Amós 5:2 - Biblia Mixe de Quetzaltepec

² Ja Israel kajpn mëti'ipë ënäty oy tsujën ets wa'ats yajpatpën, o'ktëy të jyäty. Tëë jyëpijpkëtä'äky kyë'ëm naaxjoty ets ka'ap pën wyijtsë'ëkyë.

Biblia Dc en Mixe de Quetzaltepec

² Ja Israel kajpn mëti'ipë ënety oy tsujën ets wa'ats yajpatpën, o'ktëy të jyäty. Tëë jyëpijpkëtä'äky kyë'ëm naaxjoty ets ka'ap pën wyijtsë'ëkyë.

Amós 5:2 ပူးပေါင်းရင်းမြစ်များ

Jeremias 14:17

Jëtu'un xy'ënëëmëty ja naax kajpn: Wä'än tka'ay yë nwiinnëëjës xëëny koots janaam jatsojk, mëët ko ja ëyo'on jotmay ja nnaax nkajpnës tyukminyë, ko tsyëtyuta'any mëjwiin këjää.

Amós 9:11

Pyätyp ja xëëw jëmëjt ma ja David nkoj'oyëja'anyënës yë tyëjkxo'omy mëti'ipë ojts kyëtäyën. Nyaj'ëtujkta'ajäämpyës yë jut, nyajpëtë'kta'ajäämpyës yë potsy maajaty të jyutyën ets nkoj'o'oyëtya'aja'anyës mëti'ipëjaty të jyityën ets jëtu'un nyaj'awinpita'anyës tä ijty tëëyëpën ma ënäty jyotkujk'atyën,

Amós 8:14

Mëti'ipë ënäty të t'ëwtatën Samariëpë awinax, mëti'ipë ënantëpën: Juuky yë tios, juuky yë Dan, juuky yë Beerseba, nëjkxëp yuukëtaawta'atë ets ka'ap nëjkx y'ëkpëtë'knëtë.

Oseas 14:1

Israel, niwinpit yë mWintsën Tios, mijts mpoky ëxëëk të myajjatyë.

Oseas 6:2

Wäänë y'ita'any tääts xyajtso'oka'anëmë, xyajpëtë'ëka'anëmë ets nyajpatmëty ma yë'ëjën.

Lamentaciones 2:13

¿Pën mëët nëk ijxkijpxëty wi'ix mjaty mkëpetyën mijts Sión kajpn, oypyë mkëxë'ëkyën? Mëjwiin këjää të m'ëyo'onpaaty; ¿pën m'ëk yajjotkujk'atëtëp?

Jeremias 51:64

ets m'ëna'anëty: Jëtu'un ja Babilonyë kajpn nyikiintëkoyä'äny ets ka'ap nëjkx t'ëkjëkyäjpnë wi'ix pyëtsëmëty jap ëyo'ontujp jotmaytyujp mëti'ipë ja Wintsën tuknikäxanëpën. Yaapaat yë Jeremías yë y'aaw y'ayuk kyixy.

Jeremias 50:32

Naax kajpn mëti'ipë kujuunën, je'eyë mkunäpëja'any tääts mkëtawa'any, ni pën mkayajpëtë'ëka'anyë. No'kta'ajäämpyës yë mkajpn, tääpë jëën yë'ë yajkutëkooyäämpy tëkokyë mëti'ipë yajpatpën na'ëwtity ma mijtsën.

Jeremias 31:4

Tëë jatëkok nyaj'oyës ja mnaax mkajpn. Ets mminëty jatëkok akujk jotkujk mëët ja xuxn, ak ets äjtspë pujtpë.

Jeremias 18:13

Paaty yë Wintsën y'ënä'äny: Yajtëwtë wiinkëtypë naax kajpn pën tëë jëtu'unpë aaw ayuk mëkpë tmëtowtë. Yë Israel ja'ayëty mëj këjää të tyuuntëkoytyë.

Jeremias 4:20

Aakyë'ë yajmëtoop ëyo'on jotmay tyunyë jyätyë; xit ko'ow ja naax kajpn yajpaaty. Ajotkumonë të mya'ta'ay ja ijtakn ma ja ntsiptuunpëtëjkës y'itën, ja ijtakn mëti'ipë witnikojyën.

