Abdías 1:13 - Biblia Mixe de Quetzaltepec

¹³ Ka'ap jeexyë mtëjkëy maas yë nnaax nkajpnën ma ënäty y'ëyoyën ets ka'ap jeexyë ojts xytyukxoontä'äky ma ënäty ja ëyo'on jotmay tmëët'atën, ka'ap jeexyë ojts xypyëjkë wyit myeeny ma ënäty mon tuk yajpaatën.

Biblia Dc en Mixe de Quetzaltepec

¹³ Ka'ap jeexyë mtëjkëy maas yë nnaax nkajpnën ma ënety y'ëyoyën ets ka'ap jeexyë ojts xytyukxoontä'äky ma ënety ja ëyo'on jotmay tmëët'atën, ka'ap jeexyë ojts xypyëjkë wyit myeeny ma ënety mon tuk yajpaatën.

Abdías 1:13 ပူးပေါင်းရင်းမြစ်များ

Zacarías 1:15

Paatyës të ntukjoot'anpëky tääpë naax kajpn mëti'ipë ka'ap tii tmaytyën tajtën, mëti'ipë ojts ni'ikyë ja jotmay t'ixkukëtën maas ënäty ëjts të njoot'anpëkyën.

Ezequiel 35:10

Mijts jëtu'un ojts m'ëna'any: Yë Israel yë y'it nyaaxwiinyëtë, ma yajpaatyën mäjtskpëky yë yajkutujkpë ëjts njä'ä'atäämpy; ëjts nëjkx xywyintsën'atë oy ënäty jam jyayajpaaty yë Wintsën.

Ezequiel 35:5

Mijts xëmë mëtsip të mnäyajnaxyë ma Israel ja'ayëtyën ets jää të xynyipëtë'ëky ma ënäty jam yajtëytyuntën, ma ja pyoky tkumëtowtën.

Salmos 22:17

Jyëkyäjpnëp nmëtsyowëtyës yë npajkës. Yë nmëtsipës ninu'unës xykya'ijxtëkoytyë.

2 Samuel 16:12

Pën xypya'ëyoopës jëna'a Wintsën ets pën jam tkëwentëtuny maas yam ëxëëk njaty nkëpetyën, wä'änxyëp ja ni'ikyë nëjkx xy'ëkënu'kxnës ets nëjkx jëëmpit winë y'ëktuun y'ëkjajtënë oyës ënäty të njayajpoky jëtu'un tääjës tyam nmëtoyën.

Jeremias 46:21

Ja tsyiptuunpëtëjkëty mëti'ipë mëjuy tuuntëpën, ni'kxëty ets mëjjëty jyayaj'ixtë, yë'ëjëty je'eyë kyä'äka'antë ets ka'ap tmëmëta'aka'antë ja ëyo'on jotmay, jä'ä ko yë'ë miimp wiinkoonp ja ëyo'on ma ëxëëk jyata'antën ets yajtëytyuna'antë.

Ezequiel 36:2

Ëjts Wintsën, jëtu'unës n'ëna'any: Yë Israel ja'ay yë myëtsip, jëtu'un nyäyjyawëtë yë'ë yowë nyiwintsën'ajtëp yë tun kopk xëmëkyëjxm.

Ezequiel 36:3

E oy ko jyëtu'unëty, mëmëtya'ak ëjts nxëëwkyëjxmës: Jëtu'un yë Wintsën y'ënä'äny: Xiitsow yaatsow myajnipëtë'ëktë ets m'ooktëty; tëkokyë yë naax kajpn wiinktsowpë tsyoontën tëë tniwa'kta'atë yë mnaax mkajpn ets je'eyë mnëxi'ik mtukxi'ikëtë ets ëxëëk mtunëtë.

Job 31:29

Ka'apës nijëna'a yë nmëtsip të ntukxoontä'äky ko ëxëëk të jyäty të kyëpety ets oy tii ëyo'on jeexyë të nyimiinëtë.