2 Samuel 7:21 - Biblia Mixe de Quetzaltepec

²¹ Tëkokyë mëti'ipë të xytyuny të xykyäjpxyën, jëtu'un të tyuny të jyätyë tä mijts kë'ëm të xytyuknipëjktaakën ets të xy'akäjpxyën täätsës ëjts n'ixëty nijawëty;

Biblia Dc en Mixe de Quetzaltepec

²¹ Tëkokyë mëti'ipë të xytyuny të xykyäjpxyën, jëtu'un të tyuny të jyätyë tä mijts kë'ëm të xytyuknipëjktaakën ets të xy'akäjpxyën täätsës ëjts n'ixëty nijawëty;

2 Samuel 7:21 ပူးပေါင်းရင်းမြစ်များ

1 Crónicas 17:19

Wintsën, tëkokyë ya'atë xytyuuntä'äky xykyajpxtä'äkyën mëët ëjtskyëjxm xytyuny xykyäjpxy, jëtu'un tä mijts të xytyuknipëjktaakën ets tyam kë'ëm xytyimnikäjpxy.

Salmos 115:1

Wintsën, ja oyajtën ets ja mëj'ajtën mijts yë mpatëp, ets ka'ap y'ëëts'atë. Ja oyajtën ets ja mëj'ajtën mijts mpatëp mëët ko xymyëët'aty ja tsojkën ja'awën ets ja tëyajtën.

Salmos 138:2

Japës nkoxtanëja'any ma mtsajptëjkën, etsës nkukajpxëja'any yë mtsojkën mja'awën ets mtëyajtën, jä'ä ko yë mxëëw ets m'aaw m'ayuk tëë mijts xypyëjktä'äky ets mëj'äämpy y'itëty ma tëkokyë winë yajpaatyën.

Números 23:19

Yë Tios kajëna'a yë kya'ooky kyatëkoy, yë'ë ka'ap wyin'ëëny ets ka'ap yë y'aaw y'ayuk tukxi'iky. Ko tii tnikäjpxy pyatuumpy, ets ko tii twinwanë yäjkpy.

Mateo 11:26

Jëtu'un Tios Teety, jä'ä ko jëtu'un mijts të xytsyoky.

Mateo 24:35

Këxaanp naxaanp yë tsajp ets naaxwiinyëtë, e yë n'aaw n'ayukës nijëna'a kyakëxa'any kyanaxa'any.

Lucas 1:72

ko tpa'ëyowa'any ja n'ap'ajtëmë, ets ko ka'ap tja'atyëkoyä'äny ja käjpxytyu'unën.

Lucas 10:21

Näy jää it ma ja Jesús ënäty jotkujk nyäjyawëtyën mëët ko ja Kënu'kxymyëkajtën ënäty të tyuktëkëty, ënät y'ënäny: Tios Teety, Wintsën tsajpjotmëpë ets naaxwiinypë, nmëjja'ap njaantyjya'ap mijts, jä'äkyëjxm ko ja ja'ay mëti'ipë yu'unk naxym ja'ay'ajtëpën, tëë xytyuk'ixy xytyuknijawë mëti'ipë të xytyukwinkuyu'tsyën ja wijyjyä'äytyëjk. Jëtu'un, Tios Teety, jä'ä ko jëtu'un mijts të xytsyoky.

Lucas 12:32

Këtii mtsë'ëkëtë, oy miits mja'itë ijxtëm niwäänëpë ja kupixynyën, ja Tios mëët ja y'oyjyot y'oywyinma'any tëë tuknipëjktaakë ko mo'oja'anëtë ja kyutujktakn.

1 Corintios 1:1

Ëjts Pablo, Tiosës ojts xywyin'ixy tsyojkënkyëjxm etsës n'itëty Jesukristë y'apostol, mkajpxpo'kxëtë mëët ja mmëku'uk'ajtëm Sóstenes,

Efesios 1:9

ets të xytyuk'ijxëm ja wyinma'any mëti'ipë ijty ka'ap yajnijawën wi'ix të tuknipëjktaakën tyajwintu'upëka'any mëët ja Kristë.

Efesios 3:11

Jëtu'un ja Tios të tuny winë ma ja Kristë Jesusën ijxtëm tëëyëp tuknipëjktaakën.

Efesios 4:32

Oy mja'ay'atëty ets mnäpya'ëyowëtëp nixim niyam. Nänyimä'kxëtë tu'knax ijxtëm ja Tios të mnimä'kxëtën, ko ja Kristë të xymyëpëktë.

Deuteronomio 9:5

E paaty ka'ap yë'ëkyëjxmëty ko miitsëty oy mja'ay'atë ets ko mëtowtë myajmo'otë ja kuma'ayën; yë Wintsën paaty t'ëxwojpta'ay tääpë ja'ay jä'äkyëjxm ko ja tyu'unën kyajpxënëty ka'ap myëtëyëty ets näjyëtu'un mëët ko tniwa'aka'any ja y'ayuk, mëti'ipë tyukwinwa'anëyën ja Abraham, Isaac ets Jacob, miits ja m'ap m'okëty.