Amós 1:3 - Biblia Mixe de Quetzaltepec

³ Jëtu'un yë Wintsën y'ënä'äny: Yë Damasco ja'ayëty mëj këjää yë nëë poky të tuuntëkoytyë, ka'apës jëtu'unyë nyajninaxa'any; jä'ä ko jëtu'un yë Galaad ja'ay të twop të tka'atstë tä ja'ay twinwopyën yë tsajpmok mëët yë pujxn ko tyajpajk'aty.

Biblia Dc en Mixe de Quetzaltepec

³ Jëtu'un yë Wintsën y'ënä'äny: Yë Damasco ja'ayëty mëj këjää yë nëë poky të tuuntëkoytyë, ka'apës jëtu'unyë nyajninaxa'any; jä'ä ko jëtu'un yë Galaad ja'ay të twop të tka'atstë tä ja'ay twinwopyën yë tsajpmok mëët yë pujxn ko tyajpajk'aty.

Amós 1:3 ပူးပေါင်းရင်းမြစ်များ

Amós 2:6

Jëtu'un yë Wintsën y'ënä'äny: Yë Israel ja'ayëty mëj këjää yë nëë poky të tuuntëkoytyë ets ka'apës jëtu'unyë nyajninaxa'any; jä'ä ko yë'ëjëty nyito'ktëp yë ja'ay ka'apë tii tuuntëkoyën ets mäjtsktä'änkën je'eyë kë'ëk yajtukwin'ëëntë këtiipë tnipaye'eytyëty ja oyoopë ja'ay.

Amós 1:9

Jëtu'un yë Wintsën y'ënä'äny: Yë Tirë ja'ayëty mëj këjää yë nëë poky të tuuntëkoytyë ets ka'apës jëtu'unyë nyajninaxa'any; jä'ä ko yë'ëjëty ojts tkë'ëyaktë yë naax kajpn mëti'ipë ënäty mëët ja käjpxytyu'unën të tuntën, jëtu'un tä tu'uk ja'ay tu'kmëkä'äx tii tkäjpxytyunyën ets tkë'ëyajktë jam ma Edom ja'ayëtyën.

Isaías 8:4

Jä'ä ko ka'anëm ënäty kyajpxë'ëkynyëm ko nëjkx yajnitëkë yë Damaskë kajpn ets Samaria kajpn; tëkokyë mëti'ipë ënäty jap kajpnjoty yajpatpën, ja Sirië yajkutujkpë nëjkx tmënëjkxta'ay.

2 Reyes 8:12

ets ja Hazael yajtëëwë: ¿Tii ko myä'äxy Wintsën? Tä ja Elisejë y'ëtsooy: Jä'ä ko nija'apës wa'ats ko mijts ëxëëk nëjkx jëna'a xytyuny yë Israel ja'ayëty, nëjkxëp yë nyaax kyajpn ets tsyënaaytyakn xynyino'kë ets y'ëna'ktëjk xyaj'o'k xyajtëkooyë, yë'ëpaat yë pi'k ëna'k mëti'ipë je'eyë miinpnëmën naaxwiiny ets mëti'ipë jap tyaakjootjoty yajpatpnëmën; nëjkxëp ja to'oxytyëjktëjk ja jyot myääts xytsyujkë xyjyë'të.

Amós 2:4

Jëtu'un yë Wintsën y'ënä'äny: Yë Judá ja'ayëty mëj këjää yë nëë poky të tuuntëkoytyë ets ka'apës jëtu'unyë nyajninaxa'any; jä'ä ko yë'ëjëty ojts t'ijxtijtë ja Wintsën ja y'ijxpëjkën ets ka'ap tpatuuntë ja n'ënä'ämënës ntëyajtënës, yë'ë ojts ni'ikyë t'ëwtatë yë wiink tios mëti'ipë y'ëwtajtën yë tyeety y'apety.

Amós 2:1

Jëtu'un yë Wintsën y'ënä'äny: Yë Moab ja'ayëty mëj këjää yë nëë poky të tuuntëkoytyë ets ka'apës jëtu'unyë nyajninaxa'any; jä'ä ko yë'ëjëty ojts tnino'këtë yë wyääy pyajk yë Edom yajkutujkpë, kuyjyaamën tyaj'awinpijtaaytyë.

Amós 1:13

Jëtu'un yë Wintsën y'ënä'äny: Yë Amón ja'ayëty mëj këjää yë nëë poky të tuuntëkoytyë paaty kopkpëky koos ntëytyuna'antë; jä'ä ko yë'ëjëty ko ja nyaax kyajpn tyajmëjëjantë, yaj'o'ktë ja to'oxytyëjk mëti'ipë ënäty u'unk maay nyëkëjxm'ajtëpën ets tmoxmëtsujkëtyääytyë mëti'ipë jam Galaad yajpatëpën.

Amós 1:6

Jëtu'un yë Wintsën y'ënä'äny: Yë Gaza ja'ayëty mëj këjää nëë poky të tuuntëkoytyë ets ka'apës jëtu'unyë nyajninaxa'any; jä'ä ko yë'ëjëty naax kajpn të tmatstë ets ojts tukmëtooktë yë Edom ja'ayëty tä tu'uk ja'ay yajtookyën mëti'ipë ëyoop mëtuunpën.

