Amós 8:5 - Biblia Mixe de Quetzaltepec

⁵ miitsëty mëti'ipë ënantëpën: Tim je'eyë xëëw nyaxëty ma yajnixëëwtunyën yë po'o ko pyi'k'aty, tääts nto'kmëty yë tsajpmok. Tim je'eyë xëëw nyaxëty ma yajmëjjawën yë po'kxënxëëw tääts nto'kmëty yë aaypyajk ujtspajk mëti'ipë nmëët'ajtëmën ets ka'ap kä'pxy nkijpxmëty ets tsow nto'kmëty.

Biblia Dc en Mixe de Quetzaltepec

⁵ miitsëty mëti'ipë ënantëpën: Tim je'eyë xëëw nyaxëty ma yajnixëëwtunyën yë po'o ko pyi'k'aty, tääts nto'kmëty yë tsajpmok. Tim je'eyë xëëw nyaxëty ma yajmëjjawën yë po'kxënxëëw tääts nto'kmëty yë aaypyajk ujtspajk mëti'ipë nmëët'ajtëmën ets ka'ap kä'pxy nkijpxmëty ets tsow nto'kmëty.

Amós 8:5 ပူးပေါင်းရင်းမြစ်များ

Oseas 12:7

Jëtu'un yë Wintsën y'ënä'äny: Yë Canaán ka'ap tii oy tkijpxy, jä'ä ko yë'ë tsyokpy wi'ix yë myëku'uk tsuu'ixëtyën.

Levitico 19:36

Ka'pxy mëpaat winë xykyijpxtë ets kä'pxy mëpaat winë xytyiytyë. Ëjts jëtu'un Wintsën, mëti'ipë miits mTiosajtëpën, mëti'ipë myajpëtsëëmëtën jap Egiptë.

Isaías 1:13

Këtiis nitii wintsë'kën xy'ëktuknimiinëtëty ka'apë tsyowpaatyën, yë nyijok ka'apës n'ëktsojknë. Ma ja po'o xynyixëëwtuntën, ma ja po'kxënxëëw xypyo'kxtën ets ma ja ja'ay xyajtu'ukmuktën ets ëxëëk y'ëtë'ëtstë y'ëna'antë.

Proverbios 20:23

Yë Tios y'ëxëëk'ijxyp ko ja'ay ka'ap tii mëtëy tkijpxy, ko ja'ay twi'tma'aty mëti'ipë tii tyukijpxypën ka'ap ninu'un y'oyëty.

Proverbios 16:11

Ma winë yaj'atëëynyäxyën ets ma winë yajkijpxyën, yë Tios patëp t'ixëty pën oy ja kijpxën tyu'uye'ey. Tëkokyë mëti'ipë yajtëëpy yajkijpxpën, aak Tios të tpëjktä'äky.

Proverbios 11:1

Tios ka'ap t'oyjyawë ko tii kä'pxy kyayajkijpxy, yë'ë oyjya'ap ko tii kä'pxy yajkijpxy.

2 Reyes 4:23

¿Ti ko nëjkx xy'ixa'any tyam? Jëtu'un yajtëëwë ja nyiye'etyëjk. Kajts po'o tyam pyi'k'aty ets ka'ap pyo'kxënxëëwëty. Këtii nëkoo may mtajy, jëtu'un y'ëtsooy ja to'oxytyëjk.

Números 10:10

Myajxu'uxtëp näjyëtu'un yë pujxnxuxn ma xoontakën y'ityën, ijxtëm ko yë xëëw tyunyën ets ko yë po'o pyi'k'aty. Näyjyëtu'un ko yë wintsë'kën xyaktëty nino'okpyë ets ko yë wintsë'kën xyaktëty ma ja nay'ëëw'oy näykyajpx'oyë y'ityën. Jëtu'un'äämpy miitsëty nja'amyätstëty. Ëjts mWintsën Tiosëty.

Isaías 58:13

Mwinkutsë'ëkëp ja po'kxënxëëw; këtii jää mtookëty myakëty ma tääpë xëëwën wa'atspë. Xoontakën xëëw xyajnaxëty, kënu'kxypyë mëti'ipë Wintsën xyëëwajtypyën ets ma pyäätyën yajmëjjawëty. Mmëjja'ap ënäty ko ka'ap jää mtookëty myakëty, ets ko ka'ap jää yë'ë xy'ijxpaatëty wi'ix ja meeny xyaj u'unk'atëty ets wi'ix mnäyajkumeenytya'akëtëty.

Colosenses 2:16

Këtii xymyëjpëjkta'aktëty ko ja'ay mnikajpx mnimëtya'akëtëty pën tii mkaaytyëp mjë'kxtëp, mëti'ipë xëëw m'ëmaay'ajtëp mka'ëmaay'ajtëp, pën yë'ë jempyo'o ëkë po'kxënxëëw.

Malaquías 1:13

Miitsëty jëtu'un m'ëna'antë: Tëës nmëtsipkä'äxnëtë tu'kë'ëyë ya'atë. Xy'ixtijnëtëpës. Ets ni'ikyë mmaytyë mtajtë ko ntukxoontäkpyës ko xymyëmintë ja kupixyny ëkë ja tsajpkaa mëti'ipë meetsyën ëkë tekymya'atën ets jä'ä xytyukwintsë'ëkëja'antës

Éxodo 31:13

Mijts kë'ëm timmëëtmëtya'ak yë Israel ja'ayëty ets xy'ënëëmëty: Kopkpëky ko xymyëjjawëtëty ëjts yë npo'kxënxëëwës, jä'ä ko yë'ë yajtuk'ijxp koos ëjts nyajpaaty ma miitsëtyën xëmëkyëjxm, jëtu'un yajnijawë ko ëjts mëti'ipë Wintsën'ajtpën, ëjts jëtu'un miitsëty të nwin'ixtë.

1 Samuel 20:5

Tä ja David y'ëtsooy: Ëk'ix, mijts mnija'ap ko jëpom yajnixëëwtuna'any ma ja po'o pyi'k'atyën, e ëjts kopkpëkyës ko jam nyajpaatëty mëët ja yajkutujkpë. E mooykyës jëpom yë xëëw wä'änës jam yu'utsy nyajpaaty aayjyotm ujtsjotn, wëxtëjkmnëm jënäkyxyëëw näpyatëmëty.

Zacarías 5:6

Etsës nyajtëëy: ¿Tii yë'ë? Tääts të xy'ëtsoyës: Kijpxën yë'ë. Yë'ë yajtukijpxaanp yë nyëë pyokyëty yë ja'ayëty mëti'ipë kajpnjoty tsënaaytyëpën.

Zacarías 5:8

Ënät xy'ënëmaayës ja tsajpjotmëtë kukäjpxy: tääpë to'oxytyëjk yaj'ixyën, ëxëëkajtën yë'ë. Ënät jatëkok jap tkutijëy ma ja apëjkënën ets tyaj'ëtujky.

Oseas 12:8

Jëtu'un yë Efraín y'ënä'äny: Ëjts koos të nkumeenytyä'äky, jotkujk'ajtënës të npaaty; ka'ap tjëkyepy pën xytyuk'ojëtyës ets xy'ënëëmëtyës ko tëkatsyës winë të ntuny.