Amós 5:11 - Biblia Mixe de Quetzaltepec

¹¹ Tyam m'atä'än mtuktä'äntëp ja ëyoopëja'ay ets mtuk'ajuuytyujktëp ko jyi'kxy pyiky tpaaty; ko tpaatëty yë xëëw jëmëjt ka'ap nëjkx xytyuktsëënëtë yë mtsaatëjkëty mëti'ipë të xykyojtën ets nen ka'ap nëjkx xy'uuktë yë tsatym nyëë mëti'ipë të xynyiyu'ujëtën.

Biblia Dc en Mixe de Quetzaltepec

¹¹ Tyam m'atä'än mtuktä'äntëp ja ëyoopëja'ay ets mtuk'ajuuytyujktëp ko jyi'kxy pyiky tpaaty; ko tpaatëty yë xëëw jëmëjt ka'ap nëjkx xytyuktsëënëtë yë mtsaatëjkëty mëti'ipë të xykyojtën ets nen ka'ap nëjkx xy'uuktë yë tsatym nyëë mëti'ipë të xynyiyu'ujëtën.

Amós 5:11 ပူးပေါင်းရင်းမြစ်များ

Sofonías 1:13

Paaty yë'ëjëty wa'ats yajmä'tsta'aja'antë ma tyaj'itën yu'utsy kë'ëy yë wyit myeenyëty, yë jyëën tyëjkëty nëjkxëp kyutëkooytya'atë. Oy nëjkx jyatëjkkojtë, ka'ap nëjkx yë'ë tuktsëënëtë; oy nëjkx ja tsatsym kam tjanipëjktaakëtë, ka'ap nëjkx yë tsatym nyëë t'uuktë.

Miqueas 6:15

Mjani'ip mjakojëp, je'eyëp ko ka'ap nëjkx ja pëjktä'äky xyajpëtë'ëky; mjanijëtsëp yë aceitunas, je'eyëp ko ka'ap nëjkx yë y'on xyajtuunë; mjawintäänëp yë tsatsym, je'eyëp ko ka'ap nëjkx xy'ukë yë nyëë.

Deuteronomio 28:30

Nëjkxëp xyjyanijämyëët'aty yë to'oxytyëjk, e wiink ja'ay nëjkx myëët'atyë. Nëjkxëp ja mjëën mtëjk xyjyakojy, e yë'ë ka'ap nëjkx xytyuktsëënë, mjanipëjktaakëp ja mtsatym kyam, ka'ap nëjkx xyjyi'kxy. Jä'ä ko wiink ja'ay nëjkx tjë'kxta'ay.

Santiago 2:6

miitsëty jëtu'un ja'ay mtimy'ixëtë ka'ap yowë nitii xykyëjxm'atë. ¿Këtii yë'ëjëty kumeenyjyä'äytyëjk je'eyë mëk myajtunëtë ets ka'ap kä'pxy mëjuyëtë, ni'ikyënëm mwitsëtë mjëtutëtë ets mni'ëën mnipëjktsowëtë?

Hageo 1:6

Miitsëty may mni'iptë ets wäänë mpëjktä'äky xyajpëtë'ëktë; mjakaaytyëp ets ka'ap mku'uxëtë; mjänëë'uktëp ets ka'ap mtëëtsë myontë; mjanämyu'uxëtëp ets je'eyëm mtëpooktë; mëti'ipë mëtuunpën ka'ap ja myëju'uny tyajnipety.

Miqueas 2:2

Y'atsojktëp yë naax kam ets jyä'äpëjktëp; y'atsojktëp ets mya'tstëp yë jëën tëjk. O'ktëy tuntë yë jyiiky myëku'uk mëët yë y'u'unk y'ëna'k, mëti'ipë ja naax kam jyä'ä'ajtypyën ets mëti'ipë të yajtukumayën.

Amós 3:15

Nyajkutëkooyäämpyës yë jëën tëjk xëkopkjotypë ets potmjotypë tyunyën, nyajkukëxëjäämpyës yë jëën tëjk mëti'ipë mëët y'oytyunyëtyën yë elefantë jëjp pajk ets nyajtukjijtëtya'aja'anyës tëkokyë yë kutujkëntëjk. Yë Wintsën jëtu'un ënaanp.

Isaías 16:10

Ja xoontakën ets ja xikën ëwë'kën jam jyëjpkëxa'any kamjotm tu'ujotm; ka'ap ja jotkujk'ajtën y'ëkyajpaatanë kamjotm tu'ujotm tä të y'ityën, ka'ap ja tsatym y'ëkyajpëkanë tä të pya'tkë'p'atyën. Ja yaxën jojkën nëjkxëp jyëjpkëjxnë.

Ezequiel 26:12

Meenytyuk nyajwë'ëma'any, yajmä'tsta'ajaanp yë mjuy mtooky, yajijtë'kaanp yë mpotsy ets nyaaxmëjijtëtya'aja'any yë mkutujkëntëjk oypyë kyojyëtyën; nyëëkuko'owta'ajantëp ja tsaa ets ja kepy yë'ëpaat yë naaxmaj ets tsaapu'u.

Amós 2:6

Jëtu'un yë Wintsën y'ënä'äny: Yë Israel ja'ayëty mëj këjää yë nëë poky të tuuntëkoytyë ets ka'apës jëtu'unyë nyajninaxa'any; jä'ä ko yë'ëjëty nyito'ktëp yë ja'ay ka'apë tii tuuntëkoyën ets mäjtsktä'änkën je'eyë kë'ëk yajtukwin'ëëntë këtiipë tnipaye'eytyëty ja oyoopë ja'ay.

