2 Samuel 3:9 - Biblia Mixe de Quetzaltepec

⁹ Ëjts kopkpëkyës ko jëtu'un winë ntuna'any tä yë Wintsën të tukwinwanën yë David, ko yë'ë yajmo'oja'any yë kutujkën ets yë'ë tu'uwinye'eyëty yë naax kajpn, e koos ëjts jëtu'un nkatunëty tsojkës xy'ëktëytyuunëty;

Biblia Dc en Mixe de Quetzaltepec

⁹ Ëjts kopkpëkyës ko jëtu'un winë ntuna'any tä yë Wintsën të tukwinwanën yë David, ko yë'ë yajmo'oja'any yë kuttujkën ets yë'ë tu'uwinye'eyëty yë naax kajpn, e koos ëjts jëtu'un nkatunëty tsojkës xy'ëktëytyuunëty;

2 Samuel 3:9 ပူးပေါင်းရင်းမြစ်များ

2 Samuel 19:13

Ojts näjyëtu'un tni'ënä'ämë ko t'ënëëmëtëty ja Amasá: Mijts njëëky'äjtyp nmëku'uk'ajtyp yë'ë, paaty yam n'ënëëmë ko mijts jëtu'un ënät ja Joab mkutëjkënëp, ma xywyintänëtyën ja tsiptuunpëtëjk. E pën ëjts ka'apës npatuny ja n'aaw n'ayuk yë Wintsën yë'ëjës nëjkx xytyiytyuny.

2 Samuel 19:14

Jëtu'un ojts tyajjotuky ja Judá ja'ay ets tu'ukyë y'ënaantaaytyë ets ja David wyimpitëty mëët tëkokyë ja tyuunpëtëjk.

2 Samuel 3:35

Tä ojts tjaninëjkxtë ja David ets t'ënëmaaytyë ets jeexyë wäänë kyäy, David tyaa y'ëtsooy: Yë Wintsën yë'ëjës xytyiytyunëp, pën ëjts n'apëjkëpës yë kääky uuky maas yë n'aaw njotën ma ka'ap yë xëëw kyëtä'äkynyëmën.

1 Reyes 19:2

Ënät ja Jezabel ënätyë tkejxy tu'uk ja kukäjpxy ma ja Elías jam yajpaatyën ets t'ënëëmëty: Pën mijts mxëëwajtyp Elías ëjts jä'äs nxëëwajtyp Jezabel. Ëjts mëj këjääjës yë wintsëntëjk xytyukpoky'atëty ko mijts ka'ap jëpom ya'atpë horë näjyëtu'un mjatëty mkëpätëty tä yë Baal yë myëtuunpëtëjk të xytyunyën.

1 Reyes 2:23

Ko jëtu'un kyajpxtaay ja yajkutujkpë Salomón, tä y'ënäny: Yë Wintsën yë'ëjës mëk xytyiytyunëp pën ëjts ka'apës ntukumëtoy yë Adonías mëët mëti'ipë të tkäjpxyën.

1 Crónicas 12:23

Yaa jëtu'un yajnimëtyä'äky mëti'ipë ja David ojts tmä'kxyën, ja tsiptuunpë ja'ayëty, mëti'ipë ja tsip wyinkuwa'këtëpën ko jam yajpatë Hebrón, tääts jä'ä ja kutujkën tmëwë'ëmëjanë mëti'ipë ënäty ja Saúl nyitënääpyën, jëtu'un tä ënäty ja Wintsën të tuknipëjktaakën:

Rut 1:17

Jamës n'ookëty ma ënäty m'ookyën ets jamës naaxtëkëty ma ënäty mnaaxtëkën. Tios mëkës nëjkx xytyiytyuny ko ënäty mijts n'ëxmajtspë, ënät tëy n'ëxmatsëty koos ntimy ookëty.

1 Samuel 14:44

Tä ja Saúl mëk yujk'ënany: Yë Tios yë'ëjës xytyiytyunëp pën mijts ka'ap m'ooky, Jonatán.

1 Samuel 15:28

Ënät ja Samuel t'ënëmaay ja Saúl: Timjëtu'un tääjës yam yë nwit të xykyë'tsën, jëtu'un yë Wintsën tkëëtsy yë mkutujkën ma Israel kajpn. Ets të tmo'oy tu'uk yë mmëkukajpn mëti'ipë jaak'oy yë jot winma'anymyëët'ajtypyën këtiinëm mijts.

1 Samuel 25:22

Paaty ojts tnikäjpxy Tios wintum ets y'ënäny: Tios yë'ëjës xytyiytyunëp pën ëjts ka'apës tääpë ja'ay nyajkëjxta'ay mëët tëkokyë yë y'u'unk tyo'oxytyëjk, jyiiky myëku'uk.

1 Samuel 28:17

Yë Wintsën yë'ë tyam tyuunpy mëti'ipës ojts njanikäjpxyën. Yë'ë tëë mpëjkëty ja mkutujktakn ets tëë tmooynyë ja mmëku'uk David.

1 Samuel 3:17

Ets ja Eli yajtëëwë: ¿Wi'ix yë Wintsën të m'ënë'ëmxëty? Tun yë mëyajtën tuk'ëwa'anëkës, këtii xykyuyu'utsy. Yë Tios mtëytyunëtëp yë'ë pën mijts mkuyu'tsyp mëti'ipë yë'ë të mtuk'ëwa'axëtyën.