2 Samuel 8:6 - Biblia Mixe de Quetzaltepec

⁶ Ojts yë David jam tyajwë'ëmy yë tsyiptuunpëtëjk ma ja Damaskë ja y'itjotmën, jëtu'un'äämpy ja sirië ja'ayëty ojts ja David tmëmëtowtë ets ojts yajtuknipëktë nyäkyuyakëtëty. Tä yaj'ixy ko ja Wintsën pyutëjkëp ja David oy maa tyimnëjkxy.

Biblia Dc en Mixe de Quetzaltepec

⁶ Ojts yë David jam tyajwë'ëmy yë tsyiptuunpëtëjk ma ja Damaskë ja y'itjotmën, jëtu'un'äämpy ja sirië ja'ayëty ojts ja David tmëmëtowtë ets ojts yajtuknipëktë nyäkyuyakëtëty. Tä yaj'ixy ko ja Wintsën pyutëjkëp ja David oy maa tyimnëjkxy.

2 Samuel 8:6 ပူးပေါင်းရင်းမြစ်များ

2 Samuel 10:19

Ko jëtu'un t'ijxtë ja wiinkëtypë ja kajpn mëti'ipë ënäty mëët oy të nyäyaj'itëtën ja Hadad-ézer ko ja David ka'ap ni pën tyajmëtä'äky, tääts ojts mëët ja nay'ëëw'oy näkyajpx'oyë timtyuntë ja Israel ja'ayëty ets ojts jä'ä ja David tyuunpë'ajtënëtë. Je'eyë jëtu'un ojts ja Siria ja'ayëty y'ënanëtë mëët ja tsë'ëkë ko ka'ap ja Amón ja'ayëty nijëna'a t'ëkputëkëjanëtë.

2 Samuel 23:14

David tam ënäty yajpaaty ma tu'uk ja kajpnën ta'tspëkpyë, ko ja filistejë ja'ayëty nyäpyëjktakëtë jam Belén.

2 Samuel 3:18

E tyamts jëtu'un ja xëëw të tpaaty ets jyëtu'un'atëty, jä'äxë ko yë Wintsën tëë yë David tyukwinwanëty ko yë'ë ja Israel kajpn tyaj'ëwaatsëpëtsëmëty ma ja myëtsipën, tä yë filistejë ja'ayëtyën ets tëkokyë jënu'un myëtsip'atyën.

2 Samuel 5:10

Ja David ja kyutujkën ni'ikyë ojts myëjë kyëjääjë ets ja Wintsën mëti'ipë maaytyääyëpën winë ojts ja putëjkën myo'oyë oy tyimmaajëty.

2 Samuel 7:9

tyam xëmë ënät njämyëët'aty oy maa mtimnyijkxy; tëëjës yë mmëtsip nyajkutëkooytyä'äy mëti'ipë ënäty ëxëëk m'ixëpën ets mëj'äämpy të nyajnaxy tä yë ja'ayëtyën mëti'ipë mëj'äämpyëtyën yaa naaxwiiny naaxkëjxy.

2 Samuel 8:14

Ojts jam Edom tyajwë'ëmy yë tsyiptuunpëtëjk ets tëkokyë yë Edom ja'ayëty aakyë'ë ojts ja David y'ënä'ämëtë, ja mëti'ipë ënäty xëmë ja Wintsën putëjk pupäjtëpën oy maa tyimnëjkxy.

2 Samuel 8:2

Ojts näjyëtu'un tyajkutëkoy ja Moab ja'ayëty: Ka'ap tyaj'oky ni'ëmukë, je'eyë ojts tkijpxy mëët tu'uk yë tejpxy; mëti'ipë wyinnajxypyën ja tejpxy jä'ä yaj'o'k e mëti'ipë naje'eyë patëpën ja tejpxy jä'ä juuky yajwë'ëm. Jëtu'un'äämpy ja Moab ja'ayëty ja David ka'ap yajmëta'akëtë ets ojts tyuk ënä'ämëtë nyäkyukëpätëtëty.

2 Samuel 8:7

Ja David ojts tjä'ä'ajta'ay ja mëti'ipë ënäty ja Hadad-ézer myëtsiptuuntëpën, tä ja akëëytyukën aak pu'ts pujxnpë ets tmënëjkxtaay jam Jerusalén.

1 Reyes 4:21

Yë Salomón wäänë mëj ijty muum ja kyutujkën yajnikäjpxy, këtiinëm jyëtu'unëty ja wiinkëtypë ja kutujkëntëjk; jampaat ja kyutujktakn y'ëwtijty ma nëëjoy yajtijyën Éufrates ets nyäxy ma ja filistejë ja'ayëtyën; tyimja'ty jam Egiptë. Tëkokyë ja ja'ayëty aak ayajk aak ako'onëtyëp ijty mapaat ja Salomón yajkutujkyën.

2 Reyes 1:1

Ko y'o'ky ja Ahab, tä yë Moab ojts tmëtsiptsoony yë Israel kajpn.

