Abdías 1:5 - Biblia Mixe de Quetzaltepec

⁵ Ko yë mä'tspë jeexyë koots y'ëkmintë ets mjayajmäätsa'anëty, ka'ap mtimmyä'tsta'ajëtëty; ko jeexyë y'ëkmintë mëti'ipë tsatymtyëëm tyujkmujktëpën, yajwë'ëmtëp muum yë tsatymtyëëm. E tëkatsy të jyäty të kyëpety mëët ja mëtsip, ko të mniminyë tëë myajkutëkooytyä'äyë

Biblia Dc en Mixe de Quetzaltepec

⁵ Ko yë mä'tspë jeexyë koots y'ëkmintë ets mjayajmäätsa'anëty, ka'ap mtimmyä'tsta'ajëtëty; ko jeexyë y'ëkmintë mëti'ipë tsatymtyëëm tyujkmujktëpën, yajwë'ëmtëp muum yë tsatymtyëëm. E tëkatsy të jyäty të kyëpety mëët ja mëtsip, ko të mniminyë tëë myajkutëkooytyä'äyë

Abdías 1:5 ပူးပေါင်းရင်းမြစ်များ

2 Samuel 1:19

Mijts Israel, tëë tsyëtyuty yë mmëj'ajt jam tunkëjxm kopkëjxm. Tëë y'ooky ja mja'ayëty mëti'ipë jotmëkëtyën.

Isaías 14:12

Wi'ixën jam tsajpjotm të mkuka'anajxpë, mëj ijty mtë'kxy mjajy jopyëp. Jëtu'unyë naaxkëjxy të myajnajtsjëpipë, mijts mëti'ipë ijty ëxëëk ja naax kajpn mtuunpyën.

Isaías 17:6

je'eyë jyaak yaja'amyetsy; jëtu'unyë jyaak yaj'ixy je'eyë tä tu'uk mäjtsk jyaakwë'ëmyën muum ujtstëëm ko yajwinxity, ëkë taxk mëkoxk je'eyë muum jyaakkëxë'ëky kepykyëjxm. Jëtu'un y'ënä'äny ja Israel ja Wyintsën Tios.

Isaías 24:13

Aakjëtu'un oy myaa'ajnë naaxwiinyëtë apëtsëmy, jëtu'un të jyäty tä ja'ay aceitunas twinwopyën, ëkë tä yajwin'ixyën yë tsatymtyëëm ko të yajpëjkmujkta'ay ja pëjktä'äky.

Jeremias 49:9

Ko ja'ay tpëjkmuky tsatsymtsya'am yajkä'äpy wäänë në'ë'aay tu'u'aay; ko mä'tspë koots myiny kamjoty yi'iyë myënëkxyp mëti'ipë yajmëyäjtypyën.

Jeremias 50:23

Yë Babilonyë ja'ayëty, jëtu'un yë naax kajpn y'ixyë pujxnkuwojpnën mëti'ipë tëë kyiitsyën ets piw nuuk të jyajta'ay. Tsë'këp yë naax kajpn ko yë Babilonyë ëxëëk të jyäty të kyëpety.

Jeremias 6:9

Yë Wintsën mëti'ipë maaytyääyëpën winë, jëtu'un y'ënä'äny: Yaj'ixta'ajantëp ja Israel ja'ayëty mëti'ipë ënäty jaakwë'ëmtëpën juuky, jëtu'un yaj'ixta'aja'antë tä ja'ay t'ixta'ayën yë tsatsymtsya'am ko muum wyi'imy, nitu'uk tka'ëxmatsy kyamjoty.

Lamentaciones 1:1

Tukwa'ats yë naax kajpn të wyi'imy ma ijty tëëyëp ja'ay may yajpaatën. Jëtu'un kyëxë'knë yë naax kajpn tä tu'uk ku'ooky to'oxytyëjkën. Atsip tyam myëtuun y'ëyoownë ja naax kajpn mëti'ipë mëk të yajtsoky të yajjawën jëtu'un tä to'oxytyëjkën yajkutujkpë.

Abdías 1:9

Yë tsiptuunpëtëjkëty, Temán ja'ayëty, nëjkxëp tsyëtyuuypyëktë mëët yë mëktsë'ëkë ets jam kopkjotm ma Esaú y'itjotmën ka'ap nëjkx jam pën wyi'imy juuky.

Miqueas 7:1

Mon tukës nyajpaaty. Jëtu'unës tä tu'uk yë ja'ay t'ixtaaymyukyën yë akiink aka'ak ma ja pyëjktä'äky të tyajpëtë'ëkyën ets ka'ap tpaaty yë higos, yë tsatsym ets ujtstëëm mëti'ipë jyë'kxäämpyën.

Sofonías 2:15

Jëtu'un jyata'any ja naax kajpn amëj akëjxmëpë ets jotkujkpë, mëti'ipë ja nyija'ay të y'ëna'antën ko ka'ap maa wiinkpë kajpn tä yë'ëjëtyën. O'ktëy ja naax kajpn të jyäty, aayjëyujk ujtsjëyujk jam ëtëtsp ënaanp. Ko ënäty jam pën nyäxy je'eyë nëjkx myëkxejy y'o'kxejy ets ka'ap tsojkën'atëty jëtu'unpë ja kajpn.

Deuteronomio 24:21

Ko xyajmuktëty ja mtsatym tyëëmëty ma ja mtsatym kyamëtyën këtii wa'ats xy'ixtaaytya'atëty ja nyikepy; mëti'ipë wë'ëmpën këtii xy'ëkniwinpijnëtëty, yë'ë jyä'ä'atëp ja jaaypyaat jaaypyo'kxy, ku'ooky'u'unk, ku'ookytyo'oxy.

Apocalipsis 18:10

Tsë'ëkë jawë nëjkx tjaak'a'ijxtuktë jëkäm, yë'ë tsyë'këtëp ko nëjkx näjyëtu'un jyatë ets y'ëna'ana'antë: Mëj Babilonyë kajpn ix m'ëkjaty m'ëkkëpety, mëj Babilonyë kajpn ix m'ëkjaty m'ëkkëpety, mëk ja mëk'ajtën ijty xymyëëtëty ets ajotkumonë të mtukja'tyë ja ëyo'on.