Amós 6:3 - Biblia Mixe de Quetzaltepec

³ Miitsëty ka'ap xytsyoktë ets xynyijawëtëty wi'ix ëxëëk myinyën ja xëëw po'o, je'eyëp ko nijawëtë ko miits kë'ëm yë ëyo'on të xyaxtsowtë.

Biblia Dc en Mixe de Quetzaltepec

³ Miitsëty ka'ap xytsyoktë ets xynyijawëtëty wi'ix ëxëëk myinyën ja xëëw po'o, je'eyëp ko nijawëtë ko miits kë'ëm yë ëyo'on të xyaxtsowtë.

Amós 6:3 ပူးပေါင်းရင်းမြစ်များ

Amós 9:10

Ni'ëmukë yë pokyjä'äytyëjkëty kupuxy nëjkx y'o'kta'atë; ni'ëmukë mëti'ipë ënantëpën: Ëëtsajtëm ka'ap jëtu'un njajtmëty; ëëtsajtëm ka'ap nëjkx ëyo'on mpatëmë.

Isaías 56:12

ets y'ëna'antë: Ja'am nëë n'ixta'ayëmë ets aakyë'ë mëknëë mëti'ipë mukpën, yajxon nmuktëko'oyëmëty. Näyjyëtu'un jëpom jatëkok tä tyamën, ëkë wä'än jaakni'ik.

Ezequiel 12:27

Jëtu'un yë Israel ja'ayëty y'ëna'antë ko ja mwinkuma'ay mëti'ipë mnikäjpxypën jä'ä mëti'ipë jäänëm jëna'a atëwaanpën.

2 Pedro 3:4

ets tyajtëwa'antë: ¿Wi'ix ko jëtu'un ja Tios ja y'aaw y'ayuk y'ënä'äny ko ja Kristë myina'any jatëkok, ka'ap maa yaj'ixy? Tëëyëp ja n'ap'ajt n'ok'ajtëm y'o'ktaaynyëtë ets je'eyëm winë yaj'ixy ijxtëm ja naaxwiinyëtë tsyo'ontäkyën.

1 Tesalonicenses 5:3

Ko ja ja'ay y'ëna'antëty: Jotkujk tyam, ka'ap tii tyunyë jyätyë, ënät nëjkx ajotkumonë tyukja'tëtë ja ëyo'on, ijxtëm tu'uk ja to'oxytyëjk tyukminyën ja pëjkën ijxën ko ja y'u'unk myëxu'unk'ita'any ets nimaa ja yu'tstakn kya'ita'any.

Mateo 24:48

E pën tääpë mëtuunpë ëxëëk ja jyot wyinma'any, ets myäyëty tyajëty ko ja wyintsën ka'ap tsyojkwinpita'any

Amós 3:10

Jëtu'un yë Wintsën y'ënä'äny: Yë'ëjëty ka'ap tnijawëtë wi'ix tii oy tuntëtyën; jap tyajnipätë ma kyutujkëntëjkëtyën mëti'ipë ja'ay pyëjkëtëpën atsip.

Ezequiel 12:22

¿Tiitën yë Israel ja'ayëty jyatijantëp ko y'ëna'antë: Ix jënu'un yë xëëw jëmëjt të nyajxnë, mëti'ipë ja käjpxynyajxpëtëjk të tja''akajpxtën ka'ap nyäky tyuny nyäkjyätyë?

Apocalipsis 18:17

Ets tim tu'ktsojkyë të kyixy ja mjuukyajtën ets ja mkumeenyajtën. Näyjyëtu'un mëti'ipë yajkepy nëëwinye'eytyëpën, mëti'ipë tuuntëpën mejynyux mejypya'a, mëti'ipë ye'eytyëp najxtëpën kepy nëëwinye'epyëjoty, jëkäm të jyaak tänëtë.

Amós 6:12

¿Wä'än jëtää yë kwaay tsaakëjxy ye'eytyëtyë? ¿Wä'än jëtää yë tsajpkaa nyajyu'umëty nëëjotyë? Miitsëty, të xyaj'awinpitë ja oypyë ja nipaye'eyën tä xëwätën ets ta'amëm të jya'awëkyëtä'äky ma tëkatsy winë të xypyaye'eytyën.

Amós 5:18

Mon tuk yë ja'ay yajpaatë mëti'ipë tsyojkën'ajtëpën ets Wintsën myinëty. ¿Mnija'awëtyëp wi'ix nëjkx jyäty kyëpetyën ko ënäty yë Wintsën myinyë? Nëjkxëp jää kyootsë ets ka'ap tyë'kxa'any jyaja'any.

Amós 5:12

Ëjts nija'apës wi'ix mëj këjää të tyuuntëkoytyën ets wi'ix myäyëtyën ja nyëë pyokyëty: Yë'ëjëty, yaj'ëyoowtëp ets tyiytyuuntëp yë ja'ay ka'apë tii tuuntëkoyën; nyimeenypyëjktëp ko tii tuuntëkoytyë ets ko jam yajpaatë ma ëyoopëja'ay yajnipaye'eyën yë'ë ëyoopëja'ay yajnitujkëtyëp ets yajtsum yajmatsëty.

Isaías 47:7

Ets m'ënany: Ëjts xëmë wintaj'ataanp yajkutujkpë'ataanp. Mijts ka'ap ojts nijënu'un xymyëmay xymyëtajy wi'ix mkukëxëja'anyën.

Eclesiastés 8:11

jä'ä ko mëët ko ojts jëtu'unyë nyayaj'ijxninaxy ja nyëë pyoky mëti'ipë ënäty të tuuntëkoyën ets ka'ap ënätyë yajtukumëtooy, yë naaxwiinyëtë ja'ay xëmë ëxëëk tuun'ëtë'ëtsa'any.

Salmos 94:20

Mijts ka'ap tjëkyepy mnäy'oyjyawëtëty mëët yë yajkutujkpë mëti'ipë ka'ap tii oy yajxon tnipaye'eyën, mëti'ipë aak tëkatsy winë tyuuntëpën ets ka'ap jyëtu'unëty tä ja ënä'ämën myinyën,

Lamentaciones 4:5

Mëti'ipë ku'uxyë të kyäy të y'uuktën, tyam yë'ë yuu'o'ktëp në'ëjoty tu'ujoty. Mëti'ipë të yaak të pyatën akujk jotkujk mëët yë wit meeny, pu'uxmjotypyën yajpatnëtë.

Ezequiel 23:42

Jëtu'un yajmëtoownë tä ja'ay xyëëwtunyën ko ya'axtë jyoktë; jä'ä xiktëp ëwë'ktëp ja ja'ayëty mëti'ipë ënäty jam të tsyoontën të'ëts'itjotm, mëti'ipë ja to'oxytyëjk y'oytyuuntëpën ko tpëjktakëtë ja oyëtypë ja kyë'ëjän ets ja kyujän.

Miqueas 6:12

Yë kumeenyjyä'äyëty mëti'ipë yajpatëpën ma ya'atë kajpnën aak tsyuu'ijxtëp yë myëku'uk ets je'eyë tyajmëtuntë ja'ay ka'ap tmëjuytyë; aak antaktëp ets aak win'ë'ëntëp ja'ayëty mëti'ipë yajpatëpën ma naax kajpnën.

Amós 3:9

Nimëtya'aktë ja aaw ayuk jam Asdod ets jam Egiptë ma kutujkëntëjkën: Mintë ma Samaria kopkën; min ixtë wi'ix y'ëtë'ëtstë y'ëna'antën ets wi'ix ja'ay y'ëyowtën tsipjoty.