2 Samuel 5:10 - Biblia Mixe de Quetzaltepec

¹⁰ Ja David ja kyutujkën ni'ikyë ojts myëjë kyëjääjë ets ja Wintsën mëti'ipë maaytyääyëpën winë ojts ja putëjkën myo'oyë oy tyimmaajëty.

Biblia Dc en Mixe de Quetzaltepec

¹⁰ Ja David ja kyutujkën ni'ikyë ojts myëjë kyëjääjë ets ja Wintsën mëti'ipë maaytyääyëpën winë ojts ja putëjkën myo'oyë oy tyimmaajëty.

2 Samuel 5:10 ပူးပေါင်းရင်းမြစ်များ

Génesis 21:22

Jä'ä xëëw jä'ä jëmëjt ojts yë Abimélec nyijkxy ma jam ja Abraham tsyëënën ets mëët kyajpxa'any myëtya'aka'any, tam ënäty näjyëtu'un pyanëjkxyë ja Ficol, mëti'ipë nyiwintsën'ajtypyën ja tsiptuunpëtëjk. Ënät ja Abimélec ojts t'ënëëmë ja Abraham: Këxë'kp ko yë Tios mëj këjää mputëkëty ma tu'kë'ëyë winë xytyunyën.

2 Samuel 3:1

Ja tsip mëti'ipë tyuuntën ja David ja jyä'äy mëët ja Saúl ja jyä'äy ojts myëjë kyëjääjë ets jeky y'ijty, je'eyëp ko ja David ja jyä'äy ojts yaj'ijxnë ko yë'ë myëtaknëtë ets ja Saúl ja jyä'äy ni'ikyë kyunajknëtë.

2 Samuel 7:9

tyam xëmë ënät njämyëët'aty oy maa mtimnyijkxy; tëëjës yë mmëtsip nyajkutëkooytyä'äy mëti'ipë ënäty ëxëëk m'ixëpën ets mëj'äämpy të nyajnaxy tä yë ja'ayëtyën mëti'ipë mëj'äämpyëtyën yaa naaxwiiny naaxkëjxy.

2 Samuel 8:14

Ojts jam Edom tyajwë'ëmy yë tsyiptuunpëtëjk ets tëkokyë yë Edom ja'ayëty aakyë'ë ojts ja David y'ënä'ämëtë, ja mëti'ipë ënäty xëmë ja Wintsën putëjk pupäjtëpën oy maa tyimnëjkxy.

2 Samuel 8:6

Ojts yë David jam tyajwë'ëmy yë tsyiptuunpëtëjk ma ja Damaskë ja y'itjotmën, jëtu'un'äämpy ja sirië ja'ayëty ojts ja David tmëmëtowtë ets ojts yajtuknipëktë nyäkyuyakëtëty. Tä yaj'ixy ko ja Wintsën pyutëjkëp ja David oy maa tyimnëjkxy.

Job 17:9

Yë'ë wa'ats nyäyajnaxëtë ets jëtu'un y'ëna'antë ko yë'ëjëty ka'ap nitii tuuntëkoytyë.

Salmos 24:10

¿Pën tääpë yajkutujkpë mëti'ipë myëët'ajtypyën mëj'ajt oyajtën? Yë'ë ja Wintsën mëti'ipë winë maaytyääyëpën, yë'ë ja yajkutujkpë mëti'ipë myëët'ajtypyën ja mëj'ajt oyajtën.

Salmos 46:11

Yë Wintsën mëti'ipë maaytyääyëpën winë yaa tyam yajpaaty mëët ëëts'ajtëmë. Yë'ë ntsoktakn'ajtëm mëti'ipë yë Jacob y'ëwtajtën.

Salmos 46:7

Yë Wintsën mëti'ipë maaytyääyëpën winë, yaa tyam yajpaaty mëët ëëts'ajtëmë. Yë'ë ntsoktakn'ajtëm mëti'ipë Jacob y'ëwtajtën.

Proverbios 4:18

Yë nyë'ë tyu'ujëty yë wa'ats ja'aytyëjk jëtu'un yë'ë tä yë xëëw y'aantä'äkyën komjëpom ko jyopyëp'aty. Ni'ikyë y'aantä'äky ets winë tukjajëtyä'äy.

Isaías 9:7

Ets jam nyaaxwäätsa'any ma ja David ja kyutujktaknën; këjääjëjaanp ja y'ënä'ämën kyutujkën, ja jotkujk'ajtën ka'ap nëjkx nijëna'a kyixy nyäxy; ja kyutujkën ta'tspëky nëjkx yajpaaty, nëjkxëp tuny ja oypyë nipaye'eyën ets ja tëypyë jaantypë winë xëëw winë kyëjxm. Mëët ko yë Wintsën tmëët'aty yë tsojkën ja'awën, mëti'ipë maaytyääyëpën winë, paaty nëjkx jëtu'un tyunyë jyätyë.

Hageo 2:4

Zorobabel, jotmëk yajpaat. Josué jotmëk it, ma xynyiwintsën'atyën yë teetytyëjkëty ets nitëkokyë miitsëty kunaax kukajpnëty tuntë mëtowtë, ëjts tääjës nyajpaaty mëët miitsëty. Ëjts, mëti'ipë Wintsën'ajtpën, mëti'ipë maaytyääyëpën winë, ëjts ënaanp.

Lucas 2:52

Ets ja Jesús ye'ky pyejty, wij'ëtëtsp käj'ëtëtsp, tukxoontakëp ja Tios ets ja ja'ay.

Romanos 8:31

¿Tii ënät njaaktimkyajpxmëp? Pën Tios mëët ëëtsajtëm, ni pën xykyamëmëtakmëty.

1 Samuel 18:12

Yë Saúl nyatsë'këp ënäty wäänjaty yë David. Jä'ä ko Tios ënäty putëjkëyëp xëmë, e yë Saúl ka'ap ja Tios y'ëkputëjkëyënë.

1 Samuel 18:14

E komë yë Wintsën yë'ë ënäty xëmë pyutëjkëp yë David, paaty yë David aak'oy ijty winë wyimpëtsë'ëmxëty mëti'ipë tyuunpyën.

1 Samuel 18:5

Tëkokyë mëti'ipë yë David tuk'ënä'ämëpën yë Saúl tyuuntääpy ijty, paaty pyëjktakë ets yë'ë twinye'eyëty ja tsiptuunpëtëjk mëti'ipë tsiptuunpë nëjkxtëpën. Ja tsiptuunpëtëjkëty ets tsiptuunpë wintsënëty oy tja'awëtyë ko ja David jä'ä tyu'uwinye'ey.