Amós 5:8 - Biblia Mixe de Quetzaltepec

^8-9 Yë Wintsën yë'ë ojts tyajkojy yë mëtsa'a ma yajpaatyën yë Pléyades ets Orión, yë'ë näjyëtu'un yaj'awinpijtyp koots yë xëënyajtën ets xëënyajtën koots; mëti'ipë yaxtsoopyën yë nëë tuu ma mejyën ets tyajtu'uy tyajpojy naaxwiiny naaxkëjxy; mëti'ipë yajkutëkoopyën yë ënä'ämën kutujkën ets ëxëëk tuny yë naax kajpn mëti'ipë këwent'aty ijtpën. Wintsën xyëëwajtyp.

Biblia Dc en Mixe de Quetzaltepec

^8-9 Yë Wintsën yë'ë ojts tyajkojy yë mëtsa'a ma yajpaatyën yë Pléyades ets Orión, yë'ë näjyëtu'un yaj'awinpijtyp koots yë xëënyajtën ets xëënyajtën koots; mëti'ipë yaxtsoopyën yë nëë tuu ma mejyën ets tyajtu'uy tyajpojy naaxwiiny naaxkëjxy; mëti'ipë yajkutëkoopyën yë ënä'ämën kuttujkën ets ëxëëk tuny yë naax kajpn mëti'ipë këwent'aty ijtpën. Wintsën xyëëwajtyp.

Amós 5:8 ပူးပေါင်းရင်းမြစ်များ

Amós 4:13

Yë Wintsën mëti'ipë yajkojën yë tun kopk ets poj, mëti'ipë tyuknija'apën yë naaxwiinyëtë ja'ay tii tyunäämpyën, mëti'ipë yaj'awinpijtypyën yë kootspë të'kxën jajën, mëti'ipë y'aye'epyën yë itjot naaxjot këjxmëtypë naaxwiinyëtë apëtsëmy. Wintsën, Tios mëti'ipë maaytyääyëpën winë txëëwaty.

Job 9:9

Yë'ë ojts tyajkojy maymyëtsa'a mëti'ipë yajtijpën mëtsa'ayä'ämn, mëtsa'akë'ëk ets mëti'ipë këxë'kpën tä kuyjyaamën jam tsajpjotm; yë'ë ojts näjyëtu'un tyajkojy yë jaayxyëëw jam ëpa'tkë'ëmtsow.

Amós 9:6

Tëë yë Wintsën tpëjktä'äky yë tsyënaaytyakn jam tsajpkëjxm ets të t'oytyuny yë naaxwiinyëtë nyiwits nyijuux; myëkajpx yë nëë ma mejyën ets txijkxtë yë naaxwiinyëtë. Jä'ä txëëwaty Wintsën.

Amós 8:9

Ets Wintsën të y'ënä'äny: Jä'ä xëëw kujkyxyëëwës nëjkx nyajkootsë ets je'eyë ënäty yajxon xëëw të jyajtä'äky koos nyaj'awinpita'any yë naaxwiinyëtë koots.

Salmos 104:20

Mijts myajtsu'ujëp ets kyootsë, jää yë jëyujk pyëtsëëmta'atë jënu'un yuukjoty tsyëënëtën.

Salmos 105:28

Ojts yë Tios najtskäxë yë kootsajtën ets naaxwiinyëtë wyintujktaay, e yë Egiptë ja'ayëty ka'ap ojts tmëjpëjkta'aktë ja Tios ja y'aaw y'ayuk.

Job 12:22

Yë'ë yajniku'ëwatsyp ets yajnijawëty mëti'ipë ënäty yu'utsy ijtpën ets mayjyä'äy tnijawëty mëti'ipë ënäty yu'utsy myëët'ajtëpën.

Lucas 1:79

ets tkutë'kxa'any mëti'ipë tsënaaytyëpën jam akootstum ma o'ktaknën, jëtu'unts xytyu'umo'omyëty ets jotkujk nyajpatmëty.

Mateo 4:16

ja ja'ayëty mëti'ipë ënäty kupi'its kukoots yajpatëpën, tëë ja të'kxën t'ixtë; tëë ja të'kxën t'ixtë mëti'ipë ënäty juuky'ajtëpën tä jeexyë të y'o'knëtën.

Isaías 59:10

Jëtu'un njaakkuto'on njaakkumajtsëmë tä wiints kyuton kyumatsën potsywyiiny, tä jeexyë ka'ap nwiin'ajtëmën; kujkxyëëw n'anäjp n'atä'pxëmë tä jeexyë kyujky tsyu'umëtyën; oy mëk njayajpatëmë jëtu'un njajtëm nkëpäjtëm tä jeexyë n'ooka'anëmën.

Isaías 42:16

Yë wiintstëjk nyajnëjkxä'ämpyës ma tu'ujën ets ma patu'ujën mëti'ipë ka'ap të t'ixy'atën. Ja kootsajtën, të'kxën jajën nyaj'awinpita'anyës ma yë'ëjëtyën, ja'awjot käätsjot, nyaj'awinpita'anyës. Ya'atë jëtu'un kopkpëky ntunäämpyës.

Job 38:34

¿Mayëtëp xy'ënä'ämëty yë yoots ets myajnitukëtëty mëët yë komnëëjë?

Job 37:13

Tëkokyë mëti'ipë tuunëpën jajtëpën aakyë'ë Tios tyuunpy ets tëytyuna'any ja naaxwiinyëtë ëkë ets tsoka'any tjawëja'any.

Jeremias 16:21

Paatykyëjxm të ntuknipëjktaakës koos ja nmëk'ajtën nyaj'ixa'anyë; jëtu'un xynyijawëtëty ko ëjts jëtu'un Wintsënajtp.

Jeremias 33:2

Ëjts, mëti'ipë Wintsën'ajtpën, mëti'ipë yajkojën yë naaxwiinyëtë, mëti'ipë y'oytyuunën ets pyëjktakën ma tyam yajpaatyën, jëtu'un n'ënëëmë: