Abdías 1:12 - Biblia Mixe de Quetzaltepec

¹² Ka'ap jeexyë ojts xytyukxoontä'äky yë m'uty ko o'ktëy jyäjty kyëpejty ets ka'ap jeexyë ojts xytyukxoontä'äky yë Judá ja'ayëty ko xit ko'ow jyajtë ets ka'ap jeexyë ojts xynyëxi'iky xytyukxi'iky ma ënäty jë'ë ya'ax yajpaatën.

Biblia Dc en Mixe de Quetzaltepec

¹² Ka'ap jeexyë ojts xytyukxoontä'äky yë m'uty ko o'ktëy jyäjty kyëpejty ets ka'ap jeexyë ojts xytyukxoontä'äky yë Judá ja'ayëty ko xit ko'ow jyajtë ets ka'ap jeexyë ojts xynyëxi'iky xytyukxi'iky ma ënety jë'ë ya'ax yajpaatën.

Abdías 1:12 ပူးပေါင်းရင်းမြစ်များ

Miqueas 4:11

Tyam tëë may yë naax kajpn mnitu'ukmukëty ets myajnipëtë'ëka'any, jëtu'un y'ëna'antë: Tsojk Jerusalén kajpn n'ijxëmë wi'ix ëxëëk jyäty kyëpetyën.

Ezequiel 35:15

Mijts ojts mxoontä'äky ko kyutëkooy ja it naaxwiinyëtë mëti'ipë yë Israel ja'ayëty yajmooytyën ets tjä'ä'atëty, je'eyëp ko mijts nän timjëtu'un mjata'any: Mijts Seir kopk aanë'ëk tëëtsë'ëk mkawinpita'any, mëti'ipë Edom jyä'ä'ajtypyën. Ënätnëm xynyijawëtëty ko ëjts Wintsën.

Proverbios 17:5

Pën nyëxikpy tyukxikpy yë ëyoopëja'ay, yë'ë myëtëkoopy mëti'ipë winë yajkojën; mëti'ipë tyukxoontäkpyën ko tyuuntëkoy ka'ap jëtu'unyë nyinaxa'any, koonëm tkumëtowëty.

1 Samuel 2:3

Ka'ap tjëkyepy pën amëj akëjxm kyajpxëty myëtya'akëty, e ka'ap tjëkyepy pën nyämyëjawëtëty. Jä'ä ko yë Tios yi'iyë tu'uk winë nyija'ap, ets yë'ë y'ijxyp tyuunpy wi'ixjaty pën tii tunyën.

2 Pedro 2:18

Amëj akëjxm tii tkajpxtë mëti'ipë ka'ap tyunyën, wyin'ë'ëntëp ja ja'ay ko y'ëna'antë ko ka'ap pyokyëty ko ja'ay kyë'ëm winma'any tyajtuny. Jëtu'un ja ja'ay tyajpokytyuntë tyam ënäty jemnyëm t'ëxmatstë ja ëxëëk juukyajtën.

Judas 1:16

Yë jëtu'unpë ja'ayëty, nitii tkatukjotkëta'aktë, je'eyë nëkoo nyä'ämtë, aak nänyi'ojë tii tpëjkta'aktë, yi'iyë tyukjotkëtaktëp mëti'ipë kë'ëm tsyojktëpën; amëj akëjxm tii tkajpxtë, je'eyë ja Tios nëkoo tukajpxpätë ets yajputëkëtëty.

Salmos 37:13

E yë Wintsën je'eyë tukxi'iky, jä'ä ko nyija'ap ko yë ëxëëkja'aytyëjk miimp wiinkoontëp yë xyëëw pyo'ojëty jëna'a ëxëëk jyata'antën.

Salmos 31:18

Wä'än amonyë t'itë mëti'ipë antaktëpën, mëti'ipë je'eyë nëxik tukxiktëpën ets tëkatsy tnimëtya'aktë ja'ay mëti'ipë oy juukyajtpën.

Salmos 22:17

Jyëkyäjpnëp nmëtsyowëtyës yë npajkës. Yë nmëtsipës ninu'unës xykya'ijxtëkoytyë.

Job 31:29

Ka'apës nijëna'a yë nmëtsip të ntukxoontä'äky ko ëxëëk të jyäty të kyëpety ets oy tii ëyo'on jeexyë të nyimiinëtë.

