2 Samuel 7:15 - Biblia Mixe de Quetzaltepec

¹⁵ je'eyëp ko ka'apës npëjkëja'any ja nkënu'kxënës jëtu'un tä ja Saúl ojts npëjkënës ets mijts nmooy.

Biblia Dc en Mixe de Quetzaltepec

¹⁵ je'eyëp ko ka'apës npëjkëja'any ja nkënu'kxënës jëtu'un tä ja Saúl ojts npëjkënës ets mijts nmooy.

2 Samuel 7:15 ပူးပေါင်းရင်းမြစ်များ

1 Samuel 15:23

Mëti'ipë ka'ap tkäjpxymyëtoyën yë Wintsën, näjyëtu'un yë pyokytyuny tä najtsja'apën, ets tä yë mëti'ipë yë wiink tios y'ëwtajtypyën, mëti'ipë käjpxykyutëjpën. E komë mijts tëë xy'ijxtijë ja y'aaw y'ayuk, näjyëtu'unts ënät tyam m'ixtijyë ma m'ëne'emyën.

Salmos 89:28

Yë ntsojkënës xëmës nyaj'ita'any ma David jyuuky'ajtënën, ets ja käjpxytyu'unën mëti'ipës mëët të ntunyën itaanp xëmë.

1 Samuel 15:28

Ënät ja Samuel t'ënëmaay ja Saúl: Timjëtu'un tääjës yam yë nwit të xykyë'tsën, jëtu'un yë Wintsën tkëëtsy yë mkutujkën ma Israel kajpn. Ets të tmo'oy tu'uk yë mmëkukajpn mëti'ipë jaak'oy yë jot winma'anymyëët'ajtypyën këtiinëm mijts.

Isaías 9:7

Ets jam nyaaxwäätsa'any ma ja David ja kyutujktaknën; këjääjëjaanp ja y'ënä'ämën kyutujkën, ja jotkujk'ajtën ka'ap nëjkx nijëna'a kyixy nyäxy; ja kyutujkën ta'tspëky nëjkx yajpaaty, nëjkxëp tuny ja oypyë nipaye'eyën ets ja tëypyë jaantypë winë xëëw winë kyëjxm. Mëët ko yë Wintsën tmëët'aty yë tsojkën ja'awën, mëti'ipë maaytyääyëpën winë, paaty nëjkx jëtu'un tyunyë jyätyë.

1 Reyes 11:13

E kajtsës yam ntimy'ënä'äny ets tëkokyë ntimpyëjkëtya'aja'anyës ja kyutujkën: yë'ëjës ntukmëwë'ëmäämpy tu'uk yë jyä'äy, mëët koos njoot'aty ja mteety ets ja Jerusalén kajpn mëti'ipës kë'ëm nwin'ijxën.

2 Samuel 7:14

Ëjtsës nëjkx xytyeety'äty ets yë'ë nmaank'atyës. E ko ënäty tyuuntëkoy, nëjkxëpës ntukumëtoy ijxtëm tu'uk yë u'unkteetyën yë y'u'unk tukumëtoyën ko kyamëtä'äky,

1 Samuel 16:14

E tyam ja Saúl ni'ikyë ja Wintsën ja myëk'ajtën y'oyajtën myajtstutënë ets ëxëëk tyuunënë ja ëxëëk poj mëti'ipë yë Tios kyäjxën.

Isaías 37:35

Nkuwa'anäämpyës ets nyajtso'okäänpyës ya'atë naax kajpn mëët koos njot'aty ja ntuunpës David ets mëët koos mëj näjyëkyepyë.

Salmos 89:34

Ka'apës njëjpkajpxtu'uta'any yë nkäjpxytyu'unënës, yë n'ayukës xëmës nkuuytyuna'any.

2 Samuel 7:16

Yë mtëjk ets mkutujkën mëj'äämpy nëjkx xëmë y'ity, jä'ä ko ëjtsës ntimmyajts'itäämpy ets näjyëtu'un yë mkutujktakn xëmë y'ijtëwëty kojy mä'kxy.

Isaías 55:3

Nimiintëkës ets ja'akyukëtë n'aaw n'ayukës, mëtoow'ijtëkës ets mjuuky'atëty. Ëjts ntunäämpyës tu'uk käjpxytyu'unën xëmëkyëjxmëpë y'itëtyën, ets nyaj'atëwa'anyës ja waantakën mëti'ipës ja David ojts ntukwinwanën.

1 Samuel 19:24

Ëpëky ojts nyänyijään nyäy'ixjäänënë ets y'ëti'itsy y'ënä'äny jëtu'un niwa'ats ëxwa'ats ets jëtu'un xyëëwnajxy tsyuunajxy jam ma Samuel wintuuyën. Jam jëtu'un yë ayuk tsyo'ony, mëti'ipë ënaanpën: ¿Näyjyëtu'un yë Saúl käjpxynyajxpë yë'ë?

Salmos 89:33

E ma David ja jyuukyajtënën ka'apës ja ntsojkën nja'awën tu'ukyë njëpëka'any, ja n'oyjot n'oywyinma'anyës xëmë jam yajpaata'any.

Salmos 89:49

Wintsën, ¿maa ja mtsojkën mja'awën të nyijkxy? mijts jëtu'un m'ëna'any ko yë tsojkën ja'awën yë'ë kopkpëky, ojts xytyukwinwanë ja David ko oy winë xytyuna'any ma yë'ëjën.

1 Samuel 15:26

Ka'ap yam mpawinpita'any, jëtu'un y'ëtsooy yë Samuel. Jä'ä ko mijts ka'ap yë Wintsën yë tyiyajtën të xypyatuunë, paaty tyam ka'ap näjyëtu'un m'ëkmëj'ijxënë ma myajkutukyën.

Salmos 89:31

ets pën ka'ap tpatuntë ja n'aaw n'ayukës ets ka'ap tmëmëtowtë yë n'ënä'ämën ntëyajtënës.