Amós 9:2 - Biblia Mixe de Quetzaltepec

² oy jap muum naaxpa'tkë'p jyanäyu'utsëtëty, nëjkxëpës jap njuutë, oy pën jyatsajppätëty nëjkxëpës jam nyajjënäky.

Biblia Dc en Mixe de Quetzaltepec

² oy jap muum naaxpa'tkë'p jyanäyu'utsëtëty, nëjkxëpës jap njuutë, oy pën jyatsajppätëty nëjkxëpës jam nyajjënäky.

Amós 9:2 ပူးပေါင်းရင်းမြစ်များ

Jeremias 51:53

Ma ënäty yë Babilonyë kajpn mëj'äämpy të y'awinpityën ets nyäjyawëtëty tëë yowë tsajp tpaaty yë nyaax kyajpn ta'tspëkpyë, jampaatës nkäxa'any yë myëtsip mëti'ipë yajkutëkoyëtëpën. Ëjts Wintsën, ëjts ënaanp.

Abdías 1:4

E oy jënu'un mjatsajpätëty tä witsnën ets oy jeexyë mpä'än xyjyapëjktakpë ma mëtsa'ajën, nëjkxëp jam nyajkënaxy.

Lucas 10:18

Ets ja Jesús y'ënëmaayëtë: Jëtu'un, tëëjës n'ixy ko ja mëjku'u kyuka'anaxy tsajpwinm ijxtëm ja wëtsuk nyaaxkëtä'äkyën.

Jeremias 49:16

Tëë mnätyukwin'ëënyë ko mnämyëjjaw të mnäjyääntyjyawëty, je'eyë ijty m'ëtsë'ëk m'ajawë. Tyam jam muum mtsëënë tsaa yuukjoty tsaakäätsjoty. Jam muum m'ity tunkëjxm kopkëjxm. Oy jënu'un m'ijtakn mtsënaaytyakn këjxm xynyipëjktaakëty jëtu'un tä witsn pyä'än muum t'oytyunyën këjxm ma ka'ap npatmëtyën, nëjkxëp jam nyajjënäky. Ëjts Wintsën, ëjts ënaanp.

Isaías 2:19

Ko ënäty ja Wintsën tnipëtë'ëky ja naax kajpn ets jyää'aty ja tsë'ëkë jawë naaxwiiny naaxkëjxy, nëjkxëp ja ja'ay tsyaatëkëtë jyutëkëtë ets jap nyäyu'utsëtëty, këtiipë ja Wintsën y'ixëtëty ko ënäty ja myëj'ajt y'oyajtën tyaj'ixyë.

Job 26:6

Yë o'ktakn, ma o'kën yajkutukyën, ka'ap jap tii yu'utsy'ity mëët yë Tios.

Job 20:6

Oy jëtu'un jyakëjxmëty tä tsajpën ets jampaat yë kyëpajk jyatimjyä'ty yootsjotm,

Job 34:22

Ka'ap maa kootsajtën mëti'ipë yu'utsëpën yë tuuntëkoopyë kajpxtëkoopyë.

Ezequiel 26:20

ets mkinëty në'ppaat ma o'kpë yajpaatën, ma nyipätën yë o'kpë tëëyëpë jyuuky'atën. Jap pa'tkë'p nyajjëjpta'aka'any ma ja naax kajpnën mëti'ipë tëëyëp nikoompäjtën ets jap mjuuky'atëty ma ja o'kpë tsyëënëtën. Ka'ap nëjkx pën y'ëktsënaaynyë ma mijtsën ets ka'ap nëjkx nijëna'a m'ëk yaj'akojënë ma ja'ayëtyën mëti'ipë juuky'ajtëpën.

Ezequiel 31:14

Ets nimëti'ipë kepy nëjkx kya'ëkyoonë, oy ënäty nëëpë'aay jyayajpaaty, oy jënu'un jyanëëpa'atye'eyëty ka'ap nëjkx nëkooyë y'ëkyujkyoonë ets ja tsajp tpaatëty. Tëë nyitujkëtya'atë ets y'o'kta'atëty ets naaxpa'tkë'p jyëjptakta'atëty ets tpuwa'akëtëty ja myëku'uk mëti'ipë tëëyëp o'ktëpën.

Job 22:13

Mijts jëtu'un të m'ëna'any, ko yë Tios ka'ap tii t'ixy, yë'ë yëkyoots ëtujkëp. Jëtu'un të m'ëna'any ko yë Tios ka'ap tii t'ixy jä'ä ko jämyë nyäxy tyëkë tsajpjotm.

Job 24:23

Tios yë'ë yajjuuky'ajtëtëp akujk jotkujk, je'eyëp ko ijxëtëp wi'ix nyë'ëye'ey tyu'uye'eytyën.