Amós 2:8 - Biblia Mixe de Quetzaltepec

⁸ Yë'ë nätyukxojxëtëp ja wit tujkxy mëti'ipë ja ëyoopëja'ay të tpëjkën; jëtu'un kyäytyë y'uuktë ma tnixëëwtuntën yë awinax; yë'ë tyukjuuytyëp yë tsatym nyëë yë wit meeny mëti'ipë ja'ay atsip pyëjkëtyëpën ets jap y'uuktë jyë'kxtë ma tsyajptëjkën yë wiink tios.

Biblia Dc en Mixe de Quetzaltepec

⁸ Yë'ë nätyukxojxëtëp ja wit tujkxy mëti'ipë ja ëyoopëja'ay të tpëjkën; jëtu'un kyäytyë y'uuktë ma tnixëëwtuntën yë awinax; yë'ë tyukjuuytyëp yë tsatym nyëë yë wit meeny mëti'ipë ja'ay atsip pyëjkëtyëpën ets jap y'uuktë jyë'kxtë ma tsyajptëjkën yë wiink tios.

Amós 2:8 ပူးပေါင်းရင်းမြစ်များ

Amós 6:6

mëjatyëty yë m'a'ukën xy'ixtë mëti'ipë mtuk'ukëtyëpën, aakjä'ä mnätyukja'axëtëp ja oyëtypë ja tsooy xyuukyën, ka'ap xymyëmay xymyëtajtë oy wi'ix yë naax kajpn jyatëty.

1 Corintios 10:21

Ka'ap tjëkyepy miits xytyuk'uukëtëty ja Wintsën ja y'a'ukën ets näjyëtu'un xytyuk'uukëtë ja ku'oypyë ja jyä'ä. Ets ka'ap tjëkyepy näjyëtu'un jam myajpaatëty ma ja Wintsën ja kyääypyäjnën ets myajpaatëty näjyëtu'un ma ja ku'oypyë ja kyääypyäjnën.

1 Corintios 10:7

Paaty miits ka'ap xywyintsë'ëkëtëty ja awinax, ijxtëm ojts jënaakën y'ëtë'ëtstën. Ijxtëm ja Tios ja y'aaw y'ayuk kyëxja'ayëtyën: Naaxwä'tstë ja ja'ayëty ets kyääytyë y'uktë ets tyëjkëtyë äjtstë pujtpë.

1 Corintios 8:10

Jä'ä ko pën mijts mjanija'ap ya'atë, ets mtëkëty kääpyë ukpë ma ja awinax ënäty të yajtukwintsë'ëkën ja kääky uuky ets m'ixëtëty ja mmëku'uk mëti'ipë ka'ap oy myëpëkyën, tsojk nëjkx näjyëtu'un y'ëtëtstä'äky ets tkayëty mëti'ipë ënäty ja awinax të yajtukwintsë'ëkën.

Amós 6:4

Jotkujk jam mma'atë mpo'kxtë ma maapäjnëtyën mëti'ipë oytyunyën mëët yë elefantë tëts pajk ets mnäy'ënëënta'akëtë; je'eyë xyaj'ooktë yë kupixyny ets tsajpkaa ets mkaytyë mtsu'utstë;

Amós 4:1

Mëtoow'itë ya'atë aaw ayuk miitsëty Samariapë to'oxytyëjkëty, Basán kajpnëpë tsyëënëtën, jëtu'unpë jyuuky'atën tsajpkaato'oxyën, mëti'ipë yaj'ëyoowtëpën tyiytyuuntëpën yë ëyoopëja'ay ets mëti'ipë ëxëëk tyuuntëpën mëti'ipë winë yajmëyajtëpën, mëti'ipë y'ënä'ämtëpën yë nyiye'etyëjktëjkëty ets myëmi'inxëtëty yë tsatym nyëë tëëpë nyimaanaxyën.

Oseas 4:8

Yë'ë nnaax nkajpnës nëë poky tyukjuuky'äjtyp, paaty tsojkën'atë ets ja'ay pyokytyuntëty.

Ezequiel 23:41

jam nyäkyëxko'këtë ma ja maapäjnën oypyë tsujpë ets jëjp'ixy ja kääky uuky y'ijnë, jam ma ja kaaytyaknën ojts ja pa'akxu'kpë tpëjkta'aktë ets tyajtooytyë ja on mëti'ipës ënäty ëjts të nyajtuknipëjktaakën.

Ezequiel 18:12

yaj'ëyoopy ja ëyoopëja'ay ets mëti'ipë yajmëyäjtypyën winë ni'ikyë tmeetsy, ka'ap tmooywinpity mëti'ipë të tpëjkën; tyuk'ijxpejtyp wiink tios ets yë'ë tyuunpy ëxëëkpës n'ixyën,

Ezequiel 18:7

ka'ap jyiiky myëku'uk tyaj'ëyoy, myoopy jatëkok ja myëku'uk mëti'ipë të t'amëtoyën ko të tyajnu'kxy; ka'ap pën tmeetsy; yajwä'kxyp yë kyääky y'uuky ma ja'ayën mëti'ipë yuu'o'këpën ets xyojxyp mëti'ipë niwa'ats ëxwa'atsën.

Jueces 9:27

Ënät ojts tsyoontë tsatsym tyujkpë ets ja tsatym nyëë tyaj'o'oyëtyë, mëj tnixëëwtuuntyë ets y'uktë myukëtë; kyääytyë pyëjktë ma ja Baal ja tsyajptëjkën ets tpojktë ja Abimélec.

Isaías 57:7

Jam yë mwëëty mmaapäjn të xypyëjktä'äky ma kopk kupi'tykyën; nän jam yë wintsë'kën të xyäky.

Oseas 7:14

Oy janty mëk jyayajmëtoy xymyëkajpxtës ko jam yajpaatë wyiity myaapäjnkëjxm, yë'ëjëty ka'ap winë aaw winëjot xymyëkajpxtës. Ko t'amëtowa'antë yë tsajpmok ets tsatym nyëë tëëpë nyimaanaxyën, yajtsëtyujtëp yë nyini'kxëty ma wiink tiosën; tääts xykyäjpxy kumëtoownaxtës.

Amós 3:14

jä'ä ko jä'ä xëëw ma ënäty yë Israel ja'ay n'amëtowtënës yë tyu'unënëty kyajpxënëty ets nyëë pyokyëty, nëjkxëpës nyajkutëkooytyä'äy yë wyintsë'këntyakn jampë Betel yajpaatyën; yë wyintsë'këntyaknëty wa'ats nëjkx nyëka'ata'ay yë wyaj ets nëjkx naaxkëjxy kyëtakta'ay.

Éxodo 22:25

Pën mtuk'ënu'kxyp yë mmëku'uk yë wit meeny, mëti'ipë ëyoop jotëkoopyën, këtii jëtu'un mnäyajnaxëtëty tä ja'ayën mëti'ipë yajnu'kxpën ets ni yë'ë xykyapatëkëty pën tëë tyaj'u'unk'aty tkayaj'u'unk'aty.