Amós 5:12 - Biblia Mixe de Quetzaltepec

¹² Ëjts nija'apës wi'ix mëj këjää të tyuuntëkoytyën ets wi'ix myäyëtyën ja nyëë pyokyëty: Yë'ëjëty, yaj'ëyoowtëp ets tyiytyuuntëp yë ja'ay ka'apë tii tuuntëkoyën; nyimeenypyëjktëp ko tii tuuntëkoytyë ets ko jam yajpaatë ma ëyoopëja'ay yajnipaye'eyën yë'ë ëyoopëja'ay yajnitujkëtyëp ets yajtsum yajmatsëty.

Biblia Dc en Mixe de Quetzaltepec

¹² Ëjts nija'apës wi'ix mëj këjää të tyuuntëkoytyën ets wi'ix myäyëtyën ja nyëë pyokyëty: Yë'ëjëty, yaj'ëyoowtëp ets tyiytyuuntëp yë ja'ay ka'apë tii tuuntëkoyën; nyimeenypyëjktëp ko tii tuuntëkoytyë ets ko jam yajpaatë ma ëyoopëja'ay yajnipaye'eyën yë'ë ëyoopëja'ay yajnitujkëtyëp ets yajtsum yajmatsëty.

Amós 5:12 ပူးပေါင်းရင်းမြစ်များ

Amós 5:10

Janty mon janty tuk miitsëty myajpaatë mëti'ipë y'ëxëëk ijxtëpën ko ti mëtëy yajnipaye'ey ets mëti'ipë y'ëxëëk ijxtëpën ko ja pokyjyä'äy tkumëtoy ja nyëë pyoky.

Isaías 1:23

Yë mkutujkpëtëjk je'eyë kyäjpxykyumëtoownaxtë, jä'ä pyutëjkëtyëp mëti'ipë yaja'ay o'ktëpën. Aak meeny je'eyë myëmaay myëtajtëp ets jëtu'un winë tuntë ets yi'iyë pyatijtëp ma tii jëtu'unyë namëyajtën tpaatëty. Ka'ap ja ku'ooky u'unk nipaye'eytyë, ka'ap tja'amyätstë mëti'ipë ja ku'ookpyë to'oxytyëjk patëpën.

Malaquías 3:5

Yë Wintsën mëti'ipë maaytyääyëpën winë jëtu'un y'ënä'äny: Minaanpës ets miitsëty nipaye'eya'antë. Näyjyëtu'un kë'ëm n'ixa'any nmëtowa'anyës wi'ix ënäty yajtuntën ja mëti'ipë najtsja'awëtëpën, mëti'ipë ka'ap twintsë'ëkën ja nyiye'etyëjk ëkë ja tyo'oxytyëjk; mëti'ipë nanëkoo ëëwpäjn kajpxpäjn wyäämpyën yë Tios yë xyëëw; mëti'ipë ka'ap tsow tmëjuyën yë tyuunpë, je'eyë mëk tyajtuny; mëti'ipë o'ktëy tyuunpyën ja ku'ookytyo'oxy ets ja ku'ooky u'unk; mëti'ipë yaj'ëyoopyën ja jaaypyaat jaaypyo'kxy ets mëti'ipë ka'ap wyinkutsë'ëkën.

1 Samuel 8:3

E tääpë ëna'këty ka'ap ojts oy winë tuntë tä ja tyeetyën, je'eyë ijty tsoktë ja wit meeny, ko pën tii tuuntëkoy ja meeny y'ëxajëkyojtëp tääts ka'ap tii winë oy tnipaye'eytyë.

Santiago 5:6

Tëë miits mtëytyun mtsaatsytyuntë ets tëë xyaj'ooktë ja yujypyë tëtä'äkpyë mëti'ipë ka'ap nyäkyuwa'anyën.

Santiago 5:4

Ja mtuunpëtëjk mëti'ipë ka'ap të xymyëjuytyën, mëti'ipë të tyajpëtë'ëktën ja mpëjktä'äkyëty, yë'ë jëëytyak nu'kxtaktëp ets miitsëty ëxëëk mjatëty mkëpätëty; e tëë ja Wintsën mëti'ipë maaytyääyëpën winë tmëtoy ko jyiiytya'ak nyu'kxta'aktë.

Hechos 7:52

Ja m'aptëjkëty ojts tpajëtijta'aktë ja Tios ja kyäjpxynyajxpë ets tyaj'o'ktë mëti'ipë nyikajpxtën ko myina'any mëti'ipë ka'ap pyokymyëëtëtyën. Ko të myiny, miits të xyaj'ooktë.

