2 Samuel 6:2 - Biblia Mixe de Quetzaltepec

² ënät tsyo'ontë jam Baalá ma ja Judá tnitänën mëët tëkokyë jënu'un ënäty nyiwinë'atën; ja kaaxë myëtsoonantëp mëti'ipë ja Wintsën jyä'ä'ajtypyën, ma yaj'ëwtatyën ja xyëëw kënu'kxypyë; ja Wintsën mëti'ipë maaytyääyëpën winë; mëti'ipë ja kyutujktakn myëët'ajtypyën itkujky ma ja tsajpjotmëtë kukäjpxy yajpaatën mëti'ipë yajtijtëpën querupines.

Biblia Dc en Mixe de Quetzaltepec

² ënät tsyo'ontë jam Baalá ma ja Judá tnitänën mëët tëkokyë jënu'un ënety nyiwinë'atën; ja kaaxë myëtsoonantëp mëti'ipë ja Wintsën jyä'ä'ajtypyën, ma yaj'ëwtatyën ja xyëëw kënu'kxypyë; ja Wintsën mëti'ipë maaytyääyëpën winë; mëti'ipë ja kyutujktakn myëët'ajtypyën itkujky ma ja tsajpjotmëtë kukäjpxy yajpaatën mëti'ipë yajtijtëpën querupines.

2 Samuel 6:2 ပူးပေါင်းရင်းမြစ်များ

2 Samuel 22:11

Ënät tukwä'tspejty tu'uk yë jëyujk käkn mëëtpë ets myëkääkë'kë, të yajnëjkxënë pojjoty.

Salmos 80:1

Mëti'ipë wyoow'ijtyp wyijts'ijtypyën yë Israel, mëët ko oy yë José xytyu'uwinwoy xytyu'uwinwitsy jëtu'un tä ja'ay yë kyupixyny oy twojpjëtityën, ets ko yë mkutujkën xymyëëtëty itkujky ma Wintsën kyukexyën, mëtoow'it.

Salmos 99:1

Yë Wintsën yë'ë yajkutujkp. Yë y'ënyääytyakn ma yajkutukyën jam yajpaaty kyukäjpxy akujky. Yë naax kajpn jëtu'un jyänty tsyëtyuytyë, ets tëkokyë yë naaxwiinyëtë mapaat y'ëwtityën.

Isaías 47:4

Mëti'ipë ëëts xyaj'ëwaatsëpëtsëëmpën ja Wintsën, wa'atspë yajpaatyën jam Israel, mëti'ipë xyëëwajtypyën Wintsën, mëti'ipë maaytyääyëpën winë, jëtu'un y'ënä'äny:

Isaías 54:5

jä'ä ko ja mëti'ipë ojts myajkojyën, yë'ë mpëkan m'uukanëp. Jä'ä xyëëwajtyp Wintsën mëti'ipë maaytyääyëpën winë, ja wa'ats Tios mëti'ipë yë Israel ja'ayëty y'ëwtajtëpën, mëti'ipë Tios'ajtpën ma tëkokyë naaxwiinyëtë ja'ayën.

Josue 15:60

Ja kajpnëty mëti'ipë yajtijtëpën Quiriat-Baal, mëti'ipë näjyëtu'un yajtijtëpën Quiriat-jearim ets ja Rabá mëët ja myutsk kajpnëty mëti'ipë nyitënaaytyëpën.

1 Pedro 1:12

Tios tyuk'ijx tyuknija'awëy ja kyäjpxynyajxpëtëjk ko ka'ap yë'ëjëty tuk'oy'ata'antë mëti'ipë kyajpxwa'kxtëpën, miits mtuk'oy'atantëp. Tëë ënät tyam miits xy'ixtë xypyaatë mëti'ipë ojts yë'ë tkajpxwa'kxtën ko ojts yajtuk'ëwaanëtë ja aaw ayuk oypyë Kënu'kxymyëkajtën mëët mëti'ipë tsajpjotm tso'onpën. Kukäjpxy paat ojts jëtu'unpë tjanijawëja'antë.

1 Samuel 4:4

Ënät ja Israel ja'ayëty tkäjxtë ja tsiptuunpë nikanaak jam Siló ets tyajmintëty ja kaaxë mëti'ipë ja käjpxytyu'unën myë'ijtypyën mëti'ipë ja Wintsën, mëti'ipë maaytyääyëpën jyä'ä'ajtypyën. Jam ënäty yajpaaty itkujky ma ja Wintsën ja kyukäjpxy y'itën mëti'ipë xyëëwajtëpën querupines. Ojts myintë ja Ofní ets ja Finees, ja nimäjtskpë ja myaank ja Eli, jä'ä pyamiintë ja Tios ja kyaaxë mëti'ipë ja käjpxytyu'unën myë'ijtypyën.

1 Samuel 6:21

Ënät ja käjpxy tkäjxtë jam Quiriat-jearim ets t'ënëmaaytyë ja ja'ayëty jampë kyukajpn'atën: Yë filistejë ja'ayëty tëë jatëkok tyajwinpitë ja Wintsën ja kyaaxë, paaty miits yam npëjktsowtë ets xynyimintëty tääts xymyënëjkxtëty.

1 Samuel 7:1

Ënät ojts jam jyänty jya'të ja Quiriat-jearim ja'ayëty ets tyajtso'ontë ja Wintsën ja kyaaxë. Ko jam tmëja'ajtë kyajpntum jam ojts tpëjkta'aktë ma ja Abinadab ja tyëjkën, jam ijty tunkëjxm tsyëënë; ets tkënu'kxtë ja myaank mëti'ipë xyëëwajtypyën Eleazar ets yë'ë tkëwent'atëty.