Amós 6:8 - Biblia Mixe de Quetzaltepec

⁸ Yë Wintsën, Tios mëti'ipë maaytyääyëpën winë tëë kë'ëm ja xyëëw tukkajpxpety ets të y'ënä'äny: Ëxëëkës n'ixy yë Jacob yë nyaax kyajpn ko je'eyë nyämyëjaw nyäjyääntyjyawëty; ëxëëkës n'ijxë yë y'akujktëjk kyutujkëntëjk; yë myëtsip yam ntukë'ëtëkëjäämpyës yë naax kajpn mëët tëkokyë mëti'ipë myëët'ajtypyën.

Biblia Dc en Mixe de Quetzaltepec

⁸ Yë Wintsën, Dios mëti'ipë maaytyääyëpën winë tëë kë'ëm ja xyëëw tukkajpxpety ets të y'ënä'äny: Ëxëëkës n'ixy yë Jacob yë nyaax kyajpn ko je'eyë nyämyëjaw nyäjyääntyjyawëty; ëxëëkës n'ijxë yë y'akujktëjk kyutujkëntëjk; yë myëtsip yam ntukë'ëtëkëjäämpyës yë naax kajpn mëët tëkokyë mëti'ipë myëët'ajtypyën.

Amós 6:8 ပူးပေါင်းရင်းမြစ်များ

Amós 4:2

Yë Wintsën ojts yë xyëëw tukajpxpety mëët ko wa'ats nyäyaj'ityë ets y'ënäny: Miimp ja xëëw po'o ma miitsëty myajmënëjkxa'antën tsumy matsy wiink naax wiink kajpn ets mëët yë jo'kn myajtsuumë'ëka'antë ets m'u'unk m'ëna'këty jëtu'un yaxuya'antë tä ja'ay nyëë jëyujk xuyën.

Jeremias 51:14

Yë Wintsën mëti'ipë maaytyääyëpën winë, kyë'ëm juukyajtën të tukajpxpety ets të y'ënä'äny: Jëtu'un yë mmëtsip ntuknimina'any tä mu'ujën ets tukxoonta'aka'antë ko ënäty mëmëtä'äkyë.

Amós 8:7

Tios, tëë tnikäjpxy mëëtkyëjxm ko ja Jacob ja mëj'ajt oyajtën tmëëtëtyën: Ka'apës nijëna'a nja'atyëkoyä'äny mëti'ipë të tuntën.

Salmos 47:4

Tëë kë'ëm twin'ixy mëti'ipë nëjkx nkuma'ayën'ajtëmën, yë'ë mëti'ipë mëpaat yë Jacob yajtukja'amyetsyën, mëti'ipë ojts tsoky tjawën.

Amós 3:11

Paaty yë Wintsën y'ënä'äny mëti'ipë Tios'ajtpën: Tu'uk ja mëtsip tyajnatuka'any ja naax kajpn, jyijtë'ëkäämpy ja potsy ma ja këwent'ajtpë y'itën ets tyajpëtsëëmta'aja'any tiijaty japën ma kutujkëntëjkën.

Jeremias 22:5

E pën kajts xykyuuytyuntë ijxtëm myaj'ënëëmëtën, ya'atë kutujkëntëjk xit ko'ow jyata'any. Ëjts Wintsën, ëjts ënaanp.

Salmos 106:40

Yajxon yë Wintsën ojts ja kyajpn tukjoot'anpëky, paaty ojts ka'ap tmo'oy mëti'ipë ënäty ja patëtëpën,

Zacarías 11:8

Tu'kpo'o je'eyë të nyäxy nitëkëëk jää të n'ëxwopyës yë kupixyny këwent'ajtpë mëti'ipë ënäty yë nmä'kxtujkënës të tyajkëxyën ets mëti'ipë xy'ëxëëk'ijxpënës.

Ezequiel 24:21

Ënëëmë yë Israel kajpn: Jëtu'un yë Wintsën y'ënä'äny: Nyaj'ëxëëkëjäämpyës yam yë ntsajptëjkës, mëti'ipë m'oy'ijxtëpën, mtsojktëpën ets mëj'äämpy mnäyjyawëtë ko jyääjëty ets yë'ë mtukjotmëk'ajtëp; yë m'u'unk m'ëna'këty ye'etyëjk to'oxytyëjk mëti'ipë jam Jerusalén të xyajwë'ëmtën ja'ay nëjkx yaj'o'kta'ajëtë.

Lamentaciones 2:5

Jëtu'un yë Wintsën të y'ëti'itsy mëtsipën; tëë tyajkutëkoy yë Israel, tëë tyajjijtë'kta'ay yë kyutujkëntëjk, tëë tyajkutëkooytyä'äy yë kyajpn mëti'ipë ta'tspëky ets këwent'aty, ijtpën ets të tukpata'ay ja Judá ja ëyo'on jotmay.

Salmos 78:59

Tios ojts jyoot'anpëky ko jëtu'un t'ijxy, ets ojts jëtu'unyë tnajts'ixë ja Israel,

Salmos 50:12

Kooxyëpës jeexyë n'ëkyuu'ookyë, kajxyëp yam mijts ntukmëmëtyä'äky, jä'ä ko yë naaxwiinyëtë ëjts yë njä'ä ets tëkokyë jënu'un jää winë yajpaatyën.