Miqueas 7:3

Yi'iyë yaj'ijxpëjktëp wi'ix ëxëëkpë tuntëtyën, yë wintsëntëjkëty mëk tpatëkëtë kyuma'ayënëty, yë yajkutujkpëtëjk pojën yajtukwin'ëëntë meeny, yë ja'ayëty mëti'ipë mëk'ajtën kutujkën myëët'ajtëpën jëtu'un y'ëtë'ëtstë y'ëna'antë tä tyimjot tyimwinma'anyëtyën ets ka'ap ja naax kajpn tyajjotkujk'atë.

Miqueas 3:11

Ja wintsëntëjkëty mëti'ipë winë jeexyë oy pyaye'eytyëpën y'ëxajëtëp yë meeny ets ka'ap tii oy tpaye'eytyë; yë teetytyëjkëty yi'iyë ja'ay tyuk'ijxpëjktëp wi'ix tyaktëtyën ja wit meeny may'äämpy ets käjpxynyajxpëtëjkëty tyo'knëtëp ja y'aaw y'ayukëty ko nyätyijyë winë t'akajpxtë, jä'ä ko y'ëna'antë ko yë'ë Tios mooyëtëp yë winma'any ets yë'ë të myëkajpxëtë, jä'ä myäytyë tyajtë: Yë Tios yë'ë yajpatp mëët ëëtsajtëm; tii xynyajajtmëp.

Amós 2:16

Jä'ä xëëw ja tsiptuunpë ja'ay mëti'ipë jotmukën pojën ja tyi'pxn ets ja kyu'umën tnajtsjëpipëja'any ets kyä'äka'any. Yë Wintsën jëtu'un ënaanp.

Lamentaciones 3:34

Ko yë tsumjyä'äytyëjk ka'ap yajpa'ëyoy mëti'ipë tsumy matsy ijtëpën ma naax kajpnëtyën,

Jeremias 29:23

Jëtu'un nëjkx mjatë mkëpätë ko ënäty ëxëëk winë të xytyuntë jam Israel: ko ojts ka'ap ja mto'oxytyëjk xywyintsë'ëkëtë ets xymyëët'ajnëtë ja mjëëky mmëku'uk ja tyo'oxytyëjkëty ets ojts winë xynyikajpxtë ëjts nxëëwkyëjxmës ka'apë myëtëyëtyën mëti'ipë ënäty ka'ap të ntuk'ënä'ämtën. Ëjts nija'apës yë'ë yajxon ko jëtu'un m'ëtëtstë m'ënantë. Ëjts Wintsën, ëjts ënaanp.

Isaías 47:9

Mäjtsk ja ëyo'on jotmay mëti'ipë mniminanëpën, ets tu'kxëëyë tyuna'any jyata'anyë: Ku'ooky mwë'ëma'any ets u'unktuk, oy mjatuny mjaakäjpxy ets oy jënu'un yu'utsykyäjpxy xyjyanijawë ets xyjyatukjaty.

Isaías 33:15

Mëti'ipë ja'ay mëtëy tii tyuunpyën, nän mëtëy winë tkäjpxy tmëtyä'äky; mëti'ipë ja'ay ka'ap jyiiky myëku'uk tëytyunyën ets mëti'ipë ka'ap tkupëkyën ja näynyamo'ojë mëti'ipë yajktëpën ja ja'ayëty, ka'apë y'oy'atën ja jyot wyinma'anyëty; mëti'ipë ka'ap tmëtowa'anyën ko pën tnikäjpxy tnimëtyä'äky ja yajja'ay'o'kën, ets tim winpi'tsp këtiipë t'ixëty ja ëxëëktu'un ëxëëk kajpxën.

Isaías 29:21

mëti'ipë wiink ja'ay tyuknipëjktëpën ko yajja'ay'ooktë, mëti'ipë myeenymyooytyëpën ja yajkutujkpë ets wa'ats ja'ay nyäyajnaxëtë ets yajtëytyuny ja mëti'ipë ka'ap tii poky tmëëtëtyën.

Isaías 10:2

ma ka'ap xypyutëkëtën ja mëti'ipë ëmaay amutsk yajpatpën, ets ka'ap xy'ijxpaatë ja ëyoopëja'aytyëjk, mëti'ipë yajpatëpën maas nnaax nkajpnën, ma ni'ikyë ja ku'ookpyë to'oxytyëjk mëk xytyuunkmo'otën ets ni'ikyë xymyäätstë ja ku'ooky u'unk.

Isaías 5:23

Mnimeenypyëjktëp ets ja ëxëëk ja'ay ka'ap pyokytyëkëty, ets ka'ap xypyaye'eytyë ja wa'ats ja'ay ijxtëm pyäätyën.

