2 Samuel 6:12 - Biblia Mixe de Quetzaltepec

¹² Ko ja David yajtukmëmëtyäky wi'ix ënäty ja Obed-edom mëj këjää jam ja näkyënu'kxë tpaatyën ma jyëën tyëjkën ets ma yë'ëjën, ënät ojts nyijkxy akujk jotkujk ets jam tmëtsoona'any ja kaaxë ets tyajnëjkxa'any jam Jerusalén.

Biblia Dc en Mixe de Quetzaltepec

¹² Ko ja David yajtukmëmëtyäky wi'ix ënety ja Obed-edom mëj këjää jam ja näkyënu'kxë tpaatyën ma jyëën tyëjkën ets ma yë'ëjën, ënät ojts nyijkxy akujk jotkujk ets jam tmëtsoona'any ja kaaxë ets tyajnëjkxa'any jam Jerusalén.

2 Samuel 6:12 ပူးပေါင်းရင်းမြစ်များ

1 Crónicas 15:25

Ënät ja David, mëët ja mëjja'aytyëjk ets ja wintsëntëjkëty, mëti'ipë ja tsiptuunpëtëjk y'ënä'ämtëpën, ojts nyëjkxtë jam ma ja Obed-edom ja tyëjkën, ma ja Wintsën ja kyaaxë yajpaatyën ets tmëtsoona'antë mëët ja akujk'ajt jotkujk'ajtën,

Mateo 10:42

Pën myoopy ja nëë tu'ktsim ja pi'k ëna'k mëti'ipës xymyëpëjkpën, tëyës n'ëna'any ko y'ëxajëjäämpy ja kyuma'ayën.

1 Reyes 8:1

Ënät ja Salomón ojts tyajtu'ukmuky jam Jerusalén ja mëjja'aytyëjkëty ets kopktëjkëty mëti'ipë ja jyiiky myëku'uk nyikutuunk'ajtëpën, jampë yajpaatën ma ja Israel kajpnën; yë'ë yajtsoonantëp ja Wintsën ja kyaaxë jam Jerusalén, ma ja David ja kyajpnën.

2 Samuel 5:7

David ka'ap tii mëj tja'awëy, ojts ja kajpn tnitëkë mëti'ipë ënäty yajtijpën Sión, mëti'ipë tyam ja David kyajpn'ajtypyën.

2 Crónicas 5:2

Ënät ja Salomón tyajmujktaay jam Jerusalén ja mëjja'aytyëjk ja kopktëjkëty ets ja yujkyä'kpëtëjkëty mëti'ipë ijtëpën jam ma Israel ja'ayëtyën ets tyajtsoona'antë ja Wintsën ja kyaaxë jam Sión, tmënëjkxa'antë ma ja David ja kyajpnën.

1 Reyes 8:3

Ojts myiinta'atë ja mëjja'aytyëjkëty jampë yajpaatën ma ja Israel kajpnën, tä ja teetytyëjkëty tkëëyë'ktë ja Wintsën ja kyaaxë

1 Reyes 8:4

ets tyajtso'ontë mëët ja nyiwittëjk, ma Wintsën mëët ja näpyaatë y'ityën ets tëkokyë jënu'un jap winë tyunyën, tä ja apëjk atu'unënyën, ojts tmënëjkxta'atë ja Leví ja'ayëty ets ja teetytyëjkëty.

1 Crónicas 15:15

Yë'ë kepy tyukpakëëytyë kyejkyijxyëty, jëtu'un tä ënäty ja Moisés të tni'ënä'ämën ma ja Wintsën ojts myëkäjpxyën.

1 Crónicas 16:16

Ja käjpxytyu'unën mëti'ipë myëët'ajtën mëët ja Abraham, ja käjpxy mëtyä'äky mëti'ipë yaj'ijtën mëët Isaac

1 Crónicas 26:4

Ja Obed-edom ja y'u'unk y'ëna'këty mëti'ipë xyëëwajtëpën: Semaías, ja mëjpë; Jozabad, ja mëmäjtskpë, Joah, ja mëtëkëëkpë; Sacar, ja mëmajktaxkpë; Natanael, ja mëmëkoxkpë;

1 Crónicas 26:5

Amiel, ja mëtëtujkpë; Isacar, ja mëwëxtujkpë ets Peultai, ja mëjkutujkpë. Jä'ä ko Tios tëë ënäty mëj tkënu'kxy ja Obed-edom mëët may ja y'u'unk y'ëna'k.