Amós 4:13 - Biblia Mixe de Quetzaltepec

¹³ Yë Wintsën mëti'ipë yajkojën yë tun kopk ets poj, mëti'ipë tyuknija'apën yë naaxwiinyëtë ja'ay tii tyunäämpyën, mëti'ipë yaj'awinpijtypyën yë kootspë të'kxën jajën, mëti'ipë y'aye'epyën yë itjot naaxjot këjxmëtypë naaxwiinyëtë apëtsëmy. Wintsën, Tios mëti'ipë maaytyääyëpën winë txëëwaty.

Biblia Dc en Mixe de Quetzaltepec

¹³ Yë Wintsën mëti'ipë yajkojën yë tun kopk ets poj, mëti'ipë tyuknija'apën yë naaxwiinyëtë ja'ay tii tyunäämpyën, mëti'ipë yaj'awinpijtypyën yë kootspë të'kxën jajën, mëti'ipë y'aye'epyën yë itjot naaxjot këjxmëtypë naaxwiinyëtë apëtsëmy. Wintsën, Dios mëti'ipë maaytyääyëpën winë txëëwaty.

Amós 4:13 ပူးပေါင်းရင်းမြစ်များ

Amós 5:8

Yë Wintsën yë'ë ojts tyajkojy yë mëtsa'a ma yajpaatyën yë Pléyades ets Orión, yë'ë näjyëtu'un yaj'awinpijtyp koots yë xëënyajtën ets xëënyajtën koots; mëti'ipë yaxtsoopyën yë nëë tuu ma mejyën ets tyajtu'uy tyajpojy naaxwiiny naaxkëjxy; mëti'ipë yajkutëkoopyën yë ënä'ämën kutujkën ets ëxëëk tuny yë naax kajpn mëti'ipë këwent'aty ijtpën. Wintsën xyëëwajtyp.

Miqueas 1:3

Tsoonaanp yë Wintsën jam ma y'ityën ets ye'epy myina'any jam tunkëjxm kopkkëjxm.

Amós 9:6

Tëë yë Wintsën tpëjktä'äky yë tsyënaaytyakn jam tsajpkëjxm ets të t'oytyuny yë naaxwiinyëtë nyiwits nyijuux; myëkajpx yë nëë ma mejyën ets txijkxtë yë naaxwiinyëtë. Jä'ä txëëwaty Wintsën.

Isaías 47:4

Mëti'ipë ëëts xyaj'ëwaatsëpëtsëëmpën ja Wintsën, wa'atspë yajpaatyën jam Israel, mëti'ipë xyëëwajtypyën Wintsën, mëti'ipë maaytyääyëpën winë, jëtu'un y'ënä'äny:

Daniel 2:28

Tu'uk jää je'eyë Tios mëti'ipë tsajpjotm yajpatpën mëti'ipë nyikajpxtääpyën tiijaty yu'utsy'ijtpën ets yë'ë të tuknijawë yë yajkutujkpë tii tunan jatanëpën. Tyamës yë yajkutujkpë ntukmëmëtya'akëty mëti'ipë të twinkuma'ayën ets mëti'ipë të twin'ixyën ko ënäty jam myä'äy.

Jeremias 13:16

Yë'ë Wintsën mëjjaw kënu'kxyjyawë maanëm ka'ap tyajminyën ja kootsajtën ets ka'anëm mkunäpëtë akootstuuy jam kopkkëjxm; maanëm ka'ap kootspuknë tyaj'awinpityëm ets tu'ts kujenyën ja jajën të'kxën tyajjaty mëti'ipë miitsëty mjëjp'ijxtëpën.

Salmos 65:6

mijts jëtu'un myaj'oy'ijtyp yë tun kopk mëët ja mjot mmëjaaw ets ja mmëkajtën.

Deuteronomio 33:29

Janty jotkujk ets xoontä'äky myajpaatëty mijts Israel ja'ay. ¿Pën nëjkx m'ëk mëëpaatyë tä ënäty myajpaatyën? Yë Wintsën yë'ë kë'ëm të myajtso'okyë, ets yë'ë të mkuwa'anyë, yë'ë xëmë të mputëkëty oy jëna'a ja putëjkën të xyajmëyäty. Yë Wintsën yë'ë mëët'ajtyp tä tu'uk yë yenypyujxnën mëti'ipë myajmëtakëpën xëmë. Ko xëëw po'o tpaatëty, yë ja'ayëty mëti'ipë mëtsip'ajtëtëpën nëjkxëp kyoxtänëtë mijts mwintuuy ets nëjkx xyaj'atëkoy ma ënäty amëj akëjxm jyä'äy'atën.