Zacarías 9:1

Ya'atë ojts tkäjpxy yë Wintsën, yë'ë yajtuknikäjxtë ja aaw ayuk yë Hadrac kajpn ets naax kajpnëty mëti'ipë yë Damasco nyitënääpyën: Yë naax kajpnëty mëti'ipë yë Sirië nyitënääpyën yë'ë yë Wintsën kyajpn niwäämpy, jëtu'un tä yë Israel kajpnën.

Amós 1:11

Jëtu'un yë Wintsën y'ënä'äny: Yë Edom ja'ayëty mëj këjää yë nëë poky të tuuntëkoytyë ets ka'apës jëtu'unyë nyajninaxa'any; jä'ä ko yë'ëjëty mëët yë tëypyujxn tpajëtijtë yë jyiiky myëku'ukëty, yë Israel ja'ayëty ets ninu'un tkapa'ëyoowtë. Ka'ap ojts kyu'uxëtë mëët ja jyoot'an, ka'ap kyijxy ja tsyip y'äkëty.

Isaías 41:15

Jëtu'un mijts nyajtuna'any tä tu'uk kepyën mëti'ipë tsajpmok wyinjëjtypyën, jemypyë ets mëti'ipë oy yë tyëtsën; mwinjëtsäämpy ja tun kopk, way way xytyuunta'aja'any, tä tsajpmok akën xyaj'awinpita'any ja tun kopk.

Isaías 7:8

Jä'ä ko yë Siria ja'ayëty timjëtu'un yë tyu'unënëty kyajpxënëty tä yë Damaskë ja'ayëty y'ijtën, e yë Damaskë ja'ay yë'ë ënä'ämëtëp yë Rezin; e yë Efraín ja'ayëty je'eyë jyaak juuky'ata'antë ja tëkë'px mëkoxk jëmëjt tääts ja nyaax kyajpn kyutëkoya'antë.

Eclesiastés 11:2

Mo'ojëp yë mjëëky mëku'uk mëti'ipë mëët'ajtypyën mapaat mëtä'äkyën, jä'ä ko ka'ap yajnijawë tii ëyo'on miimp këtakp naaxjoty kajpnjoty.

Proverbios 6:16

Tëtujk ets wëxtujk ja winma'any mëti'ipë Wintsën y'ëxëëk'ijxypyën:

Job 19:3

Janaam jatsojkës je'eyë xy'ojtë xya'axtë; ¿këtii mtsëtyuntë koos jëtu'un xytyuntë?

Job 5:19

Yë'ë, xëmë myajtso'oka'anyë, janaam jatsojk, ka'ap wi'ix mjata'any.

2 Reyes 13:7

Yë Joacaz, je'eyë ënäty ja tsyiptuunpëtëjk të jyaak wë'ëmy, wëxtyikxy majk mëti'ipë kwaaykyijxy jëtijtëpën, majk ja pujxnwintëkäämpë mëti'ipë myëtsiptuuntëpën ets majk mil mëti'ipë teky ye'epyën, jä'ä ko ja yajkutujkpë mëti'ipë jam sirië tso'onpën tëë ënäty may tyajma'ta'ay.

2 Reyes 13:3

Paaty ja Wintsën mëj këjää tukjoot'anpëjky ja Israel kajpn ets jekpyaat tkë'ëyäjky ma ja Hazael yajkutukyën, jam Sirië ets ma ja y'u'unkën Ben-adad.

1 Reyes 19:17

Jëtu'un'äämpy ko pën jyakä'äka'anëty ma ënäty ja Hazael yaj'ooka'anyën, yë Jehú yë'ë yaj'ookëtëp, e ko ënäty pën jyake'eky ma ja Jehú, yë Elisejë yë'ë nëjkx yaj'ookyë.

2 Reyes 16:9

e yë'ë ënätyë ojts pyutëkëty ets poj'am tnipëjktakëy ja jyä'äy mëti'ipë tsip'ixëtyën, tä ojts tninëjkxtë ja Damaskë kajpn ets tjä'äniwany, jëtu'un jam tyajtso'ontaay ja ja'ayëty jampë tsyëënëtën ets ojts tyajnëjkta'ay jam Quir, ojts tyaj'o'ky ja Rezin.

Isaías 7:16

E ka'anëm ënäty ja pi'k ëna'k yajxon wyinma'anytyëkënëm ko ja mäjtskpë ja kajpn wyë'ëma'antë tukwa'ats mëti'ipë tyam yajtsë'këtëpën.

Isaías 28:27

Jä'ä ko yë eneldo ka'ap yajwinteeny, ets cominë ka'ap tjëkyepy yajwintäänëty mëët yë kepy wintëkäämpë; yë eneldo, kepy mëët yajwinwopy; yë cominë mats mëët yajwinwopy.

Zacarías 9:2

Näyjyëtu'un yë Hamat kajpn, mëti'ipë mëët nyäpyaatëtën, yë Tirë kajpn ets Sidón kajpn mëët tu'kë'ëyë mëti'ipë tyukjuuky'ajtëpën ets wyinma'any'ajtëpën.