Amós 6:7 - Biblia Mixe de Quetzaltepec

⁷ Mijts nëjkx jëyëjp mnëjkxtë tsumy matsy wiink naax wiink kajpn, jää nëjkx kyixy nyäxy ko je'eyë të mxëëwtuntë.

Biblia Dc en Mixe de Quetzaltepec

⁷ Mijts nëjkx jëyëjp mnëjkxtë tsumy matsy wiink naax wiink kajpn, jää nëjkx kyixy nyäxy ko je'eyë të mxëëwtuntë.

Amós 6:7 ပူးပေါင်းရင်းမြစ်များ

Amós 7:11

Jëtu'un ja'ay t'ënëmaay: Yë Jeroboam kupuxy y'ooka'any ets tëkokyë yë Israel kajpn tsumy matsy nyëjkxta'aja'antë wiink naax wiink kajpn.

Amós 5:5

Këtii jam Betel ets Guilgal mnëjkxtë ets këtii jam Beerseba mtimnyaxtëty, jä'ä ko yë Guilgal ja'ayëty tsumy matsy yajmënëjkxa'antë wiink naax wiink kajpn ets Betel axit ako'owë jyajta'aja'any.

Lucas 21:24

Tam mëti'ipë nëjkx yajkupuxyën, mëti'ipë nëjkx yajtsumy yajmatsyën wiink naax wiink kajpn; ets ja mëtsip jëtu'unyë nëjkx t'ateeny tukteeny ja Jerusalén kajpn koonëm tpaatëty ja nyixëëw ma ënäty të yaj'akäjpxyën.

Nahúm 1:10

Jëtu'un tä äpnyën tëëpë yajxon nyämyatsyën, tä yë tsajpmok kepyën të'ëtspë, jëtu'un nëjkx mnitooytya'atë.

Amós 7:17

E yë Wintsën yë'ë ënaanp: Yë mto'oxytyëjk kajpnjoty nëjkx jyot nyini'kx tooky tyäky ets m'u'unk m'ëna'k ye'etyëjkpë to'oxytyëjk nëjkxëp kupuxy y'ooktë; yë mnaax mkam nëjkxëp yaj'ijxwa'kxtë ma ja'ayëtyën mëti'ipë wiink tios y'ëwtajtëpën ets Israel ja'ayëty tsum matsy nëjkx yajmënëjkxta'atë wiink naax wiink kajpn.

Amós 5:27

Paatykyëjxm n'ëxwojpta'aja'antë, tsumy matsy nyajnëjkxta'aja'antë wiink naax wiink kajpn, mwinaxtëp yë Damasco kajpn. Yë Wintsën jëtu'un ënaanp, yë Tios mëti'ipë maaytyääyëpën winë ets jëtu'un txëëwaty.

Isaías 21:4

Ëjts ka'apës n'ëkwinma'anypyatnë, jëtu'unyës nkutsuu nkupojënë mëët ja tsë'ëkë. Ko ijty jyënäky xëëwaty janty oyës ijty nnäjyawëty, tyam ëxëëkëmës je'eyë nnäjya'awënë.

Ester 5:8

Pën yë yajkutujkpë janty ënaanp koos xytsyoky xyjyawë, pën ënaanp ko xymyo'oja'anyës tiijës ntimy'amëtoopy, yë'ëjës yam jatëkok n'amëtowäämpy ets yajkutujkpë mëët yë Amán jam jatëkok myinëty ma wiinkpë ja ka'ayën ukën nnipëjktaakënës, ma jatëkok nnixëëtuna'anyën mijts yajkutujkpë. Jäänëmës nikajpxëty mëti'ipës yë yajkutujkpë xy'amëtoopën.

Deuteronomio 28:41

Mjamëët'atëp yë mmaank ets mnëëx; wäänë y'itëty, tääts yë mmëtsip mtukja'tëtëty ets tyajnëjkxta'ajëty. Tääts nëjkx mijts mwë'ëmnë u'unktuk ëna'ktuk.

Daniel 5:30

Jä'ä tsu'um ja Belsasar yajkutujkpë tyaj'o'ktë, mëti'ipë ënäty jam yajkutujkpën ma Caldeo ja'ayëtyën,

Isaías 24:8

Tëë kyixy ja xoontakën ma ja ja'ay të xyu'uxtën ets të y'ëwtën, tëë myoonkëtä'äky ma ja ja'ay të myuktën ets të xyoonta'aktën.

Amós 4:3

Waatswitsy nyaxa'antë jap potsyjyutjoty ets nyëjkxa'antë ye'epy, jam yamënëjkxa'antë ma Hermón kopkën. Yë Wintsën jëtu'un ënaanp.