Zacarías 12:1

Ya'atë aaw ayuk yë'ë yë Wintsën tyuknikäjx yë Israel kajpn. Yë Wintsën mëti'ipë të twijtstëyën yë tsajp ets të tpëjktä'äky ma naaxwiinyëtë kyëxwäätsëtyën ets tjuukyajtënmo'oy yë ja'ay, yë'ë ënaanp:

Amós 8:9

Ets Wintsën të y'ënä'äny: Jä'ä xëëw kujkyxyëëwës nëjkx nyajkootsë ets je'eyë ënäty yajxon xëëw të jyajtä'äky koos nyaj'awinpita'any yë naaxwiinyëtë koots.

Jeremias 51:19

Tëkatsy ni'ik yë Jacob yë Tyios, mëti'ipë yajkojtaayën tëkokyë winë. Yë'ë wyin'ijx yë Israel kajpn ets yë'ë tjä'äpëjky. Jä'ä txëëwaty Wintsën mëti'ipë maaytyääyëpën winë.

Jeremias 10:16

Yë Tios mëti'ipë Jacob Tyios'ajtypyën tëkatsy yë'ë, yë'ë yajkoj winë. Ojts twin'ixy yë Israel ko yë'ë tkajpn'ata'any. Jä'ä txëëwaty Wintsën mëti'ipë maaytyääyëpën winë.

Isaías 40:12

¿Pën jëtää yë mëjmejy të t'ëk'atsa'tëpë, ëkë yë kyë'ëwa'axy mëët të t'ëkkijpxpë yë tsajp? ¿Pën jëtää yë naaxway të t'ëk akijpxnajxpë jënu'un jye'emtyëtyën, ëkë të t'ëk kijpxtääpyë jënu'un jye'emtyëtyën yë tun kopk?

Deuteronomio 32:13

Yë'ë ojts xëmë yajmëta'akëtë oymyaajëty, tyimjajtë jam jëtu'un kopkkëjxm, ko jam jyajtë ojts tyukjë'kxëtë ja aaytyëëm ujtstëëm jampë yajpaatyën kamjotm tu'ujotm, ojts tyukjë'kxëtyë ja uuxpa'ak, mëti'ipë ojts tsaajoty tpaatën, ets ja on mëti'ipë tsaakëjxm yoonë'kpën.

Éxodo 14:20

Ja yoots itkujky ojts nyäpyëjktä'äkyë ma ja Israel ja'ayëtyën mëët ja Egiptë ja'ayëty. Ja Egiptë ja'ayëty je'eyë ënäty ja yoots t'ixtë janty yëkëm, e jam ma ja Israel ja'ayëtyën të'kxp jajp jam kyëxë'ëky. Paatykyëjxm ja Egiptë ja'ayëty ka'ap tjëkyäjptë tnajtspaatëtëty ja Israel ja'ayëty, jëtu'un nyäjxy ja tsu'um.

Éxodo 10:22

Ënät ja Moisés ojts ja kyë'ë tjanty xyajjë'ëky, ko jëtu'un txajë'ky ënät kyootsëtyëkooy jap Egiptë.

Juan 3:8

Yë poj, pojp oymyaajëty, ets oy jyayajmëtoy ko y'amu'uy; ka'ap yajnijawë maa tsyoony ets maa nyijkx; näjyëtu'un yë'ëjëty mëti'ipë mëxu'unk'ajtëpën jatëkok ka'ap yaj'ixtë.

Habacuc 3:19

Jä'ä ko yë Wintsën yë'ëjës xyjyotmëkmoopy; jëtu'unës yë nteky tyajyu'unkë tä yë jëtyu'ujën mëti'ipë pe'tym ye'epyën ets jam xyajnëjkxyës maas ka'ap tii xyjyatëtyën.

Amós 6:8

Yë Wintsën, Tios mëti'ipë maaytyääyëpën winë tëë kë'ëm ja xyëëw tukkajpxpety ets të y'ënä'äny: Ëxëëkës n'ixy yë Jacob yë nyaax kyajpn ko je'eyë nyämyëjaw nyäjyääntyjyawëty; ëxëëkës n'ijxë yë y'akujktëjk kyutujkëntëjk; yë myëtsip yam ntukë'ëtëkëjäämpyës yë naax kajpn mëët tëkokyë mëti'ipë myëët'ajtypyën.

Amós 5:27

Paatykyëjxm n'ëxwojpta'aja'antë, tsumy matsy nyajnëjkxta'aja'antë wiink naax wiink kajpn, mwinaxtëp yë Damasco kajpn. Yë Wintsën jëtu'un ënaanp, yë Tios mëti'ipë maaytyääyëpën winë ets jëtu'un txëëwaty.