Amós 3:9

Nimëtya'aktë ja aaw ayuk jam Asdod ets jam Egiptë ma kutujkëntëjkën: Mintë ma Samaria kopkën; min ixtë wi'ix y'ëtë'ëtstë y'ëna'antën ets wi'ix ja'ay y'ëyowtën tsipjoty.

Amós 4:1

Mëtoow'itë ya'atë aaw ayuk miitsëty Samariapë to'oxytyëjkëty, Basán kajpnëpë tsyëënëtën, jëtu'unpë jyuuky'atën tsajpkaato'oxyën, mëti'ipë yaj'ëyoowtëpën tyiytyuuntëpën yë ëyoopëja'ay ets mëti'ipë ëxëëk tyuuntëpën mëti'ipë winë yajmëyajtëpën, mëti'ipë y'ënä'ämtëpën yë nyiye'etyëjktëjkëty ets myëmi'inxëtëty yë tsatym nyëë tëëpë nyimaanaxyën.

Amós 6:11

Jä'ä ko ja Tios kyäxäämpy ja nätyiytyunë ma ja jëën tëjkën mëjatyëtypë ets mutskjatyëtypë ets nëjkx jyajta'ay axit ako'owë.

Amós 6:12

¿Wä'än jëtää yë kwaay tsaakëjxy ye'eytyëtyë? ¿Wä'än jëtää yë tsajpkaa nyajyu'umëty nëëjotyë? Miitsëty, të xyaj'awinpitë ja oypyë ja nipaye'eyën tä xëwätën ets ta'amëm të jya'awëkyëtä'äky ma tëkatsy winë të xypyaye'eytyën.

Amós 8:4

Mëtoow'itë ya'atë aaw ayuk, miitsëty mëti'ipë myaj'ëyoowtëpën ets mtëytyuuntëpën yë ëyoopëja'aytyëjk ets o'ktëy xytyuntë xy'ënëëmëtë ja'ay mëti'ipë yu'unk naxym ja'ay'ajtëpën ma naax kajpnën;

Miqueas 1:6

Paaty yë Wintsën y'ënä'äny: Kujy jityës yë jëën tëjk nyaj'awinpita'any jam Samaria ets tä yë kam tu'ujën winwa'atspë ma yajkojëtyën yë tsatym. Jamës yë tsaa nko'owtëwa'any joyjotm mëti'ipë jamën kajpnjotm ets yaj'ixëty wi'ix kyëxë'ëkyën ja potsy ëjx.

Malaquías 1:4

Ko yë Edom ja'ayëty, yë Esaú y'u'unk y'ok, jeexyë y'ëna'antë: Tëë yë nkajpn'ajtëm kyutëkoy, e oy n'akojëmëty, yë Wintsën mëti'ipë maaytyääyëpën winë jëtu'un y'ëtsowa'any: Oy t'akojëtëty, je'eyëp ko nyajma'atäämpyës jatëkok. Yë nyaax kyajpnëty jä'ä nëjkx yajtijy ëxëëk kajpn ets Naax kajpn mëti'ipë xëmë yë Wintsën yajjoot'anpëktëpën.

Levitico 26:16

Ëjts wiinkës jëtu'un njawëja'any, nëjkxëp ntukjoot'anpëktë. Nëjkxëp ntuknikäxtë mëti'ipë atsë'ëk ajawën, pa'am ëyo'on mëti'ipë yaj'o'kp yajtëkoopyën, tä yë mëkjëënpa'amën, wiinpa'amën ets ma ni'kx kopk pyiky y'atonyën. Oy mjani'ip mjaakkojtëty, yë mëtsiptëjkëty yë'ë nëjkx tjë'kxtë tpëktë ja mpëjktä'äkyëty.

Job 20:19

Ojts nanëkookyëjxm tyajmëtuny tyaj'ëyoy yë ëyoopëja'ay; ojts tjä'äniwa'any ja jëën tëjk mëti'ipë ënäty ka'ap yë'ë të tkojyën.

Ezequiel 34:21

Miitsëty mnajtstij mnajtskojtëtyëp ja mëti'ipë ëmaay paki'ixën, mwaj të xytyuknipëtë'ëktë ets të xyajkä'äktë.

Oseas 9:2

Yë Israel kajpn ka'ap tmëët'ata'any yë tsyajpmok ets y'uvë nëë tëëpë nyimaanaxyën; yë jyemy tsatym nyëë ka'ap myëta'akëty.

Amós 2:7

Tyiytyuuntëp ets ka'ap tmëj'ixtë yë ëyoopëja'aytyëjk, ko jya''amëtoyë ja ëyoopëja'ay ets jeexyë tpaye'ey, ka'ap tpaye'ey. Yë u'unkteety ets myaank tu'ukyë ja to'oxytyëjk tukmujknëtë ets tmëët tsëënëtë, tyajnipäxëtëkëtë jëtu'un ja nxëëwës.

Amós 9:14

Ënätës nyajmina'any ja nnaax nkajpnës mëti'ipë ënäty të yajpaatyën tsumy matsy wiink naax wiink kajpn. Ets nëjkx tkoj'o'oyëtya'atë ja kajpn mëti'ipëjaty të jyityën ets jam jyuuky'atëty; nëjkxëp yë tsatym tniyu'ujëtë ets nëjkx t'uuktë yë tsatym nyëë; nëjkxëp tkojtë tpäntë yë y'ääy y'ujtsëty ets y'ääy kyepyëty mëti'ipë jyë'kxtëp pyëktëpën.