2 Samuel 3:28 - Biblia Mixe de Quetzaltepec

²⁸ Kom ok ja David tnija'awëy ets y'ënäny: Ëjts ets nkutujktaknës, ka'apës tii poky tmëëtëty mëët ko të y'ooky yë Abner, yë Ner yë myaank.

Biblia Dc en Mixe de Quetzaltepec

²⁸ Kom ok ja David tnija'awëy ets y'ënäny: Ëjts ets nkutujktaknës, ka'apës tii poky tmëëtëty mëët ko të y'ooky yë Abner, yë Ner yë myaank.

2 Samuel 3:28 ပူးပေါင်းရင်းမြစ်များ

Números 35:33

Këtii yë it naaxwiinyëtë xyaj'ëxëëktëkëtëty mëët yë yaja'ay'o'kpë. Jä'ä ko yë yaja'ay'o'kpë yajnipäxëtëjkëtyëp yë naax kajpn. Yë yaja'ay'o'kpë ka'ap tjëkyepy yajuuypyëtsëmëty, koonëm y'ookëty pën të tyuuntëkoyën.

Mateo 27:24

Ënät ja Pilato t'ijxy ko niwi'ix'äämpy ja ja'ay kyaja'akyukëtë, wäänëni'ik y'o'ktëwtë, ënät ni'ënä'ämëy ets ja nëë tyajmintëty ets ojts kyë'ëpujy ets y'ënäny: Ëjts nitii pokyës nkamëëtëty ko ya'atë ja'ay y'ookëty, miits mnija'awëtyëp tii mtuuntëp.

Éxodo 21:12

Pën yë myëku'uk yajtsëtyujtyp yajwintëkoopy ets tyaj'ookëty, kopkpëky ko näjyëtu'un y'ookëty.

Génesis 9:6

Pën yë myëku'uk yaj'o'kpy, nän ja'ay nëjkx yaj'ookyë. Jä'ä ko yë naaxwiinyëtë ja'ay jëtu'un yë të kyojy ijxtëm yë Tios kë'ëm y'ixëtyën.

Génesis 4:10

Jëtu'un yë Wintsën y'ënëmaayë: ¿Wi'ix ko jëtu'un të m'ëtë'ëtsy? Yë m'uty jyot nye'pny, mëti'ipë të xytyemy të xyjye'etyën naaxkëjxy. Yë'ëjës xy'amëtoop etsës nipaye'eyëty.

2 Samuel 1:16

tä ja David ojts y'ënä'äny: Tyam ya'atë Amalec ja'ay të y'ooky, kë'ëm jëtu'un të nyätyunyë, ko të y'ënä'äny ko të tyaj'ooky mëti'ipë ënä'ämpën, mëti'ipë ja Wintsën wyin'ijxën.

2 Samuel 3:27

Ko ja Abner jam jatëkok jyä'äjty Hebrón, atu'uk ojts wyoownëjkxyë ja Joab ma pyak'itëtyën ets nyätyijyë myëëtmëtyaka'anyë, tamtsën ënäty jëtu'un tyänëtë ko ojts y'ëkëty yajtsëtyuty myoxkëjxy ka'ap tyukja'awëyë ets y'o'ky, tuunwinpity ja Joab mëët ko ënäty ja y'uty të y'ooky mëti'ipë ja Abner yaj'o'kën.

2 Samuel 3:29

Yë'ë tëy yë Joab, pokymyëët të wyi'imy ets y'u'unk y'ëna'k, jyëën tyëjk; yë ëyo'on jotmay ets pa'am ëyo'on ka'ap nëjkx y'ëxmatsëtë, tä yë ki'ix pa'amën pu'uts pa'amën, ixtëj pa'am, ëkë wä'än nëjkx pën yë y'u'unk y'ëna'k yaj'o'kxëtë, ëkë yuu xëëw jam y'itëty.

2 Samuel 16:8

Yë Wintsën yë'ë tyam mtëytyuunëp mëët ja mëti'ipë të xytyimtunyën ko ojts ja Saúl ja y'u'unk y'ëna'k xyaj'o'k xyajtëkooyë ets mijts jam mnaaxwe'tsy ma ja kyutujktaknën. Paaty tyam yë'ë ja kutujktakn ja maank Absalón të yajmo'oy ets ënät je'eyë mkäknë mpujnë mëët ko kë'ëm xykyatukjaty wi'ix mja'ay'atëtyën, mijts ka'ap nitii xykyëjxmëty je'eyë myajja'ay'ooky.