Abdías 1:21 - Biblia Mixe de Quetzaltepec

²¹ Ko ënäty të myëta'aktë tääts nëjkx jam pyätë ma Sión kopkën ets jam tni'ënä'ämëtëty mëti'ipë tsënaaytyëpën ma Esaú y'itjotmën, kopkjotypë ets Wintsën yë'ë nëjkx yajkutuky.

Biblia Dc en Mixe de Quetzaltepec

²¹ Ko ënety të myëta'aktë tääts nëjkx jam pyätë ma Sión kopkën ets jam tni'ënä'ämëtëty mëti'ipë tsënaaytyëpën ma Esaú y'itjotmën, kopkjotypë ets Wintsën yë'ë nëjkx yajkutuky.

Abdías 1:21 ပူးပေါင်းရင်းမြစ်များ

Apocalipsis 11:15

Ko ja mëwëxtujkpë ja tsajpjotmëtë kukäjpxy tukxuxy ja pujxnxuxn, ënät kanaakpëky ja mëto'owën mëk yajmëtooy jam tsajpjotm ets y'ënä'äny: Tëë ja Wintsën ets ja Kristë tyajtso'onta'aktë ja kyutujkën naaxwiiny ets yajkutuka'antë xëmëkyëjxm.

Santiago 5:20

nijawëtë ko pën ja pokyjyä'äy tyajwinpityp ma pokyjotm yajpaatyën, jap ënäty të tyajpëtsëmy o'ktujk ets yë'ëkyëjxm ja ja'ay may ja pyoky yajnimä'kxa'antë.

Zacarías 14:9

Jä'ä xëëw nëjkx yë Wintsën yë'ë yajkutuky, naaxwiinyëtë apëtsëmy. Tu'kpajk nëjkx yë'ë y'ëne'emy ets tu'kpajk yë xyëëw nëjkx mëj'äämpy nyäxy.

Daniel 7:27

E ja kutujkën, mëk'ajtën ets ja mëj'ajt oyajtën mëti'ipë naaxwiinyëtë apëtsëmy yajpatpën yë'ë nëjkx yajmooytya'atë ja Tios Ni'ik ja nyaax kyajpn. Yë kyutujkën xëmëkyëjxm nëjkx yajpaaty ets tëkokyë yë naax kajpn naaxwiinyëtë apëtsëmy yë'ë nëjkx tmëtuntë ets tmëmëtowtë.

1 Timoteo 4:16

Mnäkyëwent'atëtëp kë'ëm ets mëk xykyëwent'atëty mëti'ipë ja'ay mtuk'ijxpëjkpyën ets jotkujk myajpaatëty. Pën mtuumpy jëtu'un, mpaatëp ja nitsokën ets myajnitso'okëp ja mëti'ipë ënäty mëtoow'ijtëpën.

Salmos 22:28

Jä'ä ko yë Wintsën, yë'ë tu'uk Yajkutujkpë, ets yë'ë y'ënä'ämtääpy tëkokyë yë naax kajpn.

Lucas 22:30

Ets jam mkaytyëty m'uuktëty maas ja nkaaypyäjnën mëti'ipë yajpatpën maas yë nkutujktaknën, ets mnaaxwäätstëty ma ja kutujktaknën ets xypyaye'eytyëty ja majkmäjtsk pëkpyë ja Israel ja y'u'unk y'ok.

Daniel 2:44

Ma ënäty tääpë yajkutujkpëtëjk y'ënä'ämtën, jää nëjkx yë Tios tpëjktä'äky yë kyutujktakn mëti'ipë ka'ap nijëna'a kyutëkoyën ets yë'ë nëjkx myëjnaxy, nëjkxëp ja wiinkëtypë ja kutujkën tyajkutëkooytyä'äy ets yë'ë xëmëkyëjxm nëjkx y'ity.

Isaías 19:20

Yë'ë nëjkx yajtuk'ixy ets ja Wintsën mëti'ipë maaytyääyëpën winë yaja'amyätsëty jap ma Egiptë kajpnën. Ko tmëkajpxtëty ja Wintsën ma t'amëtowtën ja näypyutëkë ko ënäty ëxëëk yajtun yaj'ënëëmëtë, yë'ë nëjkx tyuknikäxëtë tu'uk ja yajnitsokpë mëti'ipë nëjkx kyuwa'anëtë ets yajtso'okëtën.

Jueces 2:16

ojts twin'ixy tu'uk mäjtsk yë ja'ay mëti'ipë tsip'ixëtyën ets ja naax kajpn tu'uwinwowtëty ets tnitsiptunëty ma o'ktëy ja myëtsiptëjk tyunëtën.

Apocalipsis 20:4

Ets n'ijxyës kanaak ja kutujktakn, yë'ë jam u'unyääytyëp mëti'ipë ënäty të t'ëxajëtën ja kutujkën ets pyaye'eytyëty; ets n'ijxyës näjyëtu'un ja y'anëmëty mëti'ipë të yajkupuxtën mëët ko të tkajpxwa'kxtë ja Wintsën Jesús ja jyä'ä ets ja Tios ja y'aaw y'ayuk ets mëti'ipë ënäty ka'ap të twintsë'ëkëtën ja mëj jëyujk ets ni të tkakupëktë ets yajtsa'atëty wyimpokëjxm ëkë kyë'ëkëjxm; ets n'ijxyës ko jyuukpyëktë jatëkok ets yajkutuka'antë mëët ja Kristë tu'uk mil jëmëjt.

Apocalipsis 19:6

Tääts nmëtooyës ijxtëm ja mayjyä'äy kyajpxtën, ijxtëm ja mëjnëë y'iitsy kyomyën ets ijxtëm ja ënääwën y'ënä'änyën: Tukxoontä'äky mëjjawë yë Tios yë xyëëw nyaxëty, jä'äkyëjxm ko yajkutujktsoony, ja Wintsën Mëti'ipë Maaytyääyëpën Winë.

