2 Samuel 3:35 - Biblia Mixe de Quetzaltepec

³⁵ Tä ojts tjaninëjkxtë ja David ets t'ënëmaaytyë ets jeexyë wäänë kyäy, David tyaa y'ëtsooy: Yë Wintsën yë'ëjës xytyiytyunëp, pën ëjts n'apëjkëpës yë kääky uuky maas yë n'aaw njotën ma ka'ap yë xëëw kyëtä'äkynyëmën.

Biblia Dc en Mixe de Quetzaltepec

³⁵ Tä ojts tjaninëjkxtë ja David ets t'ënëmaaytyë ets jeexyë wäänë kyäy, David tyaa y'ëtsooy: Yë Wintsën yë'ëjës xytyiytyunëp, pën ëjts n'apëjkëpës yë kääky uuky maas yë n'aaw njotën ma ka'ap yë xëëw kyëtä'äkynyëmën.

2 Samuel 3:35 ပူးပေါင်းရင်းမြစ်များ

2 Samuel 12:17

Ja mëjja'aytyëjkëty mëti'ipë ënäty yajpatëpën ma ja kyutujktaknën ojts tjaninëjkxtë ets tjä'ënëmaaytyë jeexyë pyëti'iky ets kyäyëty, yë'ë ka'ap tkupëjky ets ka'ap kyääy mëët yë'ëjëty.

2 Samuel 1:12

ets tnijëëy tniyaxtë, ko ënäty ja Saúl të y'ooky të tyëkoy mëët ja myaank Jonatán, näjyëtu'un ja mëti'ipë mëët tu'knax y'o'ktën jam tsipjotm, ojts tu'kxëëw y'ayuu'atë ja Israel ja'ayëty tyimkutsu'ujëtyë jëtu'un mëët ko ja myëku'uk të y'ooktë.

Jeremias 16:7

Ni pën ja kyääky y'uuky tkanipëjktaakëja'any ets ja o'kpë yajwinkay yajwin'uukëty. Këtii nëkoo tyimmon tyimtuktëty ja mëti'ipë ku'o'këtëpën, oy yë'ë'atëty ja teety taak jyatimy'ooky.

Rut 1:17

Jamës n'ookëty ma ënäty m'ookyën ets jamës naaxtëkëty ma ënäty mnaaxtëkën. Tios mëkës nëjkx xytyiytyuny ko ënäty mijts n'ëxmajtspë, ënät tëy n'ëxmatsëty koos ntimy ookëty.

Ezequiel 24:17

Ame'tsyë m'ëyowëty ets ka'ap xynyimon xynyitukëty yë m'o'kpë tä yë ja'ay yë o'kpë tnimon tnitukyën. Ka'ap jää mjëtitëty kuwa'ats tekywya'ats; ka'ap mnäwyinkuwitsëtëty ko yë m'aaw mjot pyëk y'atonëty ets ka'ap yë tsajpkääky xykyäyëty mëti'ipë yajkääpyën ko jëtu'un tyunyë jyätyë.

Jueces 20:26

Ënät jatëkok ojts nyëjkxtaaykyojnëtëpë ja tsiptuunpëtëjkëty ets tëkokyë ja ja'ayëty jam Betel ets jyiiytyë yaxtë Tios wintum mëët ko ënäty may ja myëku'uk të y'o'kojnëtëpë. Tu'kxëëw yajxon ka'ap kyääytyë y'uktë ets ja Wintsën tmooytyë ja wyintsë'kën ma tuntën mëët ja näy'ëëw'oy näykyajpx'oyë.

Ezequiel 24:22

Ets xy'ënëëmëty: Miitsëty jëtu'un tuntë tääjës yam ntunyën: Ka'ap mnäwyit wiinkuyä'äpëtëty ko m'aaw mjot pyëktëty y'atontëty ets ka'ap xykyäytyëty yë tsajpkääky mëti'ipë jää yajkääpyën.

2 Samuel 3:9

Ëjts kopkpëkyës ko jëtu'un winë ntuna'any tä yë Wintsën të tukwinwanën yë David, ko yë'ë yajmo'oja'any yë kutujkën ets yë'ë tu'uwinye'eyëty yë naax kajpn, e koos ëjts jëtu'un nkatunëty tsojkës xy'ëktëytyuunëty;

1 Samuel 3:17

Ets ja Eli yajtëëwë: ¿Wi'ix yë Wintsën të m'ënë'ëmxëty? Tun yë mëyajtën tuk'ëwa'anëkës, këtii xykyuyu'utsy. Yë Tios mtëytyunëtëp yë'ë pën mijts mkuyu'tsyp mëti'ipë yë'ë të mtuk'ëwa'axëtyën.

2 Samuel 3:34

ka'ap ënäty mkë'ëtsumy mteky tsyumyëty. Jëtu'un mijts të mtimy'o'knë, tä jeexyë yë ëxëëk ja'ay ka'oyjyä'äy të myaj'ookyën. Tyam ja mayjyä'äy tam ja näjyëtu'un jyänty ya'axtë.

2 Samuel 3:36

Ojts tja'akyukëtë ets ka'ap ojts wi'ix t'ëk'ënëmaaynyëtë, jä'ä ko tëkokyë mëti'ipë ja David ënäty tyuunpyën, oy t'ixtë.

1 Crónicas 10:12

ënät ojts aakyë'ë nyäkyajpxëtë ja ja'ayëty mëti'ipë jotmëkëtyën, tääts jam tmëkäktë ja Saúl ja nyini'kx ets ja y'u'unk y'ëna'k ja jyä'äjëty ets tmënëjkxtë jam Jabés. Jamts tyajnaaxtëjkëtyë ma jam tu'uk ja xoj kepy tyänën. Ko tyajnaaxtëjkëtyääytyë, wëxtujk xëëw y'ayuu'ajtë.