2 Samuel 6:5 - Biblia Mixe de Quetzaltepec

⁵ E ja David ets tëkokyë ja Israel ja'ayëty äjtstëp xoontaktëp nyëjkxtë amëjaaw Wintsën wintum, jam ix'am mëët ja xuxpë wojpë.

Biblia Dc en Mixe de Quetzaltepec

⁵ E ja David ets tëkokyë ja Israel ja'ayëty äjtstëp xoontaktëp nyëjkxtë amëjaaw Wintsën wintum, jam ix'am mëët ja xuxpë wojpë.

2 Samuel 6:5 ပူးပေါင်းရင်းမြစ်များ

2 Reyes 3:15

Nëjkx tu'uk yë koowpë yajtsoontë. E ko ja ja'ay tyëjkëy koowpë, tääts ja Elisejë ojts tyukëtä'äkyë ja Wintsën ja myëk'ajtën;

1 Crónicas 13:8

E ja David mëët ja Israel ja'ayëty jëyëjp nyëjkxtë ëëpë yaxpë ets äjtspë Tios wintum, tukxoonta'aktë ja Tios ja xyëëw ëmuumtu'ukjot, mëët ja xuxpë wojpë ets ëëpë koowpë.

1 Crónicas 15:28

Tëkokyë ja Israel ja'ayëty ëëp yaxp nyëjkxtë mëët ja xoontakën jotkujk'ajtën tyajnëjkxtë ja Wintsën ja kyaaxë.

2 Crónicas 20:28

Ko jyajtë jam Jerusalén, aakjam nyëjkxtaaytyë ma tsajptëjkën ëëwpë yaxpë mëët ja xuxpë wojpë.

Salmos 47:5

Yë Tios mëti'ipë Wintsën'ajtpën tëë yë y'ënyääytyakn tpëky ma jam yajkutukëtyën mëët yë xuxpë wojpë ets mëët yë xoontakën mëjpë këjääpë.

Daniel 3:10

Mijts yajkutujkpë tëë xynyi'ënä'ämë ets tëkokyë yë ja'ayëty kyuxtënaaytyakta'atëty ko tmëtoowpaatëty ja xuxpë wojpë y'ënaannta'aktëty,

Daniel 3:15

¿Wi'i m'ëwtatantëp ets mwinkoxtänëjantëp yë awinax mëti'ipës të ni'ënä'ämën ets kyojëtyë ko ënäty ja xuxpë wojpë tyëkëtë xuxpë? Jä'ä ko pën miitsëty ka'ap xy'ëwtatë ya'atë awinax, jap ënät jëëntooytyaknjoty myaj'ajëpipëtëty mëti'ipë jap tyam aanpëjkpën; e ko ënät jap myajpëjkta'aktëty ¿pën tios ënät mnäyajtso'okëtëp?

Daniel 3:5

Ko xymyëtowtëty ja xuxn yajtukxu'uxy ets ja cítara, ja lirë ja salterië ja gaitë ets tu'kë'ëyë xuxn wojpk mëti'ipë ënaanpën, ënätyë mnäykyuxtënaaytyakta'ajëtëty ets xy'ëwtatëty ya'atë ja awinax pu'ts pujxnëmpë mëët y'oytyunyëtyën, mëti'ipë të tni'ënä'ämën yë yajkutujkpë Nabucodonosor ets kyojëty.

Daniel 3:7

Ko ja ja'ay tmëtoowtë ja xuxn ets ja kow y'ënaantä'äky ënätyë ojts nyäkyoxtënaaytyakta'ajëtë ets t'ëwtajtë ja awinax mëti'ipë ënäty të yaj'oytyunyën mëët yë pu'ts pujxn.

Amós 5:23

Këtiis nëkoo xywyin'ëwtëty. Nijënu'unës nkamëtowa'any ja m'ëëwpë mkoowpëty.

Amós 6:5

ets ënät nitsuu nipoj mxu'uxtë mwoptë; m'ëna'antë ko jëtu'un ja David ijty xyu'uxy wyopy, kë'ëm xytsyätstë ja mxuxnëty ets ja mwojpnëty;

1 Samuel 10:5

Ko jam mja'tëty Guibeá mëti'ipë Tios jyä'ä'ajtypyën, ma filistejë tsyiptuunpëtëjk jya'ajta'aktën. Ko jam nkajpntëkëty jam xypyata'any nikanaak yë käjpxynyajxpëtëjk mëti'ipë yaj'ijxtëpën mukëtëp yowë, jam tsyoontë ma tsajptëjkën. Ets ma yë'ë ye'eytyën kanaak yë ja'ay wyinye'eyëtë mëti'ipë yaj'ënantëpën ak, xijn, xuxn ets kow.

1 Samuel 16:16

Paaty yam n'ënëëmëtë ets xynyi'ënä'ämëty etsës n'ixta'atëty tu'uk yë ja'ay mëti'ipë tyukjajtypyën wi'ix tukkowëtyën yë kepykyow, jëtu'unts yë'ë ënätyë tyëkëty koowpë ko mijts mtuktëkëtëty ja monyëtukyë ets ja kuma'ay kutajën.