Amós 7:7 - Biblia Mixe de Quetzaltepec

⁷ Ojtsës näjyëtu'un yë Wintsën xytyuk'ixy wiinkpë a'ijxnajxën. Jam tyänë ma tu'uk yë potsyën ets jam kyë'ëkëjxm yë'ë jam myëët'ajtyp yë kijpxn mëti'ipë ja'ay tyukijpxypyën yë potsy pën kijpxy pya'tëkë.

Biblia Dc en Mixe de Quetzaltepec

⁷ Ojtsës näjyëtu'un yë Wintsën xytyuk'ixy wiinkpë a'ijxnajxën. Jam tyänë ma tu'uk yë potsyën ets jam kyë'ëkëjxm yë'ë jam myëët'ajtyp yë kijpxn mëti'ipë ja'ay tyukijpxypyën yë potsy pën kijpxy pya'tëkë.

Amós 7:7 ပူးပေါင်းရင်းမြစ်များ

2 Reyes 21:13

Tin jëtu'unës ja Jerusalén kajpn ntuna'any o'ktëy tä ja Samaria kajpn të ntunyësën, maas të nyajkëjxta'ayën ja Ahab ja y'u'unk y'ëna'k ets ja jyä'äy; jëtu'unës nyajwë'ëma'any ja naax kajpn pe'ety jaaxy, tä ja'ay yë texy tukpo'otyën wa'ats ets tjupy.

Apocalipsis 21:15

Ja tsajpjotmëtë kukäjpxy mëti'ipës xymyëmëtyakpën, myëët'ajtyp tu'uk ja kepy mëti'ipë yajtukkijpxpën winë, aak pu'ts pujxn mëët y'oytyunyën ets tukijpxa'any ja kajpn, ja tëjk'aaw ets ja potsy.

Apocalipsis 11:1

Tëë nyajmo'oyës tu'uk ja kepy mëti'ipë yajtukkijpxpën winë, jëtu'un kyëxë'ëky ijxtëm yë tsajkäpynyën ets nyajnëmaayës: Pëtë'ëk ets xykijpxëty ja Tios ja tyëjk ets ja wintsë'këntyakn ets näjyëtu'un xymyëtyowëty mëti'ipë wyintsë'këtëpën ja Tios.

Ezequiel 40:3

Ënät ja Wintsën ojts jam xywyoownëjkxyës ets n'ijxyës tu'uk yë ye'etyëjk, jëtu'un yaj'ixy tä jeexyë y'oytyunyëtyën mëët yë tsuxkpujxn. Jam tëjk'ëkë'ëm tyänë, yë'ë kyë'ëpëk'ajtyp tu'uk linë wit tejpxyën yaj'ixy ets tu'uk yë kepy mëti'ipë mëët winë yajtukijpxyën.

Lamentaciones 2:8

Yë Wintsën të tuknipëjktaakë ets jyijta'ajëty yë Sión kajpn. Tëë tnimay tnitajë wi'ix tyajkutëkoyä'änyën ets ka'ap të tmëpo'kxy, koonëm të tuny ijxtëm ënäty të tnimay të tnitajën. Tëë tjijta'ay mëti'ipë ja naax kajpn nyapots'ajtypyën ets ja ja'ayëty je'eyë tnimon tnutuktë jëtu'un tä jeexyë pën të y'ookyën, tu'kë'ëyë të nyaaxmëjijtëtyä'äy.

Isaías 34:11

Yë'ë jam ju'k ets wääk'oo tsënaaytyaknpëkaanp, yë wëëky ets lut jam näpyä'änanëtëp. Jä'ä yë Wintsën tyaj'awinpita'any tääpë naaxwiinyëtë anë'ëk tëëtsë'ëk ets ni pën nëjkx jam kyatsëënë.

Isaías 28:17

Tääpë potsy yë'ë nëjkx mëët yajtuk'ijxtë ja mëtëypyë ja nipaye'eyën. Ja tsoktakn mëti'ipë ënäty të xyjya'ixta'atën mëët ja win'ë'ënën antakën yë'ë nëjkx yaj'atëkoyë ja tëtsn tuu, ets mëti'ipë ënäty mnätyuk'apëjktujkëtëpën, jëtu'unyë nëjkx jam komnëë yajwinpajë'ëtyë.

2 Samuel 8:2

Ojts näjyëtu'un tyajkutëkoy ja Moab ja'ayëty: Ka'ap tyaj'oky ni'ëmukë, je'eyë ojts tkijpxy mëët tu'uk yë tejpxy; mëti'ipë wyinnajxypyën ja tejpxy jä'ä yaj'o'k e mëti'ipë naje'eyë patëpën ja tejpxy jä'ä juuky yajwë'ëm. Jëtu'un'äämpy ja Moab ja'ayëty ja David ka'ap yajmëta'akëtë ets ojts tyuk ënä'ämëtë nyäkyukëpätëtëty.

Génesis 28:13

Näyjyëtu'un t'ijxy kootëm ja Tios wyintänëty ets y'ënë'ëmxëty: Ëjts jëtu'un Wintsën, mëti'ipë Tyiosajtën yë mtatwelë Abraham ets mteety Isaac. Mijts nmo'ojäämpy ya'atë naaxjot ma jam mko'knën ets m'u'unk m'ëna'k.

Amós 7:6

Ënät ja Wintsën të t'akajpxtuky ja ëyo'on mëti'ipë ënäty të tjatuknipëjktaakën ets të y'ënä'äny: Ka'ap tyunanënëpë ya'atë ëyo'on.

Amós 7:8

Etsës të xyajtëy: ¿Tii m'ijxyp Amós? Yë'ëjës n'ijxyp mëti'ipë potsy yajtukkijpxpën. Jëtu'unës të n'ëtsoy. Ënätës të xy'ënëëmë: Jëtu'un tä xy'ixyën yajkijpxy yë potsy jëtu'unës näjyëtu'un nkijpxa'any yë jyuukyajtën yë Israel ja'ayëty, mëti'ipës nkajpn'ajtypyën. Ëjts ka'apës yam ja tëkok n'ëkpoky'myä'kxanë.

Zacarías 4:10

Ja ja'ayëty mëti'ipë ka'ap të tmëjpëjkta'aktën ko wäänaty ja tuunk të tyu'uye'ey, nëjkxëp ok tukxoonta'aktë ko ënäty ja Zorobabel tyajjëjpëtsëmy ja tuunk. Ënät ja tsajpjotmëtë kukäjpxy xyjyaak ënëmaayës: Ya'atë wëxtujkpë kutë'kxn yë'ë Wintsën yë wyiin jyëjp mëti'ipë tyukjëtijtëtyëpën yë naaxwiinyëtë.