2 Samuel 9:7 - Biblia Mixe de Quetzaltepec

⁷ Tä ja David y'ënäny: Këtii mtsë'ëkëty, ëjts janty'oy nmëku'ukjawë, mëëtkyëjxm ja mteety Jonatán. Ëjts tyamës mijts nmooytya'aja'any ja m'apteety Saúl ja nyaax kyamtëjk ets jam xëmë mkayëty m'uukëty maas yë nkaaypyäjnën.

Biblia Dc en Mixe de Quetzaltepec

⁷ Tä ja David y'ënäny: Këtii mtsë'ëkëty, ëjts janty'oy nmëku'ukjawë, mëëtkyëjxm ja mteety Jonatán. Ëjts tyamës mijts nmooytya'aja'any ja m'apteety Saúl ja nyaax kyamtëjk ets jam xëmë mkayëty m'uukëty maas yë nkaaypyäjnën.

2 Samuel 9:7 ပူးပေါင်းရင်းမြစ်များ

Génesis 43:18

E yë'ëjëty ojts tsyë'ëkëtë, ko ënäty jam yajwoownëjkxtë ma ja José ja tyëjkën, tääts nyäy'ënanëtë aak yë'ëjëty: Ya'atë win'ë'ënën yë je'eyë nëkoo, paatykyëjxm yaa të xyajmi'inëm yë'ë ënät xytyukmatsa'anëm ja meeny mëti'ipë ojts xymyooywyimpijtëmën ets ënät xytyuk'akëwanë'ajtmëty ets nmëtu'unmëty ma yë'ëjëtyën tu'ukyë mëët yë njëyujk'ajtëmë.

Génesis 43:23

Tä yë putu'unëpë y'ëtsooy: Jotkujk itë, këtii mtsë'ëkë mjawëtë, yë mTiosëty mëti'ipë m'ëwtajtëpën ets mëti'ipë yë mteetyëty y'ëwtajtypyën, yë'ë ojts tpëjktä'äky yë meeny ma mxa'këtyën, ëjts ojtsës ja meeny n'ëxajë, mëti'ipë ojts xytyukkujuytyën. Tä ja putu'unëpë ojts tyajpëtsëmy ja Simeón pujxn tëkoty ets ojts twoownëjkxy ma ënäty jam ja myëku'ukëtyën.

2 Samuel 12:8

Ëjts mijts të nmo'oy yë kutujkëntëjk, mëët ja to'oxytyëjktëjk mëti'ipë ja Wintsën myëtuuntëpën ets ma ja naax kajpnën ma ja Israel ets Judá tnitänën. Ka'ap yi'iyëty ni'ikyënëm winë njaaktimmyo'oja'any.

2 Samuel 19:28

ëjts mëëtës yë nteety n'ap ets n'u'unk n'ëna'k xynyitëjkëtyëpës ets n'ooktëtyës ma mijtsën mëj'ënä'ämpë, ëjts ni'ikyënëmës ojts xymyo'oy ja nka'ayënës n'ukënës ma mijts mkay m'uukyën. ¿Tyam tiijës njaaktimy'amëtowëp yë mëj'ënä'ämpë?

2 Samuel 19:29

Tä ja yajkutujkpë y'ëtsoowë: Ka'ap tii winma'any n'ëkpatnës, tëëjës nikäjpxy ets mijts mëët yë Sibá xyajwa'xtëty ja mnaax mkamëty.

2 Samuel 19:33

Paaty ja yajkutujkpë t'ënëmaay ja Barzilai: Pajaamkës jam Jerusalén, jam mijts nkëwent'atëty.

2 Samuel 21:7

oy ojts tjapa'ëyoy ja Mefi-bóset, Jonatán ja myaank, Saúl yë y'u'unk, mëët ko tjaja'aymyejtsy wi'ix ënäty mëët ja Jonatán ja käjpxytyu'unën të tunyën.

2 Samuel 9:1

Tu'kxëëw tu'ktiempë ojts yë David tyajtëy ja ja'ayëty ets y'ënäny: ¿Këtii jëtäätën maa pën y'ëkjuuky'ajnë mëti'ipë yë Saúl myëku'uk'ajtypyën ets jeexyë nkumayës mëët ko ja Jonatán ijty oy mëët näjyawëtyësë?

2 Samuel 9:10

E mijts yam ntuknipëjkyp ets xyajtunëty tääpë naax kam; ja mëti'ipë ënäty jam myajpëtë'kpyën kamwinm tu'uwinm jap xypyëjkë'ëkëty ma tu'uk yë tëjkën ets jëtu'un tmëët'atëty ja jyi'kxy pyiky ja Saúl ja jyä'äy mëti'ipë jää jaakyajpatëpën; oy yë Mefi-bóset jam y'ita'any maas yë ntëjkën ets jam tu'ukyë mëët nkayä'äny n'uuka'anyës maas yë nkaaypyäjnën. E ja Sibá jä'ä ënäty ja y'ëna'k nimajktu'uk ets i'px yë tyuunpë,

2 Samuel 9:11

tä y'ëtsooy: Tëkokyë mëti'ipë mijts të xynyi'ënä'ämën Wintsën, tyam jëtu'un yajtunëty. E ja Mefi-bóset jam ojts tyimkay tyim'uuky tu'ukyë mëët ja David ma ja kyääytyaknën, jëtu'un jam y'ijty tä jeexyë yë'ë kë'ëm timy'u'unk'atyën.

