Apocalipsis 1:6 - Biblia Mixe de Quetzaltepec

⁶ mëti'ipë të tyajnaaxkëtä'äkyën ja kyutujkën mëët ëëtsajtëm ets teety të xyaj'awinpijtëm ma ja tyuunkën ja Tios Teety. Wä'än yë mëj'ajt oyajtën yë'ë tjä'ä'aty ets ja kutujkën xëmëkyëjxmëpë. Jëtu'un y'itëty.

Biblia Dc en Mixe de Quetzaltepec

⁶ mëti'ipë të tyajnaaxkëtä'äkyën ja kyutujkën mëët ëëtsajtëm ets teety të xyaj'awinpijtëm ma ja tyuunkën ja Dios Teety. Wä'än yë mëj'ajt oyajtën yë'ë tjä'ä'aty ets ja kuttujkën xëmëkyëjxmëpë. Jëtu'un y'itëty.

Apocalipsis 1:6 ပူးပေါင်းရင်းမြစ်များ

Éxodo 19:6

Miitsëty aakjëtu'un nëjkx mja'ay'atë tä yë teetytyëjkëtyën ma Wintsën yë kyutujktaknën, jëtu'un nëjkx njawëtë tä tu'uk yë kajpnën mëti'ipës të natyuknikënu'kxëtyën. Tukmëmëtyakta'a ya'atë aaw ayuk yë Israel ja'ayëty.

Isaías 61:6

Jä'ä miitsëty myajtija'antë teety mëti'ipë Tios myëtuuntëpën. Nëjkxëp xytyukxon xytyuk'itë ja wyit myeenyëty ja naax kajpn, ets mëj'äämpy nëjkx m'itë ma yë'ëjëtyën.

Daniel 4:34

Ko ojts ja kyäjpxy ja xëëw jëmëjt jënu'un ënäty të yaj'awitsyën ja tëytyu'unën, ëjts Nabucodonosor ojts mpa'at'ixy tsajpkëjxm etsës näjya'awëypyätë ko tëëtëmës ntso'oky; ënät ojts ja Tios Ni'ik mëti'ipë xëmë juukyajtpën, ojts nmëjjaw njaanty jawës ets nkukajpxës mëët ya'atë aaw ayuk: Yë myëj'ajtën xëmë y'itëty; yë kyutujkën xëmë yajpaatëty najts'ook najtskä'äxë.

Daniel 7:14

Ënät yajmooy ja kutujkën ets ja mëj'ajt oyajtën, aak mëtuunëp ja naax kajpn mëti'ipë kanaakjëjp ja ayuk kyajpxtëpën. Yë kyutujkën yë'ë xëmë itaanp ets ja y'ënä'ämtakn ka'ap nijëna'a kyutëkoyëty.

Mateo 6:13

Ka'ap mëpaat ëxëëk n'ëtë'ëtstë n'ëna'antës, ni'ikyës jap xyjyuutëty ma ja ëxëëkpën.

Juan 5:23

e ja Tios U'unk näjyëtu'un yajwintsë'ëkëty ijxtëm ja Tios Teetyën. Pën ka'ap twintsë'ëkë ja Tios U'unk, nän ka'ap twintsë'ëkë ja Tios Teety mëti'ipë kyejxypyën ja Tios U'unk.

Romanos 11:36

Tios tu'kë'ëyë winë myëët'ajtääpy, ets yë'ë winë yaj'ijtääpy. Jëtu'un xëmëkyëjxm y'itëty ja Tios ja myëj'ajt y'oyajtën.

Romanos 15:6

jëtu'unts tu'ukyë xymyëjjaw xyjyääntyjyawëtëty ja Tios, Wintsën Jesukristë Tyeety.

Filipenses 2:11

ets ni'ëmukë tkajpxpaatëty ko Jesukristë, yë'ë Wintsën. Tios myëj'ajtën jyääntyajtën oypyë.

