3 Juan 1:6 - Biblia Mixe de Quetzaltepec

⁶ Tëë tnimëtya'aktë ko mijts oy tsuj mja'ay'äty. Jëtu'un xyjyaaktunëty ja mëyajtën, jaaktukputëkë winë tii yajmëyajtëpën ets oy tyu'uye'eytyëty, jëtu'un ijxtëm ja Tios tukxoontä'äkyën.

Biblia Dc en Mixe de Quetzaltepec

⁶ Tëë tnimëtya'aktë ko mijts oy tsuj mja'ay'äty. Jëtu'un xyjyaaktunëty ja mëyajtën, jaaktukputëkë winë tii yajmëyajtëpën ets oy tyu'uye'eytyëty, jëtu'un ijxtëm ja Dios tukxoontä'äkyën.

3 Juan 1:6 ပူးပေါင်းရင်းမြစ်များ

Génesis 4:7

Kooxyëp jeexyë xy'ëktuny mëti'ipë oyën, jotkujk jeexyë m'ijxë'ëky mkoowë'ëky. E ka'ap jëtu'un xytyuny, paaty yë nëë poky ëwxijtp tyim'ity ets mmëmëta'aka'anyë. E ko mijts xytyuk'a'ixëty, mijts yë nëë poky m'ëk mëmëtaknëp.

Jonás 4:4

E ja Wintsën jëtu'un y'ëtsooy: ¿Wi'ix? ¿Oyën mnäjyawëty ko mjoot'anpëkyë?

Hechos 15:29

ka'ap ja jëyujk xytsyu'utstëty mëti'ipë tsaamëxan të yajtukwintsë'ëkën, ka'ap ja ne'pyny xyjyë'kxtëty, ka'ap ja jëyujk xytsyu'utstëty mëti'ipë ka'anëm wyintaxynyëmën, ets ka'ap mëpaat xytyuunk'atë ja pëjkën ukën ka'apë myëtëyëtyën, ma ja wiink ye'etyëjk ëkë ja wiink to'oxytyëjk xymyëët'ajnëtën. Pën mpatuuntëp ya'atë, oypyë ënäty mtuuntëp. Tios mkënu'kxëtëp.

Hechos 15:3

Tääts ja mëpëjkpëtëjkëty ja Antioquíapë yajpaatën ojts kyäjxtsoonëtë ets ojts nyëjkxtë Fenicia ets Samaria. Jamts tkajpxtë tmëtyaktë wi'ix ja y'ëxëëk winma'any të t'ëxmatstën mëti'ipë ka'ap jyutiis'atën ets wi'ix ënäty të tmëpëktën ja Tios ja y'aaw y'ayuk. Tääts ja myëku'uktëjk xyoontaktë ko jëtu'un tmëtoowtë.

Hechos 21:5

Ko wëxtujk xëëw nyäjxy, ni'ëmukës ojts ntsoontë. Ni'ëmukë ja mëpëjkpëtëjk mëët ja y'u'unk tyo'oxytyëjkëty ojts xypyatso'otës ets xynyaswo'owëtyës jam kajpnpë'am. Jam mejy ëkë'ëm ja Tios ojts nja'amyätstës.

Romanos 15:24

njëjp'ijxypës ko jääjës jam nnëjkxëty koos ënäty nnëjkxy España. Ko ënäty miits wäänë mëët të n'it të nxontë, xypyutëkëtëpës etsës nja'tëty maas ntijyën.

2 Corintios 1:16

Jëtu'unës ojts n'ëk'ënaanpë ko ënäty miits jam ninaxa'antë koos nnëjkxëty Macedonia ets jatëkok koos nwinpitëty. Jëtu'un xypyutëkëtëtyës koos ënäty nnëjkxy jam Judea.

Filipenses 4:14

Oy jyajëtu'unëty, miitsëty tëë oy mwinma'anypyaatë ko të xypyutëkëtës ma amaayjoty jotmayjoty të nyajpaatyënës.

Colosenses 1:10

Yë'ë miits ntukni'amëto'owëtëp ets mjuuky'attëty ijxtëm pyaat'atyën mëti'ipë myëpëjktëpën ja Wintsën; yë'ë mtuntëp mëti'ipë yë'ë tyukjotkëtäkpyën, mëti'ipë oy tsuj winpëtsëëmpën ets ja Tios oy xynyijawëtëty.

1 Tesalonicenses 2:12

Tëë njotmëkwinkajpxëtë, tëë nyajjotkujk'atë ets tëë ntukmënu'kxta'aktë wi'ix mja'ay'atëty ijxtëm pyaat'atyën mëti'ipë jä'ä''ajtëtëpën ja Tios, mëti'ipë të myaxtsowëtë ma yajkutukyën ets ma ja myëj'ajt y'oyajtënën.

Tito 3:13

Mo'o ja putëjkën ja nikajpxtutpë Zenas ets ja Apolo mapaat mmëtä'äkyën këtiipë tii myëyajtxëtëty ma tyu'uye'eytyën.

1 Pedro 2:20

Pën yë'ë myajtuktëytyuuntëp ko jam tii xytyuuntëkoytyë, ¿tii oyajtën ënäty mtuuntëp oy xykyu'ëyowëtëty ja mpokyëty? Pën jä'äts mku'ëyo'owëtëp ko oy tii xytyuntë ets mmä'kxtuktë, yë'ë jëtu'unpë ja Tios y'oyjya'ap.

3 Juan 1:12

Oy tsuj ja Demetrio yajnimëtyä'äky ko mëtëy ja oypyë tuny. Näyjyëtu'un ëëtsëty nän oyës nnimëtya'aktë, ets mijts mnija'ap ko mëtëyës nkajpxtë.