Amós 2:14 - Biblia Mixe de Quetzaltepec

¹⁴ Oy jënu'un mjakä'äktëty poj'am myajnajtspaatëtëty; mëti'ipë jotmëk janäyjya'awëyëpën jëtu'unyë myëjaawkëxa'any, oy yë'ëjëty ja'ay mëti'ipë jotmëkën ka'ap tsyo'oka'any.

Biblia Dc en Mixe de Quetzaltepec

¹⁴ Oy jënu'un mjakä'äktëty poj'am myajnajtspaatëtëty; mëti'ipë jotmëk janäyjya'awëyëpën jëtu'unyë myëjaawkëxa'any, oy yë'ëjëty ja'ay mëti'ipë jotmëkën ka'ap tsyo'oka'any.

Amós 2:14 ပူးပေါင်းရင်းမြစ်များ

Jeremias 9:23

Jëtu'un yë Wintsën y'ënä'äny: Ka'ap tjëkyepy yë wijyjyä'äy nyätyukmëjjawëtëty ko wyijyëty, näjyëtu'un yë yajkutujkpë ko tmëët'aty ja mëk'ajtën ets kumeenyjyä'äy ko kyuwit kyumeenyëty.

Eclesiastés 9:11

Ma ya'atë naaxwiinyëtën nän tëëjës n'ixy ko ka'ap yë'ëjëty yajtijy pe'tym yë ja'ay mëti'ipë pe'tym pëyë'kpën ets ka'ap yë'ëjëty yajtijy jotmëk mëti'ipë mëtakpën tsipjoty; ets ka'ap yë'ëjëty xëmë tmëët'atë yë ka'ayën ukën mëti'ipë wijyëtyën ets ka'ap yë'ëjëty kyumeeny'atë ja'ayëty mëti'ipë ixpëkyëtyën ets ka'apë xyëmëty yaj'ëxaj yajkupëktë yë ja'ayëty mëti'ipë tëë këpetyëtyën; yë'ëjëty ënät yë winë tpaatë oy ko jëtu'un txëëwatë.

Salmos 33:16

Nitu'uk yë yajkutujkpë kyatso'okëty oy jënu'un ja tsyiptuunpëtëjk jyanimayëty, ets oy jënu'un yë ja'ay jyotmëkëty ka'ap myëta'akëty mëët yë myëk'ajtën;

Job 11:20

Yë ëxëëkja'aytyëjk oy nëjkx tjatsoktë näypyutëkë, nëkoopë nëjkx t'ixta'atë, ka'ap tpaata'antë ijtakn maa nyäyu'utsëtëtyën, yë o'kën tëko'oyën yë'ë nëjkx tpaatë t'ixtë.

Jeremias 25:35

Yë kupixyny këwent'ajtpëty ka'ap nëjkx tjëkyepy wi'ix kyä'äktëtyën; mëti'ipë wyojpjëtijtëpën yë kupixyny nijënu'un nëjkx tkajëkyepy wi'ix kyäktso'oktëtyën.

Jeremias 39:4

Ko yë Sedequías yajkutujkpë ets tsyiptuunpëtëjk t'ijxtë tii tuunëp jajtëp, ënätyë pyëtsëëmtë kajpnjoty, koots ojts kyä'äktë, jamtsow nyajxtë ma ja pëjykyamjotmën mëti'ipë yajkutujkpë jyä'ä'ajtypyën, ma ja tëjk'aawën mëti'ipë potsy akujk yajpatpën ets tpëjktë ja tu'u mëti'ipë nëjkxpën ma Jordán joyjyotën.