2 Reyes 14:28

Ja nyikäjpxy nyimëtyä'äky ja Jeroboam, mëti'ipë tyuunën ets wi'ix ojts winë tunyën tkäjpxyën, ma tsyiptuunyën ets wi'ix ojts jatëkok tjä'äpëkyën ja Damaskë kajpn ets ja Hamat kajpn mëti'ipë ja Israel ja'ayëty jyä'äy'ajtën, jap myiinta'ay kuja'ay ma nokyën mëti'ipë nyoky'ajtëpën ja yajkutujkpëtëjk mëti'ipë ojts jam y'ënä'ämtën Israel.

2 Reyes 18:7

Paaty ja Wintsën ojts mëj këjää pyutëkëty, oytyiijëty timtyuuny, aak'oy ojts wyimpëtsë'ëmxëty. Yë Ezequías ka'ap ojts tkupëky ets Asiria yajkutujkpë jam y'ënä'ämëty ma ja Israel ja'ayëtyën.

2 Reyes 3:4

Mesá, mëti'ipë jam yajkutujkpën Moab, yë'ë ijty tyuunk'ajtyp ma ja ja'ay tyajmayën ja tsajppax, kupixyny, e yë'ë xëmë ënäty pyäätyë tkukëpätëty ja mëti'ipë jam myëët'ajtypyën, jä'ä ijty tyäky mëko'px mil ja tsajpkaa ets mëko'px mil ja kupixyny mëët ja nyipixyny, yajmo'oy ja yajkutujkpë jampë Israel y'ëne'emyën.

1 Crónicas 18:13

David ojts jam jyä'äy t'ëxmatsy mëti'ipë tsiptuuntëpën ma ja Edom y'itjotmën, tëkokyë Edom ja'ayëty aakyë'ë David ojts y'ënä'ämta'ajëtë; David yajxon ënäty Wintsën pyutëkëty oy matsow tyimnëjkxy.

2 Crónicas 17:2

Ojts tpëjktä'äky këwent'ajtpë maajaty yë Judá tnitänën ets maajaty ja naax kajpnën mëkpë yajpaatën mëti'ipë naapotsyën; maajaty ja Efraín ja jyä'äy y'itë tsyëënëtën, wa'ats jam tyajwintujktaay mëët ja këwent'ajtpë.

Salmos 140:7

Wintsën, Wintsën yajnitsokpë mëti'ipë maaytyääyëpën winë, këwent'ajtkës yë njot nkëpajk oy muum tsipjoty nyajpaatyës.

Salmos 60:10

Jä'äxë ko mijts, Tios, tëës xy'ëxwa'antë; ka'ap tyam xy'ëkpanëjkxnë ja ntsiptuunpëtëjkëtyës.

Proverbios 21:31

Yë ja'ay ko nyëjkxa'any tsiptuunpë jëyëjp tnipëjktaakë yë kwaay; e yë Tios yë'ë y'ëwatsyp ko ja'ay myëtä'äky tsipjoty.

1 Samuel 13:3

Ja Jonatán ojts jam tpawojpkäkta'ay ja filistejë ja'ayëty mëti'ipë ënäty jam Guibeá këwent'ajtëpën, e ja filistejë ja'ayëty ojts tnijawëtë ënätyë. Paatykyëjxm ojts ja Saúl tyäky ënätyë ja nija'awën maajaty ja naax kajpn tnitänën ja Israel ets txuxmujkta'atëty ja hebreo ja'ayëty.

1 Samuel 14:1

Tu'kxëëw tu'kjëmëjt yë Jonatán mëti'ipë myaank'ajtypyën yë Saúl, ojts t'ënëëmë yë tyuunpë: Pamiinkës, tsojk ntuknajxëmë yë mëjnëë, wä'än ntsiptu'unëmë mëët yë filistejë ja'ayëty jampë yajpaatën awinmtsow. E ja Jonatán ka'ap tuk'ëwa'anëy ja tyeety.

1 Samuel 14:15

Tëkokyë ja filistejë ja'ayëty mëti'ipë ënäty jam yajpatëpën ma ja y'ijtaknëtyën ets mëti'ipë ka'apën ojts ja tsë'ëkë tyuktëjkëtya'ajëtë. Jëtu'un ja tsiptuunpëtëjkëty mëti'ipë këwent'ajtëpën ets mëti'ipë je'eyë tsiptuuntëpën ojts tsyë'ëkëtëjkëtya'atë. Jää ojts näjyëtu'un yë naaxwiinyëtë yu'kxy mëk ets ja ja'ayëty ni'ikyë tsyë'ëkëtëjkëtyääytyë.

1 Samuel 14:6

Ets ja Jonatán t'ënëmaay ja tyuunpë: Jotëkoy ja'amtë jamtsow awinm ma yajpaatën tääpë ja'ayëty ka'apë tnijawëtën pën y'ëwtatëpën. Kooxyëp yë Wintsën xynyaputëjkëmëty. Jä'äxë ko mëët yë'ë ka'ap jyatsipëty ko xyajmëta'aka'amëty oy yë ja'ay nyimayëty ëkë nyiwäänëty.