2 Samuel 5:12 - Biblia Mixe de Quetzaltepec

¹² Jëtu'un'äämpy ja David tja'akyujkëy, ko yë Wintsën ënäty të tjanty yajkutuky ets yë'ë ja naax kajpn tu'uwinwowëty, paaty xëmë pyutëkëty ets ja kyutujkën myëjwiin kyëjääjëty ets yajpaye'eyëty oy ja naax kajpn ja y'amay jyotmay.

Biblia Dc en Mixe de Quetzaltepec

¹² Jëtu'un'äämpy ja David tja'akyujkëy, ko yë Wintsën ënety të tjanty yajkutuky ets yë'ë ja naax kajpn tu'uwinwowëty, paaty xëmë pyutëkëty ets ja kyutujkën myëjwiin kyëjääjëty ets yajpaye'eyëty oy ja naax kajpn ja y'amay jyotmay.

2 Samuel 5:12 ပူးပေါင်းရင်းမြစ်များ

2 Samuel 7:16

Yë mtëjk ets mkutujkën mëj'äämpy nëjkx xëmë y'ity, jä'ä ko ëjtsës ntimmyajts'itäämpy ets näjyëtu'un yë mkutujktakn xëmë y'ijtëwëty kojy mä'kxy.

1 Reyes 10:9

Kënu'kxy mëjjawë yë mWintsën y'ity, ko të mo'oyë ja oyajtën ets ja kutujktakn ma ja Israel ja'ayëtyën. Mëëtkyëjxm ko ja Wintsën oy tsoky tjawë yë nyaax kyajpn. Paaty mijts të mpëjktä'äkyë yajkutujkpë ets xytyu'uwinwowëty mëët ja tëyajtën jaanty'ajtën.

1 Crónicas 14:2

Jëtu'un ja David tnija'awëy ko tëë ënäty ja Wintsën tjanty tyuknipëjktaakë ets yë'ë yajkutukëty ma ja Israel kajpnën, jä'ä ko y'ijxyp ko aak'oy winë wyinpëtsë'ëm jyëjpëtsë'ëmxëty ma ja kyutujktaknën.

Daniel 2:30

Ëjts tëëjës näjyëtu'un nyajtuknijawë ya'atë winma'any mëti'ipë miimp këtakpën, ka'ap yë'ëjëty koos ni'ikës nwijyëty këtiinëm ja wiinkëtypë ja ja'ay, yë'ëkyëjxmës të nyajtuknijawë etsës ntukmëmëtya'akëty yë yajkutujkpë wyinkuma'ay wi'ix nyiwijyën ets tnijawëty tja'akyukëty wi'ix ja jyot wyinma'any y'ënä'änyën.

Ester 4:14

Pën mijts ka'ap tyam wi'ix m'ëna'any ets amonyë m'ity, ja Jutiiyë ja'ayëty wä'änxyëp wiinktsow tpaatëty pën yajtso'okëtëpën, je'eyëp ko nijawë yajxon ko mijts ets mjëëky mmëku'uk kopkpëky ko m'o'kta'atëty. Mijts ka'ap xynyijawë, wä'änxyëp jam të mja'ty ma kutujktaknën ets tyam xypyutëkëty ja mjëëky mmëku'uk ma yajpaatën ëyo'ontum jotmaytyum.

2 Crónicas 2:11

Ënät ja Hiram, ojts tu'uk ja noky tkäjxwinpity, ma t'ënëmaayën ja Salomón: Yë Wintsën, yë'ë të mpëjktä'äkyë ets m'ënä'äm myajkutukëty ma ja Israel kajpnën, mëët jä'äkyëjxm ko mëk tsoky tjawë ja nyaax kyajpn.

2 Samuel 5:11

Paatykyëjxm yë Hiram, jampë y'ëne'emyën Tirë tyuknikäjxë jyä'äy, yë Hiram ojts näjyëtu'un tkexy yë jyä'äy mëti'ipë jyajtëpën yë tsäjtsk pujxk ets pojtsk ets ojts tmënëjkxtë oyëtypë aay kepy ets ja David ojts yajkojy ja kyutujkëntëjk.

2 Samuel 5:13

Ko yë David ojts jam tsyo'onë Hebrón ets nyëjkxnë jam Jerusalén, ojts wiinkpë tyo'oxytyëjk tjaakwoy mëti'ipë ojts tyajmëxu'unk'atyën ja y'u'unk ye'etyëjkpë ets to'oxytyëjkpë.

Números 24:7

Yë Israel ja'ayëty nëjkxëp xëmë yë nyëë tmëët'atë, mëti'ipë y'uukëpën ets mëti'ipë y'ääy y'ujts tyukyajxookëpën, Mëti'ipë yë'ë yajkutujkpë'ajtypyën jampaat nëjkx y'ëne'emy Agag. Yë y'ënä'ämën kyutujkën mëj'äämpy nëjkx y'ity.