Amós 3:13

Yë Wintsën, yë Tios mëti'ipë maaytyääyëpën winë, jëtu'un y'ënä'äny: Mëtoow'itë ets xynyijawëtëty wi'ix yë Jacob yë nyaax kyajpn jyata'anyën,

Jeremias 51:16

Ko tyajtu'uja'any, ënääw jëyëjp nyikäjpxyp, jëkämpaat muum tyajtsoony yë yoots nëma'a ma naaxwiinyëtë jëjpën. Yajtë'kxyp yajjäjpy yë jyëtsuk oy jënu'un kyomtu'uy ets tyajpëtsëmy yë pyoj ma tyaj'ityën pëjkë'ëky.

Jeremias 10:13

Mëët yë ënääw tyaj'ëtëtsy tyaj'ënany yë nëë tuu jam tsajpwinm, jam ma naaxwiinyëtë jyëjpkëxyën jam tyajtsoony yë yoots nëma'a ets tyajpa'tëkë tsajpkëjxm ets mëkpoj tyajpëtsëmy, jëtu'un tä jeexyë muum pëjkë'ëky tyaj'ityën.

Isaías 48:2

Mëti'ipë nätyijëtëpën kënu'kxykyajpn, ets jam nyäkyuwanëtë ma Tiosën, mëti'ipë Israel ja'ay Tyios'ajtëpën, ja Wintsën mëti'ipë maaytyääyëpën winë.

Isaías 5:30

Tääpë kajpn, ko ënäty xëëw jëmëjt tpaaty, jëtu'un nëjkx yajmëtoy tä mëjmejyën ko ënäty tukja'ty yë Israel kajpn; kootsëm nëjkx yë naaxwiinyëtë jyäty ets wa'ats nëjkx pyi'tsta'ay yë të'kxpë jajpë.

Salmos 147:18

E ko yë y'ayuk tkexy, tääts jëtu'unyë jyiiywya'kxta'ay; e ko ënät tyajpojy, tääts yë nëë tyajpëyi'iky.

Salmos 139:2

Wa'ats xynyijawë tiijës ntuunpy nkäjpxypën, ets jëkämpaat xynyijawë wi'ixës nmay ntajyën.

Salmos 135:7

Yë'ë yajpëtë'kpy muum jëkäm yë yoots nëëma'a ma naaxwiinyëtë jyëjpkëxyën; yë'ë näjyëtu'un yaj'ëtëtsyp yaj'ënäämpy yë ënääw wëtsuk ko tyu'uja'any pyoja'any ets jap ma pëjkë'ëky tyaj'ityën yë poj jap tyajpëtsëmy ets ënät tyajpojy.

Juan 2:25

Ka'ap tuk'ëwaanë tsoky, wi'ixjaty ja ja'ay jyä'äy'atën, wa'ats nijawë wi'ix ja y'aaw jyotëtyën.

Mateo 9:4

Nyija'awëy ja Jesús wi'ix ënäty myäytyë tyajtën. Tääts yajtëëwëtë: ¿Tii ko ëxëëk winma'any xymyëët'atë?

Daniel 2:30

Ëjts tëëjës näjyëtu'un nyajtuknijawë ya'atë winma'any mëti'ipë miimp këtakpën, ka'ap yë'ëjëty koos ni'ikës nwijyëty këtiinëm ja wiinkëtypë ja ja'ay, yë'ëkyëjxmës të nyajtuknijawë etsës ntukmëmëtya'akëty yë yajkutujkpë wyinkuma'ay wi'ix nyiwijyën ets tnijawëty tja'akyukëty wi'ix ja jyot wyinma'any y'ënä'änyën.

Joel 2:2

jä'ä xëëw ma tsu'um ets koots y'ita'anyën, ma wintuky winjaam y'ita'anyën.

Job 9:7

Yë'ë y'ëne'empy yë xëëw këtiipë oy jëna'a pyëtsëmëty ets mëtsa'a këtiipë tyë'kxëty.

Isaías 45:7

Ëjts nyajtë'kxyp nyajjäjpy ets ëjts nyajkoots'ajtyp, nyaj'oy'ijtypyës winë ets nyaj'ëyo'onpatypyës tii. Ëjts, maas nWintsën'atyën, ntuuntääpyës oy tyimtiijëty.

Jeremias 46:18

Ëjts mëti'ipë yajkutujkpën, yë Wintsën mëti'ipë maaytyääyëpën winë, nkë'ëmjuukyajtënës ntukajpxpejtyp: Jëtu'un tä yë Tabor kopk ni'ik këjxm yaj'ixyën kopkjoty, tä yë Carmel kopk mejy'ëkë'ëmpë yaj'ixyën jëkämpaat, jëtu'un ja mmëtsip yaj'ixa'any mëti'ipë mniminanëpën.

Oseas 12:6

Paaty myaj'ënëëmë mijts Israel, niwinpit yë mTios; oy winë xytyunëty ets tëy jaanty, yë Tios yë'ë xëmë mtuk'ijxpätëp.