Jeremias 2:27

jä'ä ko yë'ëpaat yë kepy të t'ënëmaaynyëtë: Mijts nteety'äjtyp; yë'ëpaat yë tsaa të t'ënëmaaynyëtë: Mijts ntaak'ajtyp. E ëjts ni pën të xykyawinkutsë'ëkës, je'eyë të wya'akwinpitë koos të xy'ijxpaatë. E jääts ko muum ëyo'ontum të yajpaatë, jää pojën të y'ëna'antë: Nimiintëkës, yajtsoktëkës.

Isaías 43:17

ets tyajtso'ony jam Egiptë mayjyä'äy mëët yë maykyëwaay ets kyepy wintëkäämpë, Israel ja'ay yajkutëkoyantëp. Tääpë mayjyä'äy ojts y'o'kta'atë, nitu'uk ojts kyawë'ëmy; jëtu'un ojts jyatë tä jëën pyi'itsyën.

Isaías 37:22

Ya'atë jëtu'un aaw'ajtp ayuk'ajtp ma ojts ja Wintsën tnikäjpxy nimëtyä'äkyën wi'ix ja Asiria yajkutujkpë jyata'any kyëpäta'anyën: Yë Sión kajpn, jëtu'un yë'ë tä tu'uk yë to'oxy ëna'kën, je'eyë mtukxi'ikyë mijts Senaquerib. Je'eyë kyëpajk tyajyu'kxy tä jeexyë wyinma'any tyajjëtityën ko mijts mtso'onë ma jam të mjaja'tyën.

Isaías 24:20

Tä ëmu'ukyë ja'ayën, jëtu'un y'ëtëtsta'aka'any, tä mëëytyëjkën mëti'ipë nyixeny pejyën jëtu'un pyojyu'kxa'any. Yajxon ja nyëë pyoky jye'emty'ajnëtë, ka'ap t'ëkjëkyäjpnë wi'ix tmëpëtë'ëktëtyën.

Isaías 14:21

Nipëjktaakëtë ets xyaj'ooktëty ja y'u'unk y'ëna'këty ja ja'ay mëti'ipë ja tyeety tyaak të yajja'ay'ooktën, këtiipë y'ëkjää'ajtnëty mëti'ipë je'eyë myëmay myëtajëpën wi'ix ja naax kajpn o'ktëy tuntëty ets je'eyë xii yaa muum ja kajpn tyaj'ixta'aka'anëty.

Isaías 3:8

Mëtëy jëtu'un ko yë Jerusalén ja'ayëty o'ktëy tyam jyatë kyëpätë, ets Judá ja'ayëty taj xit yajpaatë mëëtkyëjxm ko të tmëtëkoytyë yë Tios ets ko të tyajjoot'anpëktë mëti'ipë ënä'ämp yajkutujkpën.

2 Reyes 17:16

Wa'ats tja'atyëkooytyääytyë ja Wintsën ja y'ënä'ämën tyiyajtën ets ojts tyajkojtë mäjtsk ja tsajpkaa aak pujxnëmpë; ojts tyajnikojtu'utë ja Aserá, ja mëtsa'a ets Baal.

2 Reyes 15:29

Ma ënäty ja Peka yajkutukyën jam Israel, ënäty jyä'äjty jam yë Tiglat-piléser, jampë yajkutukyën Asiria ets ojts tjä'äpëky Iión, Abel-bet-maacá, Janoa, Cedes, Hazor, Galaad, Galilea ets tëkokyë jënu'un ja Neftalí ja y'itjotmën ets ja ja'ayëty mëti'ipë ënäty jam tsënaaytyëpën aakjam ojts tsumy matsy nyëjkxta'atë Asiria.

Jeremias 8:4

Mijts Jeremías, tukmëtow ya'atë aaw ayuk yë naax kajpn maas mijts xykyutänën: Ko tu'uk yë ja'ay kyëtäy, pëtë'kp jatëkok; ko tu'uk yë ja'ay tyu'utëkoy, winpijtp jatëkok.

Jeremias 9:9

¿Ets ënät ka'ap ntëytyuntëtyësë? ¿Këtii ënät ntukukëpätëtyës yë nyëë pyokyëty ijxtëm të y'ëtë'ëtstënë? Ëjts Wintsën, ëjts ënaanp.

Jeremias 9:21

Tëë ja o'kën tëko'oyën jyä'ty ma njëën'ajt ntëjk'ajtëmën, tëë jam jyä'ty ma nkutujkëntëjk'ajtëmën; yaj'o'kpy ja u'unk ëna'k në'ëjoty tu'ujoty ets ja ëna'ktëjk jam kajpnjotm.