1 Timoteo 6:16

Yë'ë tu'kpajk ka'ap ja o'kën të myëmëtä'äkyë mëti'ipë juukyajtpën të'kxëntyuuy ets ka'ap tjëkyepy pën myëwinkonëtëty. Ni pën të kya'ixyë ets ka'ap tjëkyepy pën y'ixëtëty. Yë'ë xëmëkyëjxm jyä'ä'ajtyp ja mëj'ajt oyajtën ets ja kutujkën. Oy jyëtu'un'atëty.

Hebreos 13:21

wa'an mmo'ojëtë ja wa'atsajtën ets tu'kë'ëyë mëti'ipë oyën ets xytyuntëty mëti'ipë tsyojkpyën mëët ja Jesukristë ja xyëëw. Yë'ë mëj'ajtën jaanty'ajtën jyä'ä'atëp xëmëkyëjxm. Oy jyëtu'un'atëty.

1 Pedro 4:11

Pën jää pën kyäjpxy myëtyä'äky, jëtu'un kyajpxëty ijxtëm ja Tios ja y'aaw y'ayuk y'ënä'änyën. Pën jää pën myëku'uk tii tukputëkëja'any, yajtunëp ja myëjaaw mëti'ipë ja Tios mooyëpën. Tu'kë'ëyë tiijaty mtuuntëp mkajpxtëp, tuntë winë ijxtëm mëpaat ja Tios yajmëjjaw yajjaantyjawën ma ja Jesukristë ja xyëëwën, mëti'ipë ijta'ayxyëyëp ja mëj'ajt oyajtën. Jëtu'un y'itëty.

1 Pedro 5:11

Yë'ë jëtu'un ja mëk'ajtën myëët'ajtyp xëmëkyëjxm. Jëtu'un'atëp.

2 Pedro 3:18

Yë'ë ni'ik nijawëtë ja Wintsën, ja yajnitsokpë Jesukristë, ets wäänëni'ik yääktë pätë ma ja tsojkën ja'awën. Nmëjja'aw nkënu'kxyjya'awëm tyam ets xëmëkyëjxm. Jëtu'un y'itëty.

Apocalipsis 1:9

Ëjts Juan, miits yë mmëku'ukëty, ets koos tu'ukyë nyajpaaty mëët yë Jesús, xypaat'ajtpës mëët miitsëty ja Tios ja kyutujkën, ma n'ëyo'onpatëmën ets ma akujky jotkujk n'ijtëmën ets tu'ukyë jotmëk nyajpatmëty. Jä'äkyëjxm koos ja Tios ja y'aaw y'ayuk të nimëtyakë mëti'ipë ja Jesús ojts nimëtyä'äkyën, jamës ënäty nyajpaaty Patmos, ma tu'kkëëyi'ikpyën ja naax jam mejyjyotm.

Apocalipsis 20:6

Akujk jotkujk jyuuky'atë mëti'ipë jëwyiin juukpyëjktëpën. Yë'ë jëtu'un ja Tios jä'ä''ajtëtëp ets ka'ap ja ëyo'on tpaata'antë mëti'ipë xëmëkyëjxm ijtpën. Teety y'itëty mëti'ipë Tios myëtuuntëpën ets ja Kristë mëët yajkutuktëty tu'uk mil jëmëjt.

Apocalipsis 4:11

Wintsën, mijts mpatëp xy'ëxajëty tu'kë'ëyë ja mëj'ajtën jaanty'ajtën, ja wintsë'kën ets ja mëk'ajtën, jä'ä ko mijts të xyajkojy tu'kë'ëyë oytyiijëty ets mijts mtsojkënkyëjxm të xyajkojy ets jyää'atëty.

Apocalipsis 5:10

Tëë xypyëjktä'äky ets yajkutuktëty ets y'itëty teety, jëtu'unts tmëtuntëty ja Wintsën ets yajkutuktëty naaxwiiny.