Proverbios 22:22

Këtii yë ëyoopëja'ay o'ktëy xytyunëty mëët yë'ë ko y'ëyoy jyotëkoy, ets ni yë'ë ëxëëk xykyatun xykya'ënëëmëty mëti'ipë ka'ap tjëkyepyën nyäkyuwa'anëtëty,

Job 31:21

Ka'apës nijëna'a yë ku'ooky u'unk të n'ëtsu'ux yä'äxy, mëët yë'ë koos mëj'äämpy n'ity ma kutuunktëjkën.

Rut 4:1

Ënät ojts ja Booz nyijkxy ma ja naax kajpn yajnitëkën, jam ijty ja ja'ay tyu'ukmuktë. E jamts ënäty pyo'kxy pyiky ko ajotkumonë t'ijxpaty nyäxy ja ja'ay mëti'ipë ja Rut winkon myëku'uk'ajtypyën. Tä ja Booz ojts tmëkäjpxy ets t'ënëmaay: Mëku'uk. Min mpo'kxy. Tääts myiiny ja myëku'uk ets nyaaxwe'tsy.

Deuteronomio 31:21

E ma ënäty ja ëyo'on jotmay tyukëtakënëtë ets o'ktëy jyajnëtë kyëpäjnëtë, ya'atë ëy yë'ë nëjkx t'ëwtë ets tyukja'amyätsëtëty ja nyëë pyokyëty, ja y'u'unk y'okëty nëjkxëp ja tja'amyätstë ets nëjkx t'ëwtë. Jä'ä ko ka'anëm ënäty jam nyajja'tënëm, ma ja naax kajpnën mëti'ipës të ntukwinwanëtën. Ëjts wa'atsës nijawë maa ja wyinma'any tyaj'itën.

Deuteronomio 16:18

Nikajpxpätë yë ja'ayëty mëti'ipë kutuunk'atëpën ma ja naax kajpnën mëti'ipë yë Wintsën mo'ojanëtëpën ets yë'ë myëku'uk tnikopk'atëty ets tnipaye'eytyëty yajxon ja jyiiky myëku'uk ja nyëë pyokyëty ets ja y'amay jyotmayëty.

Salmos 127:5

Janty jotkujk yë ja'ay yajpaaty mëti'ipë nikanaak myëët'ajtypyën yë y'u'unk y'ëna'k. Ka'ap tsëtyu'unmëët wyë'ëmëty ma ja myëtsiptëjkën ko nyäkyukajpxëtëty ma nipaye'epyëtëjkëtyën.

Proverbios 17:8

Ja'ay mëti'ipë nyimeenypyijkpyën ka'apë myëtëyëtyën, jëtu'un nyäjyawëty nëkooyë yowë tii tpatnë t'ijxnë ajotkumonë ets nëkooyë yowë jyuukyajtën y'o'oyënë.

Ezequiel 13:22

Miitsëty, tëë xy'ëtsë'ëkëtë yë oyjyä'äytyëjkëty, mëti'ipës ënäty ëjts ka'ap ntuna'anyën, ni'ikyë të xyjyotmëkmo'otë yë ëxëëkja'aytyëjk ets ëxëëkpë tuntëty ets jëtu'un ka'ap yë juukyajtën nmo'otëtyës.

Oseas 5:3

Ëjts n'ixy'äjtypyës ets nija'apës yë Efraín. Yë Efraín jëtu'un ka'ap yë Tios të twintsë'ëkë tä tu'uk yë to'oxytyëjkën ka'apë twintsë'ëkën yë nyiye'etyëjk; Yë Israel tëë nyäyaj'ëxëëktëkëty.

Amós 2:3

Njëpëkäämpyës yë yajkutujkpë ma nyaax kyajpnën; etsës nyaj'ooka'any mëët tu'kë'ëyë tyuunpëtëtëjk wyintsëntëjk. Yë Wintsën jëtu'un ënaanp.

Amós 5:7

Janty mon janty tuk yë ja'ay yajpaatë mëti'ipë je'eyë y'ate'empy tyukte'empyën yë tëyajtën.

Amós 8:4

Mëtoow'itë ya'atë aaw ayuk, miitsëty mëti'ipë myaj'ëyoowtëpën ets mtëytyuuntëpën yë ëyoopëja'aytyëjk ets o'ktëy xytyuntë xy'ënëëmëtë ja'ay mëti'ipë yu'unk naxym ja'ay'ajtëpën ma naax kajpnën;

Éxodo 23:3

Këtii xytyimmëpëjkta'ajëty ja y'aaw y'ayuk ja ëyoopëja'ay.

Éxodo 23:6

Këtii m'ënaanpëty ko ja ëyoopëja'ay ka'ap xynyipaye'eyä'äny mëti'ipë paat'ajtëpën.

Job 20:19

Ojts nanëkookyëjxm tyajmëtuny tyaj'ëyoy yë ëyoopëja'ay; ojts tjä'äniwa'any ja jëën tëjk mëti'ipë ënäty ka'ap yë'ë të tkojyën.