Deuteronomio 32:19

Ko yë Tios jëtu'un t'ijxy ojts jyoot'anpëky ets ojts näjyëtu'un timjyä'ätyëkooynyë ja y'u'unk y'ëna'k ye'etyëjk to'oxytyëjkpë,

Levitico 26:30

Nëjkxëpës nyajkutëkooytyä'äy ja nyitsajptëjk ja mtiosëty ets mäjtskpëkyës nëjkx nyajwa'kxë ja nyipotsy ma ja wintsë'kën yajyäkyën ma xywyinno'ok xywyinxamtën mëët ja poom, yajxon nëjkx nijëtujtpetyës ja may o'kpë, ko ënäty të m'o'kta'atë, ma ja mwiinktiosëtyën. Ets jëtu'un nëjkx nyaj'ixyës mëët ko ënäty miitsëty ninu'un nka'ëktimmyä'kxënëtë.

Levitico 26:11

Ëjts yajpaataanpës xëmë ma miitsëtyën ets nijëna'a miitsëty ixtijy nkayajwë'ëmtëty.

Jeremias 12:8

Ya'atë kajpn mëti'ipës ijty njä'ä'ajtypyën, jëtu'un të y'awinpity ma ëjtsën tä tu'uk yë kaajën yukjotypë tsyëënën, je'eyë nyiitsy, paatyës n'ëxëëk'ixy.

Jeremias 44:26

E miitsëty Judá ja'ayëty nijënu'un yaa Egiptë mtsëënëtën, mëtowtë ya'atë aaw ayuk: Ëjts, mëti'ipë Wintsën'ajtpën, jëtu'unës n'ëna'any: nmëj xëëwës ntukajpxpejtyp, ko nitu'uk yë Judá ja'ay nëjkx ja nxëëwës jatëkok tkakajpxpaaty yaa ma Egiptë kajpnën ets ka'ap nëjkx nijëna'a y'ëk'ënanë pën: Mëët ja Wintsën ja jyuukyajtën.

Jeremias 49:13

Ëjts, mëti'ipë Wintsën'ajtpën, nxëëwës ntukajpxpejtyp: Yë Bosrá kajpn aanë'ëk tëëtsë'ëk ets xit ko'ow wyë'ëma'any, yë'ë nëjkx y'ijxpäjtën'aty ko ënäty o'ktëy jyäty kyëpety ets ko ënäty të yajpoky, e ja wiinkëtypë ja naax kajpn xit ko'ow nëjkx jyajta'atë.

Oseas 11:6

Tunanëp yë tsip ma nyaax kyajpnëtyën ets kyutëkoyä'äny mëti'ipë ta'tspëky ets këwent'atyën, mëët ko ënäty ëxëëkëty të myäy të tyajtë.

Amós 3:10

Jëtu'un yë Wintsën y'ënä'äny: Yë'ëjëty ka'ap tnijawëtë wi'ix tii oy tuntëtyën; jap tyajnipätë ma kyutujkëntëjkëtyën mëti'ipë ja'ay pyëjkëtëpën atsip.

Amós 5:21

Ëxëëkës n'ixy ko mxëëwtun mxëëwkajpxtë; ëxëëkës n'ixy ko mtu'ukmuktë ets nyätyijyë xy'ëwtatë Tios.

Amós 8:3

Jä'ä xëëw jëëpyë yaxpë nëjkx y'awinpijta'atë ja ety xoontä'äky. May ja ja'ay y'ooka'antë ets may nëjkx Amón api'its nyaaxtëkëtë jam kajpnpë'am. Yë Wintsën jëtu'un ënaanp.

Proverbios 8:13

Ko Tios yë'ë yajmëjpëjktä'äky, yë ëxëëkpë yaj'ëxëëk'ijxp. Ëjts ëxëëkës n'ixy yë nämyëjjawë näjyääntyjyawë, ets ëxëëkës n'ixy näjyëtu'un yë ëxëëk në'ë ëxëëk tu'u ets ja win'ë'ënën antakën.

Isaías 28:1

Janty mon janty tuk yë Samaria kajpn yajpaaty, ja kajpn ma ja Efraín ja y'u'unk y'ok tsyëënëtën mëti'ipë ja amu'ukyëja'aytyëjk yajmëjnajxtëpën, mëti'ipë janty'oy näjya'awëyëpën ets jëtu'un ja jyuukyajtën tä pëjyën mëti'ipë të xyo'tsnën, jampë yajpaatyën naaxjotm ma winë y'ity wyintëyën. Janty mon janty tuk yajpaaty jä'ä ko yi'iyë yajmëjnajxyp ets amu'ukyë yajpaatëty.

Jeremias 22:14

Ko m'ëna'any: Mëjës yë ntëjk nkoja'any ets tyëkot nän mëj nyaj'ita'anyës ets mäjtsk nikë'ë. Ets xyaj'ëwa'atsy yë nyitëjkwiin, yë'ë ajë kepy mtukniwojpy yë nyipotsy ets tsapts xykyoy.