2 Samuel 8:18 - Biblia Mixe de Quetzaltepec

¹⁸ E ja Benaías, yë myaank yë Joiadá, yë'ë ijty jam winë y'ijxpy tyuunpy ma ja Queret ja'ayëtyën ets ja peleteëja'ayëtyën mëti'ipë ja David këwent'ajtëpën. Yë David yë y'ëna'k aak teety y'ijtë.

Biblia Dc en Mixe de Quetzaltepec

¹⁸ E ja Benaías, yë myaank yë Joiadá, yë'ë ijty jam winë y'ijxpy tyuunpy ma ja Queret ja'ayëtyën ets ja peleteëja'ayëtyën mëti'ipë ja David këwent'ajtëpën. Yë David yë y'ëna'k aak teety y'ijtë.

2 Samuel 8:18 ပူးပေါင်းရင်းမြစ်များ

1 Samuel 30:14

Jamës ënäty ojts të nmäätstë apa'tkë'ëmtsow ma Queret ja'ay tnitänëtën ets Judá ja'ayëty ets Caleb ja'ayëty, tëëjës näjyëtu'un nino'oktë yë Siclag kajpn.

1 Crónicas 18:17

Benaías, yë Joiadá myaank, yë'ë ojts yajtuknipëky ets twinye'eyëty ja ja'ayëty mëti'ipë yajtijtëpën Queret ets peleteos. Yë David y'ëna'k yë'ë ijty mëk putëjkëtyëp.

2 Samuel 20:23

Joab yë'ë ojts tmëwë'ëmy tëkokyë ja tsiptuunpëtëjk mëti'ipë jam yajpatëpën ma Israel kajpnën, e ja Benaías, yë Joiadá myaank yë'ë ojts twinkuwa'akë ja Queret ja'ayëty ets ja peleteos ja'ayëty ets tu'uwinye'eyëty ya'atë tsiptuunpëtëjkëty.

2 Samuel 20:7

Ënät ja Queret ets peleteos ja'ayëty, mëti'ipë yë Joab tyu'uwinye'epyën ma tsyiptuntën tsyo'ontë jam ma ja yajkutujkpën mëët nitëkokyë yë tsyiptuunpëtëjkëty, yë'ë tu'uwinwoowëtëp yë Abisai ets nëjkx ja Sebá mëët tsyiptuna'antë.

2 Samuel 15:18

Jam tëjkpë'am, jam nyäpyëjktaktaayëtë ja jyä'äy mëti'ipë nyiwintsën'ajtëpën ja tsiptuunpë ja'ayëty, e ja Queret ja'ayëty ets ja peleteos ja'ayëty mëti'ipë kyëwent'ajtëpën ja yajkutujkpë ets ja nitëtujk mëko'pxpë ja quereteos ja'ayëty mëti'ipë ënäty ja David të tpaye'eyë'ëktën jam Gad, jä'ä jëyëjp nëjkxtëp.

1 Reyes 1:44

ets tëë tni'ënä'ämë ets teety Sadoc mëët yë Natán, käjpxynyajxpë; teety Benaías, yë Joiadá myaank ets Queret ja'ayëty, peleteos ja'ayëty, tjämyëët'atëty yë Salomón; tëë tyajpatë jam jëyujkëjxy, mëti'ipë ijty tyuk'u'unyääpyën ja yajkutujkpë.

1 Reyes 1:38

Ënät ja teety Sadoc ets ja käjpxynyajxpë Natán, ja teety Benaías, ja Joiadá ja myaank, ja Queret ja'ayëty ets ja peleteos ja'ayëty, mëti'ipë ja David ijty këwent'ajtëpën ojts tninëjkxtë ja Salomón ets jam tyajpäjtë jëyujkëjxy, mëti'ipë ijty ja yajkutujkpë David tyuk'u'unyääpyën, tä tyajnëjkxtë jam Guihón.

Sofonías 2:5

Mon tuk miitsëty myajpaatë, Creta ja'ayëty, mejypyë'aaypyë tsyëënëtën. Tëë yë Tios myajnitukëtë: Mijts Canaán kajpn, ma filistejë ja'ay tsyëënëtën, nyajkutëkoyäämpy yam ets ni tu'ukës ja'ay nkayajwë'ëma'any ma mnaax mkajpnën.

Ezequiel 25:16

Paaty ëjts maas nWintsën'atyën, jëtu'unës n'ëna'any: Nnipëtë'ëkäämpyës yam yë filistejë ja'ayëty ets ntëytyuna'antës; nyajkutëkooyäämpyës yë quereteos ja'ayëty ets tu'kë'ëyë mëti'ipë jam nëëpë'am të jyaakwë'ëmtën.

1 Reyes 4:4

Benaías, yë myaank yë Joiadá, yë'ë ojts niwintsën'aty yë tsiptuunpëtëjk; yë Sadoc ets Abiatar, yë'ë ojts y'itë teety;

2 Samuel 20:26

Yë Irá, jampë tsyoonyën Jair, nän teety ojts y'ity ma ja David ja kyutujktaknën.

1 Reyes 1:8

E kajts ojts tuk'ëwaanë ja teetytyëjkëty mëti'ipë xyëëwajtëpën Sadoc, Benaías, myaank yë Joiadá ets nän ka'ap tnija'awëy ja Natán mëti'ipë ja Wintsën ja y'aaw y'ayuk y'akajpxëpën ets ni yë'ë Simí kyayajwooy mëti'ipë ënäty mëët ja yajkutujkpë oy nyäjyawëtyën, mëti'ipë myëtuuntëpën ja yajkutujkpë, nän ka'ap tu'ukën tnija'awëtyë ja tsiptuunpëtëjk mëti'ipë mëj'äämpy ijtëpën.

1 Reyes 2:25

Ënät ojts ja Benaías, ja Joiadá myaank tuk'ëne'emy ets tyaj'ookëty ja Adonías, jëtu'un ja Adonías y'o'ky.

1 Crónicas 11:22

Benaías, yë myaank yë Joiadá, jampë kyukajpnëtyën Cabseel, jotmëk ijty, ojts winë tuny kutsë'ëkëtypë. Yë'ë yaj'o'k nimäjtsk ja Ariel ja myaank jampë tsyoontën Moab. Ets tëkok ojts tyaj'ooky jap jutjoty tu'uk yë mëj kaa, pu'tskaa, yajxon ënäty tyitykyëty ets wiinkëm ënäty tip kya'anë.

1 Reyes 4:5

Azarías, yë myaank yë Natán, jä'ä ojts y'ity tëjk këwent'ajtpë; e yë Zabud, yë myaank yë teety Natán, jä'ä ojts y'ity kajpxtëëpë ma ja yajkutujkpën;

2 Reyes 11:4

Kom wëxtujk jëmëjt, yë Joiadá ojts tmëkajpxmujkta'ay ja tsiptuunpë wintsën ets ja Queret ja'ayëty mëti'ipë kyëwent'ajtëpën ja yajkutujkpë ets ja mëti'ipë ja kutujkëntëjk kyëwent'ajtëpën, tääts jap tkuwo'owëtyääy tsajptëkoty, ma ja Wintsën ja tsyajptëjkën, jap ënäty yë Joiadá yajpaaty. Japts ojts yë käjpxytyu'unën tuntë ets tuk'ixy ja yajkutujkpë ja myaank mëti'ipë xyëëwajtypyën Joás.