Mateo 6:13

Ka'ap mëpaat ëxëëk n'ëtë'ëtstë n'ëna'antës, ni'ikyës jap xyjyuutëty ma ja ëxëëkpën.

Mateo 6:10

Yajmin ja mkutujkën. Wä'än tunyë tjatyë naaxwiiny tä mijts të xytyuknipëjktaakën jam tsajpjotm.

Joel 2:32

E tu'kë'ëyë mëti'ipë yë Wintsën y'ëwtajtëpën, nëjkxëp tsyo'oktë o'këntuuy; jä'ä ko jam ma Sión kopkën ets ma Jerusalén kajpnën, jam'ataanp ja nitsokën tä yë Wintsën të twinwanën. Mëti'ipë të twin'ixyën nëjkxëp jyuuky'atë.

Daniel 12:3

Ja wijyjyä'äytyëjkëty, mëti'ipë ojts may ja ja'ay oy tu'uwinwowtën, jëtu'un nëjkx tyë'kxtë jyajtë ja niwits nijuuxën, ja tsajp; xëmëkyëjxm nëjkx yaj'ixtë mëtsa'ajën.

Daniel 7:14

Ënät yajmooy ja kutujkën ets ja mëj'ajt oyajtën, aak mëtuunëp ja naax kajpn mëti'ipë kanaakjëjp ja ayuk kyajpxtëpën. Yë kyutujkën yë'ë xëmë itaanp ets ja y'ënä'ämtakn ka'ap nijëna'a kyutëkoyëty.

Daniel 2:35

E ja pujxn ets ja juunpujxn ets ja tsuxkpujxn ets ja poop pujxn ets ja pu'ts pujxn naaxwayën të jyajta'ay, jëtu'un tä yaj'ixyën yë naaxway ko xyëkopk'aty ko yë tsajpmok pyajk'aty ets të wyimpapojta'ay, ka'ap të wyi'imy nitu'uk nu'unën. E ja tsaa mëti'ipë të yajma'ta'ayën jëtu'un të y'awinpity tä tu'uk mëj kopkën ets tëë tyajwintujkta'ay yë naaxwiinyëtë.

Salmos 102:15

Tëkokyë yë naax kajpn ets tëkokyë yë ënä'ämpëtëjk naaxwiinypë y'itën yajpaatën, nëjkxëp twintsë'ëk tmëjjawëtë yë Wintsën yë myëjxëëw,

2 Reyes 13:5

Tääts ja Wintsën tu'uk tkejxy ja mëti'ipë nitsiptunëtëpën, jëtu'un ja Israel ja'ayëty ojts jatëkok tsyo'oktë ma ja sirië ja'ayëtyën ets jyotkujkëtyë, jotkujk jatëkok y'ijtë ma jyëën tyëjkëtyën.

Jueces 3:9

Koonëm tmëpëjktsoowtë ja Wintsën ets ojts tu'uk yë ja'ay pyëtsimy mëti'ipë yajtsokëtën. Ja ja'ay mëti'ipë yajtsokëtën yë'ë xyëëwajt Otoniel, yë myaank yë Quenás yë y'uty yë Caleb.

Nehemías 9:27

Paatykyëjxm ojts kyë'ëyajkënë ma ja myëtsipëtyën, mëti'ipë ëxëëk tuunëtën. Ok tja'ijxtë ko ëxëëk jyajnëtë kyëpäjnëtë, tä tpëjktsoowtë ja näpyutëkë ma mijtsën, e mijts mëët tu'uk mëjpa'ëyo'owën, ojts xymyëtoowë jam tsajpjotm ja jyi'iyënëty yaxënëty; ets xytyuknikejxy ja ja'ay mëti'ipë yaj'ëwaatsëpëtsëëmëtën ma ja myëtsiptëjkëtyën.

Salmos 47:7

Tukkuuy'ëwtë yë Tios oyëtypë ëy ets aaw ayuk oyëtypë yajmëtoyën, jä'ä ko yë'ë yajkutujkp ma tëkokyë yë naaxwiinyëtë y'ëwtityën.

Salmos 67:4

Wä'än yë mëjëtypë naax kajpn tukyaax tukjokëtë yë xoontakën, jä'ä ko mijts, mëët yë tëyajtën yë naax kajpn xy'ëne'emy xymyëkäjpxy; mijts tu'kë'ëyë yë naax kajpn mtu'uwinwoopy naaxwiinyëtë apëtsëmy.

Génesis 25:23

Tä yë Wintsën y'ëtsoowinpijtë: Jap mjootjoty mäjtsk yë naax kajpn jap mëjëtypë. Mäjtsk yë kajpn jap tsyiptuntë ma naamka'anëm myintënëm naaxwiiny. Tu'uk janty mëk y'ita'any këtiinëm ja wiinkpë. Yë mëjpë yë'ë naxaanp ijxtëm yë mutskpën.

Salmos 22:29

Winta'ak naaxkowtë ma yë'ëjën nitëkokyë jënu'un winë mëj këjää xymyëët'atën, tu'kë'ëyë jënu'un naaxway y'awinpita'antën, jä'ä ko ka'ap kë'ëm mnäyajjuuky'atëtë.

Isaías 24:23

Ko ënäty ja Wintsën mëti'ipë maaytyääyëpën winë yë'ë yajkutuky jam Sión; pi'itsaanp yë xëëw ets po'o ets ja wintsëntëjkëty mëti'ipë jam kukajpnajtëpën y'ixantëp ja Wintsën ja myëj'ajt y'oyajtën.