2 Samuel 9:13

Ja Mefi-bóset, mëti'ipë mäjtskpa'ajëty tekymya'at, jam tsyënaay Jerusalén, jä'ä ko jam kyääy y'uky xëmë ma David yë tyëjkën, ja yajkutujkpë.

2 Samuel 9:3

Ënät ja ënä'ämpë yajtëëwë: ¿Ka'ap xynyijawë'aty jam muum pën jyaak yajpaaty yë Saúl yë jyä'äy mëti'ipë jeexyë nmoopyënës tu'uk yë näkyumayë mëët yë Wintsën xyëëwkëjxmë? Tääts ja Sibá y'ëtsooy: Tam tu'uk jyaakjuuky'äty yë Jonatán yë myaank, tekymya'at mäjtskpa'ajëty.

1 Reyes 2:7

Yë'ë tëy yë Barzilai, jampë kyukajpnëtyën Galaad, m'oyjyawëp ets myajkay myaj'uukëp, jä'ä ko yë'ëjës ojts mëk xykyëwent'aty koos ja Absalón xyajkeky xyajpujty.

2 Reyes 25:29

Jëtu'un'äämpy ja Joaquín ojts ja wyit tjäänë mëti'ipë jap pujxn tëkoty myë'ijtypyën ets jä'ä mëët kyääynyë y'uknë ja Babilonyë yajkutujkpë, jëtu'un ojts jyaakjuuky'äty.

Salmos 41:9

Yë'ëpaat yë nmëku'ukës mëti'ipës ënäty mëët oy nnäjyawëtyën, mëti'ipës ënäty mëët tu'ukyë nkay n'uukyën, nän tëës xymyëtsiptsoony.

Jeremias 52:33

Ko ja Joaquín jap pyëtsiimy pujxn tëkoty, ojts tjäänë ja wyit mëti'ipë jap pujxn tëkoty myë'ijtypyën ets ja oypyë ja wyit tuktëjkëy. Jëtu'un mëët tu'ukyë kyääy y'uky ja Babilonyë yajkutujkpë ets jam tsyënaay, mapaat jyaak juuky'äjtyën.

Zacarías 7:9

Ya'atës yam ni'ënä'ämëp: Ko miitsëty mëtëy winë xynyipaye'eytyëty ets oy mja'ay'atëty, mëët'atëp yë pa'ëyo'owën najts'ëyo'owën nixim niyam.

Mateo 6:11

Mooytyëkës tyam ja ka'ayën ukën mëti'ipës nyajmëyajtëpën.

Lucas 22:30

Ets jam mkaytyëty m'uuktëty maas ja nkaaypyäjnën mëti'ipë yajpatpën maas yë nkutujktaknën, ets mnaaxwäätstëty ma ja kutujktaknën ets xypyaye'eytyëty ja majkmäjtsk pëkpyë ja Israel ja y'u'unk y'ok.

Apocalipsis 3:20

Ixtë, ëjts yamp tëjk pijkxp; pën xyyo'kmëtoopës ets tyaj'ëwa'atsy ja tëjk'aaw, tëkäjaanpës jap ma tyëjkën ets mëët n'a'ux'ata'anyës.

1 Samuel 12:24

Yi'iyë tëy tsojkëp ets miitsëty xywyinkutsë'ëkëtëty yë Wintsën Tiosë ets xëmë yë'ë xy'ëwtatëty mëët yë tëyajtën ets winë aaw winëjot. Nijëna'a xykyaja'atyëkoytyëty mëti'ipë yë'ë oy winë tyuunpyën mëët miitskyëjxmëty ets xytyuk'oy'atëty.

1 Samuel 20:15

këtii nijëna'a xyjyä'äytyëkoyëty ja m'oyjot m'oywyinma'any maas ja n'u'unk n'ëna'kën ets n'u'unk nto'oxytyëjkën. Jëtu'un'äämpy nëjkx tjëkyepy wi'ix mëpaat ja Wintsën näjyëtu'un tëytyuny ja mëtsiptëjk ets tim yajkutëkooytya'ajëty. Jëtu'un'äämpy ja Jonatán ojts ja käjpxytyu'unën tuny mëët ja David.

1 Samuel 22:23

E këtiits mtsë'ëkë mjawë wë'ëm yaa mëët ëjts, jä'ä ko pën myaj'ookanëp, näjyëtu'unës xyaj'ooka'any. E ko yaa myajpaatëty mëët ëjts jotkujk m'itëty ets ka'ap tii mjatëtëty.