2 Samuel 8:11 - Biblia Mixe de Quetzaltepec

¹¹ Yë David aakyë'ë ojts yë Tios tmooytyä'äy winë, tä yë pu'ts pujxn, poop pujxn, tsuxkpujxnën, mëti'ipë muum yajtso'ontëpën ma ja kajpn tmëmëta'aktën:

Biblia Dc en Mixe de Quetzaltepec

¹¹ Yë David aakyë'ë ojts yë Dios tmooytyä'äy winë, tä yë pu'ts pujxn, poop pujxn, tsuxkpujxnën, mëti'ipë muum yajtso'ontëpën ma ja kajpn tmëmëta'aktën:

2 Samuel 8:11 ပူးပေါင်းရင်းမြစ်များ

1 Reyes 7:51

Ko y'apatëtyääy ja tuunk mëti'ipë ënäty ja yajkutujkpë Salomón të tni'ënä'ämën ma ja tsajptëjkën, ënät tmënëjkxtaay jap tsajptëkoty ja apëjk atu'unën pu'ts pujxn mëëtpë ets ja poop pujxn mëëtpë mëti'ipë ënäty ja tyeety David të tukmëyoxyën ja Wintsën ets jap tpëjktaktaay ma nyipetyën ja Wintsën ja jyä'ä.

Miqueas 4:13

Pëtë'ëk ets yajpajk'at ja mtsajpmok mijts Sión kajpn. Jä'ä ko yë Wintsën jëtu'un y'ënä'äny: Jëtu'un nyajmëk'ata'any tä tu'uk yë tsajpkaa ëna'kën, mëti'ipë wyaj juunën jëtu'un tä juunpujxnën ets jëtu'un yë tyekxyooky tä tsuxkpujxnën ets ëxëëk xytyunëty may ja naax kajpn. Mijts nëjkx xypyëjkëtyä'äy ja wyit myeeny mëti'ipë të tpaatyën ko ëxëëk të y'ëti'itsy të y'ënä'äny ets nëjkx ëjts xytyukmëyoxyës, ëjts Wintsën mëti'ipë nyiwintsën'ajtypyën tëkokyë yë naaxwiinyëtë.

1 Crónicas 29:2

Ëjts tëëjës yajxon mëk nyajnimëjaawtä'äky ets të mpata'ayës winë mëti'ipëjaty tunaanpën ma kyoja'anyën ja Wintsën ja jyëën tyëjk: Pu'tspujxn, poop pujxn, tsuxkpujxn, juunpujxn, kepy, tsaa. Tëës näjyëtu'un npaaty oytsyaa mëti'ipë tsuxk, tsapts ets mëti'ipë tunaanpën ma mëët wiinkëtypë yajxëpina'anyën.

1 Crónicas 18:11

David aakyë'ë ojts ya'atë Wintsën tmooytyä'äy, mëët tëkokyë ja pu'ts pujxn ets ja poop pujxn, mëti'ipë pyëjkëyën ja Edom, Moab, Amón ja'ayëty, filistejë ja'ayëty ets ja Amalec ja'ayëty.

2 Samuel 8:10

Ënät ja myaank tkejxy jam ma ja David yajpaatyën ets tuknikejxy yë poop pujxn, pu'ts pujxn ets tsuxkpujxn ets tkajpxpo'kxa'any ets tukxoonta'aka'any ko ja David të tyajtëkoy ja Hadad-ézer, jä'ä ko yë Toi xëmë ënäty myëmayëty yë Hadad-ézer.

2 Crónicas 5:1

Ko kyojtaay tëkokyë winë mëti'ipë ënäty ja Salomón të tni'ënä'ämën kyojëty ets ja Wintsën jä'ä yajtukmëyoxëty, Salomón ojts jap tsajptëkoty tmënëjkxta'ay winë; ja apëjk atu'unën mëti'ipë aak pu'ts pujxn mëët y'oytyunyëtyën, mëti'ipë ënäty ja tyeety David të tukmëyoxyën ja Wintsën ets jap tpëjktaktaay ma ja Wintsën ja jyëën tyëjkën ma jap winë nyipetyën.