Amós 9:4 - Biblia Mixe de Quetzaltepec

⁴ ko ënäty të myënëjkxëtë yë myëtsip wiink naax wiink kajpn tsumy matsy, tëypyujxnës nëjkx jam nkexy ets yajkupujxta'atëty. Nëjkxëpës xëmë n'ijx'itë ets ëxëëk jyattëty kyëpätëty.

Biblia Dc en Mixe de Quetzaltepec

⁴ ko ënety të myënëjkxëtë yë myëtsip wiink naax wiink kajpn tsumy matsy, tëypyujxnës nëjkx jam nkexy ets yajkupujxta'atëty. Nëjkxëpës xëmë n'ijx'itë ets ëxëëk jyattëty kyëpätëty.

Amós 9:4 ပူးပေါင်းရင်းမြစ်များ

Levitico 26:33

Jëtu'unyë nëjkx n'awojpwa'kxtë ets jëtu'un mkä'äktëty mputëty, tä jeexyë pën yë tëypyujxn mtukpajëtitëtën. Anë'ëk tëëtsë'ëk nëjkx ja naax kajpn y'awinpijnë ets ja'ayë ja may pyotsykyutuk kyëxë'knëty tsë'ëkë jawë.

Jeremias 44:11

Paaty ëjts maas nWintsën'atyën, mëti'ipë maaytyääyëpën winë, mëti'ipë yë Israel ja'ayëty Tyios'ajtëpën, ëjts ënaanp: Tëës ntuknipëjktaakë ko nyajmina'anyës yë ëyo'on jotmay ma miitsëtyën ets nyajkutëkoyä'änyës yë Judá ja'ayëty.

Jeremias 21:10

Jä'ä ko tëëjës ntuknipëjktaakë koos nyajmina'any yë ëyo'on jotmay ma ya'atë naax kajpnën, jëtu'un tä jeexyë oyajtën nyajminyënës. Ya'atë naax kajpn yë'ëjës ntukë'ëtëjkëp yë Babilonyë yajkutujkpë ets tyajtooytyëkoyëty. Ëjts Wintsën, ëjts ënaanp.

Ezequiel 5:12

Tu'kpëky ma ja tëkëëk pëkpyën, yuu xëëwës ntukyaj'ookäämpy ets pa'am ëyo'on ets ja mëmäjtskpëkpyë nëjkxëp yë myëtsip yaj'ookëtë mëti'ipë ënäty të yajnatukyën, e ja mëtëkëëk pëkpyë jëtu'unyës nwojpwa'xta'aja'antë naaxwiinyëtë apëtsëmy. Etsës mpapo'oja'antë mëët yë tëypyujxn nkë'ëkëjxmës.

Levitico 17:10

Ëjts ëxëëkës n'ixa'any ko tu'uk yë Israel ja'ay ëkë jaaypyo'kxyjyä'äy, mëti'ipë tsënääpyën ma miitsëtyën, tjë'kxëty yë ne'pny, wä'än twi'ixtsowëty. Yë'ë kopkpëkyës ko nyaj'ookëty ma ja nyaax kyajpnën.

Ezequiel 5:2

Ko ënäty jyëjpkëxy ja tsip ma ja naax kajpn yajnitëkën tääts tu'kpëky xyjyëënmo'ojëty ja waay kajpn itkujky; ënät jatëkok ja tsujkn xykyoonë'ëkëty ets jatu'kpëky ja mwaay xynyëëtsukëty tu'kkajpnpa'a xytsyukëty; e jatu'kpëky mëti'ipë ënäty mjaak nëëtsujkpyën jëtu'unyë pojjoty xywyëjwa'kxëty. Yë mayjyä'äy ëx'amës npanëjkxa'any mëët tu'uk yë tëypyujxn nkë'ëkëjxyës.

Jeremias 39:16

Nëjkx ënëëmë yë Ébet-mélec, yë Etiopíë ja'ay: Yë Wintsën mëti'ipë maaytyääyëpën winë, mëti'ipë yë Israel ja'ayëty Tios'ajtëpën, jëtu'un y'ënä'äny: Yë'ëjës ntunäämpy mëti'ipës ojts nikäjpxyën wi'ix ya'atë naax kajpn ëxëëk jyata'anyën. Ko ënäty o'ktëy jyäty nëjkxëp xy'ixy.

Jeremias 24:6

ëjts n'ijx'itäämpy nkëwent'atäämpy ets nyajwinpitantëpës jatëkok ma ya'atë naax kajpnën. Yaajës nyajjotkujkëja'antë ets ka'ap nijëna'a n'ëkyajkutëkoyanës; ni'ikyës nkoja'an npäna'antë ets ka'ap nëjkx n'ëkwijxë'knëtës.

2 Crónicas 16:9

E Wintsën yë'ë wa'ats nyija'awëtyääpy tiijaty tuunëp jajtëp muum naaxwiinyëtë apëtsëmy ets tjotmëkmo'oy ja ja'ay mëti'ipë winë aaw winëjot tuk'ijxpäjtëpën. Mijts tëë jëtu'un mwinma'anytyëkoy, paaty winë të xytyuny tä tu'uk ja'ayën mëti'ipë winma'anytyukën. Jä'ä ko tyam wäänëni'ik yë tsip käjpxy xymyëtata'any.

Jeremias 12:12

Ma ja tun kopkën mëti'ipë yajpatëpën jam të'ëts'itjotmën tëë jam myintë ja ja'ayëty mëti'ipë ëxëëk të y'ëtë'ëtstë y'ëna'antën, jä'ä ko ëjts Wintsën, nmëëtës yë ntëypyujxn mëti'ipë yë naax kajpn yajkutëkoyäämpyën wä'än timmyaajëty ets ka'ap ja jotkujk'ajtën y'ita'any.

Amós 9:8

Yë Wintsën y'ijxyp ko yë'ë yaa y'ëne'emy yë nëë poky, paaty y'ënä'äny: Nyajkutëkoyäämpyës yë naaxwiinyëtë, je'eyëp ko yë Jacob yë y'u'unk y'ok ka'apës nyajkutëkooytya'aja'any. Ëjts Wintsën, ëjts ënaanp.

Zacarías 8:10

Jä'ä ko tëëyëp ka'ap ijty yajmëjuytyë yë ja'ayëty ets jëyujkëty. Ets mëtsip nän ka'ap të y'ity tyajjotkujk'atë yë naax kajpn; tëëjës n'ëwa'atsy ets nixim niyam ja'ay nyämyëtsip'atëtëty.

Génesis 44:21

Tä ojts näjyëtu'un xy'amëtoy, ko nwoowmintëtyës, jä'ä ko m'ixy'atäämpy ënäty.

Éxodo 14:24

E kujk ënäty ëka'any jyajtä'äky ko ja wintsën t'ijxy ja maytsyiptuunpëtëjk japë Egiptë tsyoontën. E ja Tios jap ënäty yajpaaty ma ja yootsën, jëtu'unpë kyëxë'ëkyën tä yë jëënën, ënät jëtu'unyë tyimlokëjajtaaytyë ja tsiptuunpëtëjkëty, aakyë'ë ojts nyäy'ijxma'tënëtë.

Salmos 34:17

Yë Wintsën kyëwentëpëjkpy yë wa'ats ja'ay ko wyanë tsyowë ets yajjotkujktäkpy ko jë'ë ya'ax yajpaaty.

Jeremias 39:12

Mijts ntuknipëjkpy ets xykyëwent'atëty yë Jeremías, këtii nëkoo ëxaty xytyunëty xy'ënëëmëty, ni'ikyë xymyo'ojëty tii mtimy'amëtoowëpën.