Abdías 1:7 - Biblia Mixe de Quetzaltepec

⁷ Tu'kë'ëyë mëti'ipë ënäty mëët të mnäpyiky mnämyätsyën tëë mwin'ëënyë; tëë myaj'ëxwopy ma mnaax mkajpnën. Yë'ëpaat yë ja'ayëty mëti'ipë ënäty mëët të mnämyäyën tëë mmëtsiptsoonyë ets ja ja'ayëty mëti'ipë ënäty mëët oy mnämyäyën tëë ja jyot wyima'any tyajtëkajtsta'atë ma mijtsën ets të tpëjkta'aktë ja m'o'ktakn yu'utsypë. Yë Edom kajtëm yë wyijyëty.

Biblia Dc en Mixe de Quetzaltepec

⁷ Tu'kë'ëyë mëti'ipë ënety mëët të mnäpyiky mnämyätsyën tëë mwin'ëënyë; tëë myaj'ëxwopy ma mnaax mkajpnën. Yë'ëpaat yë ja'ayëty mëti'ipë ënety mëët të mnämyäyën tëë mmëtsiptsoonyë ets ja ja'ayëty mëti'ipë ënety mëët oy mnämyäyën tëë ja jyot wyima'any tyajtëkajtsta'atë ma mijtsën ets të tpëjkta'aktë ja m'o'ktakn yu'utsypë. Yë Edom kajtëm yë wyijyëty.

Abdías 1:7 ပူးပေါင်းရင်းမြစ်များ

Salmos 41:10

E mijts Wintsën, pa'ëyoowkës; yajtsok yaj'akëtakës, ets nmëtsip ntukumëtowëtëtyës ijxtëm të xytyimtuntënës.

Salmos 41:9

Yë'ëpaat yë nmëku'ukës mëti'ipës ënäty mëët oy nnäjyawëtyën, mëti'ipës ënäty mëët tu'ukyë nkay n'uukyën, nän tëës xymyëtsiptsoony.

Isaías 27:11

Jëtu'un nëjkx jyatë tä tu'uk kepy wyinwexy ko tyëtsnë; ets ja to'oxytyëjk t'apuxëtë tääts yë'ë tno'oktë. Paatykyëjxm yë Wintsën mëti'ipë të yajkojyën ka'ap pya'ëyowa'anëtë.

Jeremias 20:10

Nmëtoopyës ko ja'ay ame'tsyë myëtya'aktë ets y'ëna'antë: kutsë'ëkë yajpaaty oymyaajëty. Ënät y'ëna'antë: Mintë, tsojk npoky'ixta'ayëmë. Yë'ëpaat mëti'ipës mëët oy nämyäyën näjyëtu'un t'ëwxitë jëna'ajës muum n'ëktëkoy. Jëtu'un y'ëna'antë: Jääpëk jeexyë y'ëkyajwin'ëëny; tääts nmëmëtakmëty ets ëxëëk ntu'unmëty.

Jeremias 30:14

Ja ye'etyëjktëjk mëti'ipë ënäty mëët mnäy'ixjëtity mnäpyajëtityën, tëë mja'atyëkooyënëtë; ka'ap m'ëk jot'ajtënëtë. Jä'ä ko jëtu'un mijts të nyajtsëtsyuty tä jeexyë nmëtsip'atyën, mëk të ntëytyuny jä'ä ko këjää ja mtëko'oyën ets mëj ja mpoky.

Jeremias 38:22

tu'kë'ëyë ja to'oxytyëjktëjkëty mëti'ipë ënäty të wyë'ëmtën ma myajkutujktaknën, wa'ats nëjkx jap yajju'ta'atë ets nëjkx yë'ë yajmo'otë ja Babilonyë ja'ayëty yë tsyiptuunpë wintsëntëjkëty, jëtu'un ja to'oxytyëjk nëjkx y'ëna'antë: Yë ja'ayëty mëti'ipë ënäty mëët oy të nyäjyawëtyën yë yajkutujkpë ojts wyin'ëënyë ets jëtu'un ojts myëmëtä'äkyë; ojts y'ëxmajtsënë ko myo'ontstëjkëy ets ojts jam nyikäkënë.

Jeremias 4:30

E mijts naax kajpn, xit ko'owpë myajpaatyën, ¿tii nyawa'anëty oy uky tsyapts mjanäxyoxyë? ¿Tii nyawa'anëty oy jam ma mwiin mjëjpën xyjyapëjktä'äky pu'ts pujxn? ¿Tii nyawa'anëty oy mwiin yëk xyjyakoy? Nëkoopë janty'oy mnäkyoyë, ja mëti'ipë määpy mtäjpyën mtsojkëp mja'awëyëp, ka'ap m'ëk tsojkënë, mijts o'kën yi'iyë mjëjp'ijxnëp.

Jeremias 49:7

Ma ja Wintsën tnikäjpxyën wi'ix ja Edom jyata'anyën: ¿Tii këtii jam Temán pën kyuwijyëtyë? ¿Ti këtii tnijawëtë yë ijxpëkyjyä'äytyëjkëty tii tyuntëpënë? ¿Tëë tyëkooytyä'äy mëti'ipë jyajtëp nyija'awëtyëpënë?

Lamentaciones 1:19

Ojtsës nja'amëtoy yë näypyutëkë yë n'atsokyjyä'äytyëjkës, yë'ëjëty ni'ikyë ojts xy'ëxmatstës. Yë teetytyëjkëty ets mëjja'aytyëjk wa'ats të y'o'kta'atë jam kajpnjotm, jë'kxy pëky ënäty y'ixtaaytyëp këtiipë yuu ooktëty.

Oseas 13:13

Tëë ja xëëw po'o tpaaty ma ja Israel myëxu'unk'ata'anyën, tsuu mony yë jyot wyinma'any, yë'ëpaat tkatukjaty wi'ix nyäpyëjkta'akëtëtyën ets myinëty naaxwiiny.

Oseas 7:11

Yë Efraín jëtu'un tä tu'uk yë pakën tëëpë kyumu'ukyën, ka'apë wyijyëtyën: Y'amëtoopy yë näypyutëkë jap Egiptë ets nän y'amëtoopy yë näypyutëkë yë Asiria ja'ayëty.

Juan 13:18

Ka'ap miits ni'ëmukë ntijtë, ëjts nija'apës mëti'ipës të nwinwitsyën. E kopkpëky ko y'atëwëty wi'ix ja Tios ja y'aaw y'ayuk këxja'aypyë y'ënä'änyën: Mëti'ipës mëët nkay n'ukyën, mëtsip të y'awinpity.