2 Samuel 9:10 - Biblia Mixe de Quetzaltepec

¹⁰ E mijts yam ntuknipëjkyp ets xyajtunëty tääpë naax kam; ja mëti'ipë ënäty jam myajpëtë'kpyën kamwinm tu'uwinm jap xypyëjkë'ëkëty ma tu'uk yë tëjkën ets jëtu'un tmëët'atëty ja jyi'kxy pyiky ja Saúl ja jyä'äy mëti'ipë jää jaakyajpatëpën; oy yë Mefi-bóset jam y'ita'any maas yë ntëjkën ets jam tu'ukyë mëët nkayä'äny n'uuka'anyës maas yë nkaaypyäjnën. E ja Sibá jä'ä ënäty ja y'ëna'k nimajktu'uk ets i'px yë tyuunpë,

Biblia Dc en Mixe de Quetzaltepec

¹⁰ E mijts yam ntuknipëjkyp ets xyajtunëty tääpë naax kam; ja mëti'ipë ënety jam myajpëtë'kpyën kamwinm tu'uwinm jap xypyëjkë'ëkëty ma tu'uk yë tëjkën ets jëtu'un tmëët'atëty ja jyi'kxy pyiky ja Saúl ja jyä'äy mëti'ipë jää jaakyajpatëpën; oy yë Mefi-bóset jam y'ita'any maas yë ntëjkën ets jam tu'ukyë mëët nkayä'äny n'uuka'anyës maas yë nkaaypyäjnën. E ja Sibá jä'ä ënety ja y'ëna'k nimajktu'uk ets i'px yë tyuunpë,

2 Samuel 9:10 ပူးပေါင်းရင်းမြစ်များ

2 Samuel 16:3

¿Maajën ja y'okmaank ja mwintsën? jëtu'un ja yajkutujkpë yajtëëwë. Jam ja Jerusalén të wyi'imy, jëtu'un y'ëtsooy ja Sibá, jä'ä ko jëtu'un myäy tyäjy kooxyëp ntij ënät ja kyutujkën jatëkok nyawinpitëty mëti'ipë ja tyatwelë patëpën.

2 Samuel 19:18

ets tuknajxy ja mëjnëë, tputëkëja'any ja yajkutujkpë ja y'u'unk y'ëna'k ets ja y'u'unk tyo'oxytyëjk ma ja mëjnëë jam tuknaxa'antën; jëtu'unts tmë'oypyëka'any ja yajkutujkpë. Tam ënäty ja yajkutujkpë tyimnëëtëjkënë, ko ja Simí twinkuwa'këy,

2 Samuel 19:28

ëjts mëëtës yë nteety n'ap ets n'u'unk n'ëna'k xynyitëjkëtyëpës ets n'ooktëtyës ma mijtsën mëj'ënä'ämpë, ëjts ni'ikyënëmës ojts xymyo'oy ja nka'ayënës n'ukënës ma mijts mkay m'uukyën. ¿Tyam tiijës njaaktimy'amëtowëp yë mëj'ënä'ämpë?

2 Samuel 21:7

oy ojts tjapa'ëyoy ja Mefi-bóset, Jonatán ja myaank, Saúl yë y'u'unk, mëët ko tjaja'aymyejtsy wi'ix ënäty mëët ja Jonatán ja käjpxytyu'unën të tunyën.

2 Samuel 9:7

Tä ja David y'ënäny: Këtii mtsë'ëkëty, ëjts janty'oy nmëku'ukjawë, mëëtkyëjxm ja mteety Jonatán. Ëjts tyamës mijts nmooytya'aja'any ja m'apteety Saúl ja nyaax kyamtëjk ets jam xëmë mkayëty m'uukëty maas yë nkaaypyäjnën.

1 Reyes 2:7

Yë'ë tëy yë Barzilai, jampë kyukajpnëtyën Galaad, m'oyjyawëp ets myajkay myaj'uukëp, jä'ä ko yë'ëjës ojts mëk xykyëwent'aty koos ja Absalón xyajkeky xyajpujty.

2 Reyes 25:29

Jëtu'un'äämpy ja Joaquín ojts ja wyit tjäänë mëti'ipë jap pujxn tëkoty myë'ijtypyën ets jä'ä mëët kyääynyë y'uknë ja Babilonyë yajkutujkpë, jëtu'un ojts jyaakjuuky'äty.

Jeremias 52:34

Yë Joaquín, mapaat jyaak juuky'äjtyën, ojts myo'oyë yë Babilonyë yajkutujkpë yë näypyutëkë winjëpom; yë'ë ojts yajkay yaj'uukyë ets kyëwent'atyën mapaat y'oknën.

Lucas 14:15

Ko ya'atë tmëtoowtë, tu'uk mëti'ipë ënäty jam yajpatpën t'ënëmaay ja Jesús: Akujk jotkujk ja'ay yajpaaty mëti'ipë kääpy ukpën ma Tios ja kyutujktaknën.