3 - Biblia Mixe de Quetzaltepec

³ Ets y'ënaantäky mëk ijxtëm ja mëj kaa yä'äxyën ets ko të yä'äxy, tëë tyukpëmimë wëxtujk ok ijxtëm yë ënääwën.

Biblia Dc en Mixe de Quetzaltepec

³ Ets y'ënaantäky mëk ijxtëm ja mëj kaa yä'äxyën ets ko të yä'äxy, tëë tyukpëmimë wëxtujk ok ijxtëm yë ënääwën.

Apocalipsis 10:3 ပူးပေါင်းရင်းမြစ်များ

Isaías 31:4

Jëtu'unës ja Wintsën të xy'ënëëmë: Jëtu'un tä tu'uk mëj kaajën mëti'ipë të tyaj'ookyën tu'uk yë kupixyny, oy jënu'un ja ja'ay jyamuktëty ets jya'ëtsë'ëkëja'anëtëty, yë'ë ka'ap tsyë'ëkë; nän timjëtu'un ja Wintsën mëti'ipë maaytyääyëpën winë, ko ënäty myiny ets tniwaantu'uty ja nyaax kyajpn mëti'ipë jam tsënaaytyëpën ma Sión kopkën.

Apocalipsis 4:5

Pëmiimp ja ënääw wëtsuk ma ja kutujktaknën ets wëxtujk ja jëën jam tyoy yë'ë wyintum ijxtëm ja tsiinwatyën. Jä'ä ja Tios ja niwëxtujkpë ja jya'awën.

Amós 1:2

Ko yë Wintsën tyajmëtoyë yë y'aaw y'ayuk, jëtu'un yajmëtoy tä ënääwën jam Sión, jam Jerusalén, tim xo'tstääpy yë aay ujts ets tim nitëtstutääpy yë Carmel kopk.

Joel 3:16

Amuupëm jam yë Wintsën yajmëtowa'any Sión ets nojkpëm jam Jerusalén yajmëtowa'any, yu'kxaanp yë naaxwiinyëtë. E yë Wintsën yë'ë kyuwa'anäämpy yë nyaax kyajpn, jëtu'un yajpaata'any tä tu'uk yë tsaapotsyën mëti'ipë kajpn kyuwäänpyën ma Israel ja'ayëtyën.

Apocalipsis 15:1

Ets n'ijxyës wiinkpë mëj ijxpäjtën atsë'ëk ajawëpë: niwëxtujk ja tsajpjotmëtë kukäjpxy mëti'ipë myëët'ajtëpën wëxtujkpëky ja ëyo'on, ets ko tyunëtëty jyatëtëty ja wëxtujk pëkpyë ëyo'on, ënät nyaxëty ja Tios ja y'äkë.

Apocalipsis 14:2

Ënätës nmëtooy mëk y'ënä'äny tsajpjotm ijxtëm ja nëë tax y'iitsy kyomyën ets ijxtëm ja ënääw y'ënä'änyën, jëtu'un yajmëtoy tä yë ja'ay kyowtën.

Apocalipsis 8:5

Tääts ja tsajpjotmëtë kukäjpxy tkoonë'ky ja poom ato'oyën ets tyaj'ujtsy mëët ja jëënpajk mëti'ipë jamën ma ja wintsë'këntyaknën, ets najtswëjjëy ma ja naaxwiinyëtën ets myiiny ja ënääw wëtsuk ets mëk ujx.

Amós 3:8

¿Pën jëtää katsë'ëkëp ko yë kaa myu'uy? ¿Pën kakajpxaanp ko yë Tios tni'ënä'ämë ets tu'uk yë ja'ay kyajpxëty?

Jeremias 25:30

Mijts Jeremías, wa'ats xynyimëtyakta'ajëty ma yë'ëjëtyën tëkokyë mëti'ipë mmëtoopyën. Jëtu'un xy'ënëëmëty: Jëtu'un yë Wintsën jam këjxm yë y'aaw y'ayuk tyajmëtoyë ënääwën, jam ma y'ijtaknën kënu'kxypyë ets tmëkäjpxy ja y'u'unk y'ëna'k mëk, jëtu'un tä yë ja'ay mëk kyajpxtën mëti'ipë tsatym wyintä'äntëpën ets tukmëtoy ni'ëmukë ja naaxwiinyëtë ja'ay.

Isaías 42:13

Tä ja ja'ayën mëti'ipë të myëtä'äkyën jëtu'un ja Wintsën myëta'aka'any tä ja'ayën mëti'ipë mëtakpën xëmë, jëtu'un ja Wintsën tsyip'ixyëty tä tsiptuunpë ja'ayën; mëk yujkya'axa'any ets tnikajpxa'any ja tsip, ets ja myëtsip tyajkutëkoyä'äny.

Isaías 5:29

Jëtu'un nyiitsy tä kaajën, tä kaajën mëti'ipë të jyëyujk matsyën, ets tmënëjkxy ja jëyujk ooky, pën ëkpëjkëtëp.

Proverbios 19:12

Ko tu'uk yë mëj ënä'ämpë jyoot'anpëky, jëtu'un yë'ë tä tu'uk yë mëj kaa nyiitsyën; e ko oy nyäjyawëty, jëtu'un tä yë maanik kyä'äyën ujtskëjxy.

Apocalipsis 15:7

Ënät tu'uk ja nimajktaxkpë ja juuky'ajtpë tmooy ja niwëxtujkpë ja tsajpjotmëtë kukäjpxy, këëktu'uk ja pu'ts pujxn a'ukën ujtsëty mëët ja ëyo'on mëti'ipë ja Tios yäjkpyën ets mëët ja tsyip y'äkë ja Tios, mëti'ipë xëmëkyëjxm juukyajtpën.

Salmos 29:3

Yë Wintsën yë y'aaw y'ayuk yajmëtoowëp näjyëtu'un mëjnëë wiinkëjxy, yë Tios mëti'ipë myëët'ajtypyën mëj'ajt oyajtën, yë'ë ënääw yaj'ënäämpy, Yë Wintsën tam näjyëtu'un yajpaaty mëjnëë wiinkëjxy.

Ezequiel 10:5

Ko ja tsajpjotmëtë kukexy ja kyäkn tyaj'ëna'antë yajmëtoop jappaat tsajptëjk ëkë'p, mëti'ipë tëja'ptsowën. Jëtu'un yajmëtoy tä jeexyë ja Tios kyäjpxyën mëti'ipë maaytyääyëpën winë.

Oseas 11:10

Yë'ëjëty pyajnëjkxantëp yë Wintsën ets Wintsën tä kaajën myu'uja'any. Mu'ujaanp ets nimina'any matsow yë xëëw pyëtsimyën mëti'ipë jyä'ä'ajtypyën.