Apocalipsis 13:5

Tääts näjyëtu'un ja mëj jëyujk yaj'ëwatsy ja tyu'u ets ja Tios tmëkajpxtëkoyëty. Näyjyëtu'un yaj'ëwatsy ja tyu'u ets y'ënä'ämëty wëxtyikxy mäjtsk po'o.

Santiago 3:5

Näyjyëtu'un jyäty mëët ja aaw yä'än, yi'inëm yajpaaty ma ni'kx kopkën; je'eyëp ko mëj winë tuny. Jëtu'un yë'ë ijxtëm ja jëënën mëti'ipë yi'inëmën ets kyëjääjën tunjoty kopkjoty.

Lucas 19:41

Ko t'ijxpaty ja Jerusalén kajpn jam winkon, tääts ja Jesús niyäxy,

Lamentaciones 4:21

Xi'ik, xoonta'ak mijts Edom kajpn; mëti'ipë jam Us yajkutujkpën. Mtukëta'akanëp näjyëtu'un ja ëyo'on jotmay ets jëtu'un nëjkx mjaty tä ja'ay myu'ukyën ets tä ja'ay niwa'ats ëxwa'ats wyi'imyën.

Isaías 37:24

Je'eyë mtuunpë të xytyuk'ëne'emy ets të tnëxi'ik të tukxi'iktë yë Wintsën. Jëtu'un ojts m'ëna'any: Ëjts may kepy wintëkäämpë nmëët'atyës, jampaat muum kopkëjxm nja'tyës, jampaatës të nja'ty ma Líbano kyopk kupi'tykyën. Etsës të npujxë'ktaayë ja y'ajë kepy mëjëtypë ets tsiin kepy oyëtypë. Tëës ntukjëtijtëtyääyë tyun kyopk mëjëtypë ets yukjot kepyjyot mëti'ipë jëtu'un këxë'kpën pëjykyamën.

Salmos 92:11

Ëjts n'ixäämpyës wi'ix jyat kyëpätën yë nmëtsiptëjkës; ets nmëtowëpës kë'ëm ko ënäty ya'axtë ja tuuntëkoopyëtëjkëty.

Salmos 59:10

Yë Tios mëti'ipës xytsyojkp xyjya'apën, yë'ëjës xynyiminaanp; etsës xytyuk'ixa'any ko ënäty ja nmëtsiptëjkës tyëkooynyëtë ets kya'ëkmëtaknëtë.

Salmos 54:7

Jä'ä ko mijtsës të xyjyuuty maas ënäty mon tuk nyajpaatyën ets tëës kë'ëm ntim'ixy koos yë nmëtsiptëjk ka'ap të myëta'aktë.

Job 18:20

Ko nëjkx tnijawëtë yë ja'ay ma xëëw pyëtsimyën ets ma kyëtä'äkyën wi'ix të jyätyën, nëjkxëp je'eyë tsyë'ëkëtë.

Salmos 35:15

E koos ënät näjyëtu'un të xytyukka'ay ja ëxëëkpë, tu'kë'ëyë yë'ëjëty je'eyës të xynyëxi'ik të xytyukxi'iktë; jëtu'un tä jeexyë ka'ap n'ixy'atënës ëkë tä jaaypyaat jaaypyo'kxyën; ëxëëkës të xytyuntë janaam jatsojk.

Lamentaciones 2:16

Aak mwiinktijënëp yë mëtsiptëjkëty. Je'eyë xyu'uxtë ets wyiin jyëjp tuntë ko m'ëtsu'uxyä'äxyë ets y'ëna'antë: Xit ko'ow të ntu'unëmë. Tyam jëtu'un të tpaaty ja xëëw po'o mëti'ipë ënäty yajjëjp'ijxpën; tyam ënät njanty y'ijxëmë.

Ezequiel 35:12

Ënät xy'ixëty ko ëjts Wintsën, ojtsës nmëtoowta'ay tëkokyë wi'ixjaty ojts xytyijyën yë Israel kopk. Mijts, ojts m'ëna'any: Të'ëts it yë'ë, tyam jyëkyejpy njä'äpëjkmëty.

Ezequiel 36:5

Jëtu'un yë Wintsën y'ënä'äny: Yë n'aaw n'ayukës jëën mëëtpënës yam nkäjpxy mëët yë äkë ma ja wiinkpë ja naax kajpnën, ni'ik yë Edom kajpn, jä'ä ko yë'ëjëty mëët ja xoontakën ojts niwa'aktë ja nnaax nkajpnës ets mëët ja tsip äkë tyajpëtsëëmtaaytyë jap winë.